ISAIA 5:24 - Khumi Common Language Bible

²⁴ Hunai deaungkho y chohphi hawi acha kajeichi ly mai kangveaung y kang nai kamta, nangchi i tangjynchi ly rawp iy pauchi py jei pawn ai. Ati mana nai mo nabaly nangchi ly kaichi teng y Israela chengchi i chai parai nai, ati cheaungkhang sa thai nai Areng my leu pei nai khai u su nai deaungkho y ne.

ISAIA 5:24 ပူးပေါင်းရင်းမြစ်များ

2 ARENG KEH 19:22

Nang ly ami ai thui tamawn nai mo, nanai nang pany a? Nang ly Israela chengchi i chai parai nai kai Tameuh ai tahm khai y lawh ly.

NEHEMIA 9:26

“Na i py nang i khumichi ly nang ai tiu iy, nang i leu tangai u y; nichi ly nang i Reita leu pei naichi khai u su nai ne. mymychi ai pany hai nai keung, mymychi ai nang teng y ali teaung ai nai thui pi nai keung amochi ai padei u. Nichi ly nang i tlang tleaung y avawrei mei aniu u y nai ne.

JOBA 18:16

Ni i tangjynchi hawi changpichi ly jei iy, deirawm vui ai.

JOBA 8:17

Huni acha keungchi i tangjynchi ly lengseaungchi ai pi naimy akau cheng iy awm reng.

SAM 50:17

Nang ly kaimy kang thui kang parip nai ngai y lawh; kai i reita leu pei nai khai su bo.

THEU NAI 15:7

Nangmy i sa thai naira nang parai naimy ly paleung ka-echi ai sum hai bo; nang i kado theu naira ly mai kamta angveaung iy, chohphi kang nai kamta nichi ai kang hai be bo.

THEU NAI 5:12

Hunaibaly Israela chengchi ly Aikupta pri verei y chohphi hau u nai ne.

ISAIA 1:31

Dengkeaung kadei ly mai kali deaungkho y, mai amtawi nai kamta phum-ang len nai khumichi py, mychi i kamngochi deaungkho y phra u ai. Huna nai phra naira ai ly ami py paka ai nai nga ai ny y,” nanai thui bo.

ISAIA 1:4

Nangchi kamngo sa nai khumichi awi, sa tamang reng nai khumi kamngochi awi! nangchi ly taham si u bo. Nangchi ai ly kamngo mynji my ang ti cheng na lawh bo ly! Israela chengchi i chai parai nai Areng Tameuh ai khai su iy, mymy ai nithun thun u vui bo.

ISAIA 24:6

Hunai deaungkho y Tameuh ly khaileaung y vaineng lawi hai bo. Khaileaung i khumi bawibawichi py, mychi i sa tamang nai kamngo vang amtym u bo. Dei kamthumchi py di tleaung dira nai ne.

ISAIA 26:11

Paleung ka-echi ly mychi ai nangmy pajeng ai, nanai pany u y. Aw Areng, nichi ai kangji ngo hai ba. Patang naira tym hai ba. Nangmy sa pi yb nai pajeng naira avum hai ba. Nang ly nangmy i khumichi ai mana tanrei tamen mo, nanai nichi ai pany hai ba.

ISAIA 30:12

Na i py Israela chengchi i chai parai nai Tameuh my, “Nangchi ly kai i leu tahm khai u y naimy, khrukhra naira hawi tapawp naira naini a-ym u bo.

ISAIA 30:9

Nichi ly Tameuh ai avawrei tiu naimy, avawrei tapawp naimy, Areng i leu ai avawrei akhi naimy awm u nai ne.

ISAIA 47:14

“Nichi ly choh-ali kamta lawm iy, mai ly nichi ai kang ai! Nichi ly mymychi ai malawn py atleu u pajau ai ny y. Mai kangveaungchi ly bi-um ai nai a-awm nai mai ny y i, nichi i vui ly khri pa-rei ango ai.

ISAIA 7:9

Israela pri i atho ly Samari mary ne iy, Samari mary i atho py samrang Pekah ne. Nangchi ly Tameuh ai hawihai palai ym y lawh baly, mana khala py angdo u pajau ai ny y,” napi.

ISAIA 8:6

Mymy ly “Hini khumichi ly leaung kajai nai Siloh tavo micheaungkhai su iy, samrang Rezin hawi samrang Pekah nini i mo y kaso theu nai deaungkho y,

ISAIA 9:18

Khumichi i hawi y nai sai ly aleng keung cheaungkhang ai kang hai nai mai kamta, angveaung bo. Kamparui mai kamta angveaung iy maikhyh angjawichi khyh hai kalau nai ne.

ISAIA 9:19

Ati mana nai mo nabaly ati cheaungkhang sa thai nai Areng ly kado theu bo. Mymy i pajeng nai ly pri verei y mai kamta angveaung iy, khumichi ai tamyh pawn ai. Huna nai khala khumi luteng ly amy i vui tleaung ai nai atho sa u ai.

JEREMIA 6:19

Khaileaung i khumichi awi, tangai u! Hini khumichi ly kai i leu tangai y, kai i parip nai leu py khai u su bo. Hunai deaungkho y kai ly nichi nga ai ataing nai ka-jeira ly nichi i tlang tleaung y katym hai ai.

JEREMIA 8:9

Nangchi i khumi kachengchi ly kangji nga u bo. Nichi ly paleung khrukhra naimy deaung y man u bo. Nichi ly kai i leu khai u su bo i, vai nichi ly ati cheng naira awm u jau mo?

Ezekiela 15:6

Sa thai naira angym nai Areng my leu pei nai ly “Kreip keung ai daichi i nai la iy mai y tei nai kamta, kai ly Jerusalem mary i khumichi ai pahawi iy,

HOSEA 11:9

Kai ly kado theu iy nang ai pajeng ai ny y; kai ly Israela ai taphra bi ai ny y. Ati mana nai mo na baly kai ly khumicho ny y, Tameuh ne nai deaungkho y ne. Chai parai nai keung kai, Tameuh ly nangchi hawi vanrei awm nai ne. Kai ly kado theu naimy nangchi teng y kang jeu ai ny y.

HOSEA 5:12

Kai ly Israela pri khumichi ai taphra iy, Juda khumichi ai tamyh vui ai.

HOSEA 9:16

Israela khumichi ly tangjyn jei nai deaungkho y, athai thai y nai dengkeaung keung hawi atawm. Nichi teng y cho chanau thawn hai ai ny y. Cho chanau sa lawh teu baly, nichi i thi ngan kamji chanauchi ai kaimy padei vui ai,” napi.

JOELA 2:5

Nichi ly mawi aheungchi salo y ampyh u iy tavai keaungngo ka-richi i katyn kamta py, acha kajeichi ai mai my kang nai kamta py, hang u nai ne. Nichi ly tavai atiu ai angveirym nai tavaimi kamkawm pui kamta, amjyn u bo.

AMOS 2:4

Areng my, “Juda pri khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly kai i leu pei naichi niu ngai y iy, kai i pei nai reita leuchi patawm u y. Mychi i amsi pajochi ahihawi iy, chiu nai teng y nai tameuhchi mang y mychi naimy abang i, lam tamang u bo.

AMOS 2:9

“Huna nai kamta ly kai i khumichi awi, kai ly nangchi i vui saitleang keung tanrei asang iy, ngopraibiu keung kamta atho awm parai nai Amori khumichi ai kataphra pi chauchau bo.

NAHUM 1:10

Nang ly kabeng aleng, acha kajei kamta, pavui nai khumi ai ly mai my kang vui ai!

MALAKHI 4:1

Ati cheaungkhang sa thai nai Areng my, “Paleung len amlyh nai khumi hawi khumi hawi y nai bawibawichi ly chohphi kamta mai my kang nai neng kani tym ai. Hini neng kani khala nichi ly mai my kang ai i, tangjyn hawi changpi kamsi kamdi malawn py awm ai ny y.

MATTHAI 3:12

Mymy i paho ly kiu y awm, naibaly mymy ly mymy i ho nai meingtym pachai pan iy, mymy i choh ly chenghi y adyh ai, choh ali naini padei pajau y nai mai y leng ai,” napi.

LUKA 10:16

“Ami py nangchi i leu tangai baly kai i leu tangai nai bo mang; ami py nangchi ai ngai y baly kai ai ngai y nai bo mang; ami py kai ai ngai y baly, kai ai pato nai keung ai ngai y nai bo mang,” napi.

LUKA 3:17

Mymy i ho nai meingtym pachai pan ai nai hawi, mymy i cho ly chenghi y adyh ai nai py mymy i paho ly kiu y awm; choh ali naini padei pajau y nai mai y leng ai,” napi.

LUKA 7:30

Na i py Pharisaichi hawi Reita pany nai keungchi ly ni teng y baptisma ngo y iy, Tameuh my mychi i vui ka-vo sa pi nai ly ngai u y.

JOHAN 12:48

Ami py kai ai ngai y iy kai i leu thui naichi py tangai y baly, ni ai pasum nai keung leaungrei awm; kai i leu thui nai ly huni leu kypkyp my kani kangkhym y ly mymy ai pasum ryp ai.

AMTAW 13:41

‘Tahm khai y nai keungchi awi, khen u cham, Rengrang py ti u ly, tamo my tamo u; Nangchi heng nai ryrei ly hini kai i atiti sairei sa nai ly Huni ly ami my nangchi teng y ang thui pi i py Nangchi pipi ym ai ny y,’ nanai ly,” napi.

Leu Thui Nai 28:24

Areng my kani nai hai ai nai jeng y, speung kamchai, spryh kamchai aho hai nai deaungkho y nangchi ly dei u be ai.

I THESALONIKA 4:8

Hunai deaungkho y hini leu tahm khai y nai khumi ly khumi ai tahm khai y nai ny y i, nangchi teng y Phailo Kachai ai ang pei nai Tameuh ai tahm khai y nai teu.

1 SAMUELA 15:23

Mymy ai tiu nai ly uimiu khawn nai kamta hawi y keh nai ne i, paleung len amlyh nai py, mynchi ai chiu nai kamta kamngo len. Nang ly Areng i leu pei nai tangai y nai deaungkho y, mymy ly nang ai samrang i nai pala vui bo,” napi.

1 SAMUELA 15:26

Samuela my, “Nang hawi kai abang y leang; nang ly Areng i leu pei nai tangai y nai deaungkho y, mymy ly nang ai Israela samrang i nai pala vui bo,” napi.