ISAIA 5:12 - Khumi Common Language Bible

¹² Nangchi i pawichi sa naira y tarochi, atymchi, byhlyhchi hawi kreip hangchi abawi reng nai ne. Na i py Areng ly ati mana sa mo, nanai nangchi pany y.

ISAIA 5:12 ပူးပေါင်းရင်းမြစ်များ

ATITI AWM ANGCHEI NAI 31:27

Ati mana nai kai ai tapawp iy kai teng y thui pi y naimy kangviu y preang vui lawh mo? Kai teng y thui pi i khyly taro, atym, sa-ra beu naimy amo theu nai khulym thui iy kang pavum ai chybo.

2 SAMUELA 19:35

Kai ly saneng vui tajarei awm. Ati mo ra py kai i vui ly amo theu naira by y leang bo. Cha nei teu i py kalum kathau, kamlym pany y leang bo. Khulym raawi py thai y. Kai ly samrang nang i vui myn kaji pho nai lawm ai.

JOBA 34:27

leu pei naichi tahm khai u y nai deaungkho y, mymy ly nichi ai, khumi mipuichi i mo y pajeng nai ne.

SAM 28:5

Nichi ly Areng i sa nai leaungsaichi ai py, mymy i atiti sa nai saichi ai py, tahm khai u y. Hunai deaungkho y mymy ly nichi ai kamngo vang pajeng iy, deungtasarei tama hai ai.

ISAIA 22:13

Nang ly huna nai sa ai nai jeng y, pawi sa lawh nai ne. Si, beramchi tleh, cha iy kreip hang nei bo. “Khawndam dei u ai bo i, vai ly achi cho nei u sina,” nanai nang ly thui nai ne.

ISAIA 24:8

Nichi i tarochi, atymchi ra i tangai ai hawi nai khulym raawichi py tama veng bo.

ISAIA 29:1

Tameuh i maicham napi nai Jerusalem mary malawn py taham si! Davida i tavai taira mary ly taham si! Huni mary y sanengrei, saneng nyhrei pawichi sa naimy awm u rai sy,

ISAIA 5:19

Nangchi my, “Kaichi niu ai nai Areng ly mymy i leu pei nai kamta, so pi kaliki sy. Israela chengchi i chai parai nai Tameuh ly mymy i dawn tau naichi so pi takengkei na sy. Mymy i dawn tau nai achi khen u sina,” nanai thui lawh.

ISAIA 56:12

Hini nei cha ala naichi my, ‘Jeu u, achi ly kreip hang la iy nei u tleaungleaung sina. Khawndam ly vaini tleaung y hawi keh ai,’ nanai pavui tapai naichi ly thui u nai ne.

Ezekiela 26:13

Kai ly nang i khulym raawichi, taro katynchi anawn hai ai.

DANIELA 5:23

Nang ly kani pri mang i Areng ai ka-awi sa iy, Achura yhm theung i muku khauchi la hai lawh bo. Nang hawi vanrei, nang i bangtangchi, samrangnuchi, samrangnu i aheaung apaichi ly huni muku khauchira y kreip hangchi tleng iy nei chum baly, mei niu y, kano thai y, ati sai py pany y nai muku, tangka, kheupaja, tamo, dengkeaung, lengseaungchi hawi sa nai tameuhchi ai palo u bo. Na i py nang ly nangmy i tlang ai py, nangmy i sa nai bawibawichi ai py, peang nai keung Tameuh ai ly palo y lawh.

LUKA 16:19

“Naibaly khumi kanang ami mo leaungrei awm: mymy ly kanih kamsen jeaung hawi, kanih mai ka-syn akhiu i, kani tleirei tlamsa jojo.

I KORINTH 14:7

Atiti hengra by y nai tyn thai naichi py, byhlyh mo, taro mo ly, sailang kamny tyn y baly atiti eng mo, nanai mana pany thai ai mo?

JUDA 1:12

Hunichi ly nangchi hawi vanrei atamen nai pawi cha u nai thym khala y ly amtengru nai lengseaungchi ne: jei y naimy apacho nai beram typ nai keungchi ne:tui by y nai khupanym ai ali my hm naichi ne: athai by y nai ngam aau nai thengthai, tleng nyhrei dei nai, tangjyn khrairei akyn rau naichi ne:

1 SAMUELA 12:24

Areng ai jei kaji iy, paleung hawi verei ka-ym awm naimy chiu so u; nangchi ly mymy i rengrang ang sa pi naichi ly pany u jo ba.