ISAIA 5:23 - Khumi Common Language Bible

²³ Na i py nangchi ly un langseaung nga lawh teu baly, sa tamang nai khumichi ai pajeng y naimy patleaung vui iy, tamang y nai khumichi ai ly kataw kateng chih pi u y.

ISAIA 5:23 ပူးပေါင်းရင်းမြစ်များ

1 ARENG KEH 21:13

Khumi hawi y nai leaung nyhrei my py, Tameuh hawi samrang ai thui tamawn nai molam y, Naboth ai mipuichi mo y seu u. Naibaly khumichi ly ni ai mary angam mang y patheu iy, lengseaung hawi aphi u ka nai ne.

2 NENG SATANG 19:7

Areng ai jei kaji naimy, hawihai palai so u. Ati mana nai mo na baly achi i Areng Tameuh ly li-tapawp nai, meimai khen patleh nai, un cha naichi ai niu ngai y nai deaungkho y ne,” napi.

SAM 94:21

Nichi ly khumi kahawichi ai padei ai nai pa-rei, tara leu amcheang hai u bo.

LEU KACHENG 17:15

Kamngo by y nai khumichi ai pajeng nai ai py, khumi hawi y naichi ai pajeng y naimy lawi hai vui nai ai py, Areng ly niu ngai y nai ne.

LEU KACHENG 17:23

Sa nai sai teng y nai ai tara chih nai keungchi ly kangviu y pei nai un langseaungchi talam u reng. Hunai deaungkho y, kateng lam tara chih pi thai y.

LEU KACHENG 24:24

Tara chih nai keung ly kamngo awm nai khumi ai, kamngo by y nai khumi ne, nanai leu pacheang lawh teu baly, khumi bawibawichi my, pasawi nai hawi niu ngai y naira avum ai.

ISAIA 1:23

Nang i miteaung kehchi py langmeang thau naichi, kangviu ai atho pei naichi lawm u bo. Nangchi ly un langseaungchi la u teu i py, Tara jeungra y nuro nukai chochi ai amo hai u y. Lumai cheaungtichi i ka-jo ka-thuichi ai py, tangai iy chih pi y.

ISAIA 10:1

Nangchi ly taham si! Kai i khumichi ai ana ai nai, teng y nai reitachi sa u bo.

ISAIA 10:2

Hina nai kamta nangchi ly khumi kamawnchi ai mychi nga ai avo naichi ngo thai y ai nai, nangchi ly reita kateng tara chih ai nai so u y. Lumai cheaungtichi hawi nuro nukai chochi i vawnsaichi py la pi pawn nai ne.

ISAIA 28:7

Amochi hawi pathyp pi nai keungchi malawn py nei cha ala nai deaungkho y atlym u khikha nai ne. Nichi ly kreip hang hawi mhm-rah nei ala nai deaungkho y, tapai taveang iy atlym u bo. Amochi ly pavui jojo nai deaungkho y, Tameuh my amteng hai naichira i awm nai sai pany thai u y. Pathyp pi nai keungchi py, mychi teng y tym nai atitichi ai tara chih pi thai y nai ne.

ISAIA 29:21

Tameuh ly ami ai kangji pei naichi, reita taphra nai khumi ai pajeng naira avum y pa-rei sa vui naichi hawi, khumi kahawichi my ka-dyh ka-dawi tara chih nai lei amcheang y ai nai, ka-chawi naimy pany hai nai khumichi ai tamyh ai.

ISAIA 32:7

Ni ly khumi hawi y nai ne i, hawi y nairachi naini sa thai khyh. Khumi kamawnchi i nga ai avo naichi ngo y vui ai nai, li-tapawp iy dawn pasym reng.

ISAIA 59:15

Huni meingtym y khumi kahawi ly di parai nai deaungkho y, hawi y naira ai en vui nai khumichi py hawi y naira avum u lawh bo.” Hina naichi niu nai deaungkho y, Areng ly adyh adawi naira by y nai ai niu ngai y.

AMOS 5:12

Nangchi ly mana tanrei kamngo sa tamang iy, nangchi i kamngo ly mana tanrei jei ai hawi na mo, nanai kai pany. Nangchi ly khumi kahawichi ai ana iy, un tangka cha u. Khumi kamawnchi ai kateng chih y naimy, nichi ai tara jeung i dengdairei patheu u nai ne.

MIKHA 3:11

Mary y peang nai khumichi ly un tangka cha iy, peang u. Pathyp pi nai keungchi ly vang nga ai nai i vui y reita leuchi patiu pi. Amochi ly tangka la iy amteng hai nai leu thui pachai u. Nichi bawibawi my Areng ly nichi hawi vanrei awm, nanai thui u. Nichi my, “Kaichi teng y patang naira tym pajau y, Areng ly kaichi hawi vanrei awm nai ne,” nanai thui u bo.

MIKHA 7:3

Nichi ly hawi y sa ai naira y kawp nai khumichi ne. Miteaung kehchi hawi tara chih nai keungchi ly un langseaung hnei u reng nai ne. Sa thai naira haidau awm nai khumi i kangai abang iy, nichi ly hawi y nai katau vanrei dawn u bo.

MATTHAI 23:35

hunaibaly khumi kahawi Abela i thi dengdairei, meingtym kachai hawi maicham sala y Barakia i chapo Zakaria ai nangchi my padei nai thi khrairei, khaileaung tleaung i khumi kahawichi i thi theu nai bawibawi ly nangchi i tlang tleaung y tym ai.

Leu Thui Nai 16:19

Nichi ly tara chih nai khala teng y nai hawi meimai khen ai nai tlo y, un tangka py cha ai nai tlo y. Huni un langseaungchi ly khumi kachengchi hawi khumi kahawichi i mei paju hai iy, tara lam tamang hai reng nai ne.

JAKOB 5:6

Khumi kahawi ai ly nangchi my pasum iy padei i, ni my ly nangchi ai paka y leang.