ISAIA 5:11 - Khumi Common Language Bible

¹¹ Nangchi ly taham si! Nangchi ly mhm-rah nei u ai nai ang thau kasa iy, dym mang py pavui jojo reng nai ne.

ISAIA 5:11 ပူးပေါင်းရင်းမြစ်များ

2 SAMUELA 19:35

Kai ly saneng vui tajarei awm. Ati mo ra py kai i vui ly amo theu naira by y leang bo. Cha nei teu i py kalum kathau, kamlym pany y leang bo. Khulym raawi py thai y. Kai ly samrang nang i vui myn kaji pho nai lawm ai.

LEU KACHENG 20:1

Mhm-rah nei ala nai khumi ly leu raawi len iy sa tamang reng; mhm-rah pavui tapai reng nai ly khumi ka-khum ne.

LEU KACHENG 23:32

Huni ai nei patyhm lawh baly, huni bo i khawn mang y ly pavui kangso my patiu nai kamta avum ai.

ISAIA 22:13

Nang ly huna nai sa ai nai jeng y, pawi sa lawh nai ne. Si, beramchi tleh, cha iy kreip hang nei bo. “Khawndam dei u ai bo i, vai ly achi cho nei u sina,” nanai nang ly thui nai ne.

ISAIA 24:9

Nichi ly kreip hang nei iy khulymchi thui u y leang bo. Ami py kreip hang i hawi nai sai avum u y leang bo.

ISAIA 28:1

Israela pri ly taham si! Mychi i cha nei ala nai lu sa nai keungchi i adeung nai kaseaung lukhym kamta, huni pri i phum-ang ly rawm naimy awm nai ne. Huni lu sa nai keungchi ly amlyh am-e naimy, mychi i lu y mui kahawi rimui amthym teu i py, nei cha ala nai y atlym u na bo.

ISAIA 28:3

Huni neicha ala nai lu sa nai keungchi i amlyh am-e nai ly kheu hawi chiu piu nai avum ai.

ISAIA 5:22

Nangchi ly taham si! Nangchi rah palang soraichi awi! nangchi ly rah katlen naira y vam parai i, jei nai paleung by y lawh ly!

ISAIA 56:12

Hini nei cha ala naichi my, ‘Jeu u, achi ly kreip hang la iy nei u tleaungleaung sina. Khawndam ly vaini tleaung y hawi keh ai,’ nanai pavui tapai naichi ly thui u nai ne.

HABAKKUK 2:15

Nangchi ly taham si u! Nangchi ly kado theu nai deaungkho y, nangmychi i yhm deaungpa prichi ai cheh iy kangji khai u bo. Nichi ai pavui tapai nai kamta atlym hai khikha bo.

HABAKKUK 2:5

Nang chawn nai ly li-tapawp reng; ngai phi ala naichi ly paleung len amlyh iy, paleung khaw y. Nichi ly dei areng kamta, mana khala py paleung anyp vai y. Hunai deaungkho y nichi ly pri harei bo baly pri harei ai tiu iy peang vui reng nai ne.

LUKA 21:34

“Na i py tau tleaung y awm u, ti y baly cha nai kajeu kawi ala nai hawi, mhm pavui nai hawi, heng nai sala y awm nai sai dawn nai hawi nangchi i paleung y kawi ala ai i, huni kani y ly deaung man nai kamta tlenrei khyh my nangchi i tlang tleaung y tym miu lawh na.

ROM AVANGCHI TENG Y PAWLA I CHA PA NAI 13:13

Kanithun y awm nai kamta hawihai palai awm u sina; mhm nei khrukhra nai hawi, mhm pavui y naimy, paleaung nai hawi angai nai py awm y naimy, ajo nai hawi paleung ano nai py awm u moh sina.

I KORINTH 6:10

paviu naichi mo, paleung no naichi mo, pavui naichi mo, ami mi ai jo naichi mo, um paviu naichi mo ly Tameuh i pri amtym ai ny y leang.

KALATIA 5:21

pavui naichi, mhm pawi y amo theu naichi, hunichi ka-tawm ly; huni sa reng naichi ly Tameuh i peang naira amtym u y ai, nanai jangni y kang thui pi rym nai kamta vai py kang thui pi rym nai he.

1 SAMUELA 25:36

Abikaila py Nabala teng y vawi bo. Nabala ly my i yhm y samrang i pawi kamta, khri pa-rei cha nei pawi pui sa nai ne. Ni ly hm-rah pavui naimy amo theu nai deaungkho y, Abikaila ly ni teng y khawn khutawi ryrei, ati sai py amti pi y leang.