ISAIA 49:9 - Khumi Common Language Bible

⁹ Theaung tla nai khumichi teng y, ‘Amy ngaingai theu u!’ nanai py, kaveng theung y awm nai khumichi teng y, ‘Kangvang y theu u!’ nanai py kang thui pi ai. Nichi ly mawi aheungchira y teicha tlai nai beramchi hawi atawm ai.

ISAIA 49:9 ပူးပေါင်းရင်းမြစ်များ

SAM 102:20

Areng ly salo ka-sang meingtym kachai mang dengdairei khen kathiu bo; mymy ly kani pri mang dengdairei meung iy, khaileaung y khen patawm nai ne.

SAM 146:7

Mymy ly ana naira avum nai khumichi ai meimai khen iy tara chih pi i, kajeu alam naichi ai pacho panei pi bo. Areng ly theaung tla naichi ai lawi hai iy, mei kamjuchi ai mei angvang hai.

SAM 22:26

Khumi kamawnchi ly kajeu kawi pa-rei cha ai nai nga u ai. Tameuh teng y ahihawi nai khumichi ly mymy ai palo u ai. Nichi ly deungtasarei hawi naira nga u ai!

SAM 69:33

Areng ly ngari kamtang avum nai khumichi i, chiu sa hnei takeng nai tangai pi bo; theaung tla nai mymy i khumichi ai tami pi vui y leang.

ISAIA 41:18

Kai ly ati sai py prau y nai mawi aheungchira y tavochi lawm hai iy, leaunghawichi hawi tavo micheaungchi lawm hai ai. Kai ly khutaha daichi ka-vym y tuipumchi lawm ai nai py, khutaha khaileaungchi ai, tuikhochi lawm ai nai py, amtlau hai ai.

ISAIA 42:16

“Kai ly kaimy i mei kamjuchi ai nichi tako vai y nai lam mang kapahawi ai. Kai ly nichi i mo y, kaveng ai kangvang lawm hai iy, khuleaung lam hawi y nai ai thleaungthlang hai ai. Hinichi kai sa ai; kaso y naimy awm ai ny y.

ISAIA 42:7

Nang ly mei kamjuchi ai mei angvang hai iy, theaung kaveng takunchira y awm nai khumichi ai, law tleaung hai ai.

ISAIA 48:17

Israela chengchi i chai parai nai Tameuh, nangchi ai atleu nai Areng my, “Kai ly nangchi hawi ai nai i vui y patiu pi iy, nangchi tako ai nai lam patei pi nai nangchi i Areng Tameuh ne.

ISAIA 5:17

Phra seaungkhrang nai marychira y beramchochi ly acha cha naimy, mi-ichi py sui tlaira meingtymchi avum ai.

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

ISAIA 65:13

Hunai deaungkho y kai i leu tangai iy, kai ai chiu naichi ly cholei neilei y iy, nangchi ly kajeu alam naimy tui py ahai u ai. Kai i miseaungchi ly amo theu iy nangchi ly kangji nga u ai, nanai nangchi ai kai, Areng my kang thui pi nai ne.

ISAIA 9:2

Kaveng theung y tako nai khumichi ly khri pa-rei angvang nai kangvang niu u bo. Nichi ly dei areng i ka-khui khiu nai pri y awm u teu i py, vai ly nichi i tlang tleaung y kangvang sangso tym hai bo.

Ezekiela 34:23

Nichi i vui beram typ nai keung leaungrei lawm ai nai, kai i miseaung Davida ka-tawm samrang khai pi ai. Ni my ly nichi ai kry ai.

Ezekiela 34:29

Kai ly nichi ai paitiu khuta hawi nai meingtymchi pei iy, pri theung y tahum takang py tama hai ai. Cheng takhra khumichi my py nichi ai mana khala py panui hai bi ai ny y.

JOELA 3:18

Huni neng khala mawichi ly kreip akhochi hawi kawi na ai. Mawi aheungchira py sichi tlai nai niu ai. Juda pri verei y tui hawihai palai nga u ai. Tavo micheaung tui ly Areng i Achura yhm mang dengdairei leaung ai i, Akasia leaunghawi ai am-i hai ai.

Levi 25:54

Na i py ni ly lam ha harei hawi miseaung i nai alawi pajau y lawh baly, momang i pei ali teang nai saneng tym nai khala, ni hawi ni i cho chanauchi ai miseaung i nai palawi ai nai tla.

MIKHA 5:4

Huni samrang ang jeu nai khala y, ni ly Areng teng i sa thai naira hawi py, my i Areng Tameuh teng i sa thai naira hawi py, mymy i khumichi ai peang ai. Khaileaung pri verei y awm nai khumi bawibawichi ly mymy i nang parai nai sai pany nai deaungkho y, my i khumichi ly chymme naimy awm u ai.

LUKA 1:79

Kaveng theung y hawi, deira ka-khui y ateh naichi ai angvang hai ai nai hawi, Awm nem naira lam y achi i kheu takan hai ai nai py, Salo mang i dengdairei kani si nai ly achi ai ang de ai,” nanai thui yb.

LUKA 2:32

Kai i mei y kaniu bo,” nanai Tameuh ai palo.

LUKA 4:18

“Khumi kamawnchi teng y Satang Kahawi thui ai nai ang khai takhra nai deaungkho y, Areng i Phailo ly kai i tlang tleaung y awm; Miseaungchi teng y alaw hai ai nai leu hawi, Mei kamjuchi teng y mei angvang teang ai nai leu thui ai nai py, Ana patang naichi ai patheu ai nai py,

JOHAN 10:9

Kai ly katheu pa-kho ne: ami py kai i saho y kun baly lawi hai ai, naibaly ni ly kun py kun, theu py theu ai i teicha tlai ai naira nga ai.

JOHAN 8:12

Naibaly Isu my nichi teng y leu thui bi i, “Kai ly khaileaung pri i kangvang ne; ami py kai teng y abang nai ly kavengra y tako ai ny y i, heng naira kangvang nga lawh ai,” napi.

AMTAW 26:18

mymychi i mei pali hai ai nai, hunaibaly kaveng dengdairei kangvang mang y hi vui thai ai nai hawi, Setan i aly peang naira i nai ly Tameuh mang y hi vui thai ai nai hawi, kamngo pahen naira nga thai ai nai hawi, kai ai ym nai deaungkho y chai chum naichi theung y yhmtheaung kamtym nga thai ai nai py, mymychi teng y kang pato nai he,’ napi.

EPHESI 5:14

Hunai deaungkho y mymy ly, “I nai khumi awi, anglaw ly! Kadeichi theung i dengdairei angthau, Hunaibaly Krista my ly angvang hai ai mang,” napi.

EPHESI 5:8

ati mana nai mo nabaly nangchi ly jangni y kaveng ne, na i py vai ly Areng y ly kangvang lawn u bo:

Leu Thui Nai 32:13

“Mymy ly mymy i khumichi ai mawitleaung prichi peang hai iy, li hlauchira i theu nai amti amjangchi cha hai bo. Nichi ly lengseaung ka-kochira i khawi hang py, leungchip khaileaung y prau nai olive keungchira i asituichi py nga u nai ne.

KOLOSA 1:13

Mymy ly achi ai kaveng aly peang naira i nai ang law hai i, mymy i Chapo tamen parai nai i peang naira y achi ai ang khai vui bo;

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;