ISAIA 49:7 - Khumi Common Language Bible

⁷ Khumi cheng cheaungkhangchi my niu ngai y nai khri pa-rei avum iy, samrang hawi y naichi i miseaung teng y, Israela chengchi i chai parai nai Tameuh, atleu keung my, “Pri peang nai samrangchi ly nang ai law tleaung hai iy tahm ang khai u ai. Samrang i chapochi my py nang ai niu iy, tahm khai nai lu meung u ai.” Ati mana nai mo nabaly ka-ym awm nai Areng napi nai Israela chengchi i chai parai nai Tameuh ly nang ai vawi takhra nai deaungkho y ne,” napi.

ISAIA 49:7 ပူးပေါင်းရင်းမြစ်များ

ATITI AWM ANGCHEI NAI 27:29

Pri bawibawichi ly nang teng y lu meung iy miseaungchi lawm u sy. Cheng cheaungkhangchi ly nang i mo y lu meung u sy. Nang ly amjo amnauchi ai peang sy. Nang i amhm kangpreangchi ly nang ai lu meung u sy. Nang ai pasawi nai khumi ai ly amsawi lawi teang sy. Nang ai amtheaung hai nai khumichi ly amtheaungra ngo teang sy,” napi.

SAM 47:9

Pri tleireichi ai peang nai samrangchi ly jeu iy, Abraham i chiu nai Tameuh i khumichi hawi vanrei achu u bo. Mymy ly khaileaung pri y awm nai tavaimi ngiereichi tleaung y sa thai naira awm keh; mymy ly sa thai nai ra awm keh nai samrang ne.

SAM 68:31

Aikupta pri i savaichi ly nang teng y ang jeu u ai; Ethiopia pri khumichi ly kiu pheu iy, Tameuh teng y chiu sa hnei takeng u ai.

SAM 69:19

Kai ly mana tanrei mei aniu y naira avum iy, mana tanrei kangji kangai nga na mo, nanai nangmy pany nai ne. Nang ly kai i paleung ka-e bawibawichi ai niu bo.

ISAIA 14:1

Areng ly mymy i khumi Israela chengchi ai pahen ali teang nai ne. Mymy i khumichi palawn ai nai vawi takhra ai. Mymy ly nichi ai mychi i saleaung khutengra y awm u ali teang ai nai pei ai. Cheng takhra khumichi ly jeu iy nichi hawi vanrei awm u ai.

ISAIA 19:21

Areng ly mymy ai Aikupta chengchi my pany ai nai sa ai. Huna nai khala y nichi ly mymy ai pany iy chiu u ai. Mymy teng y tawnbawi hawi kapathyprachi syn u ai. Nichi ly mymy i mo y leu meitang adeu iy, huni leu meitang adeu nai kamta sa u ai.

ISAIA 19:23

Huni neng tym nai khala y Aikupta pri hawi Asuria pri sala y, lam manglai pui harei sa ai. Huni prichi ra i khumichi ly pri harei hawi pri harei ly, vanrei chiu sa achu u ai.

ISAIA 27:13

Huni neng kani tym nai khala y Asuria pri hawi Aikupta pri y pri pala nai avum nai Israela cheng bawibawichi ai palau nai baw eng ai. Nichi py Jerusalem mary y awm nai, mymy i mawi kachai salo y Areng teng jeu iy chiu ai.

ISAIA 42:1

Areng my, “Hini khumi ly kaimy atho awm hai nai, kai i miseaung, kai i paleung kangai vawi patyp nai khumi ne. Kai ly kaimy i Phailo ai ni teng y kawi hai ai. Ni py khumi cheng cheaungkhangchi ai, ka-dyh ka-dawi naimy peang ai.

ISAIA 48:17

Israela chengchi i chai parai nai Tameuh, nangchi ai atleu nai Areng my, “Kai ly nangchi hawi ai nai i vui y patiu pi iy, nangchi tako ai nai lam patei pi nai nangchi i Areng Tameuh ne.

ISAIA 48:7

Vai khala naini hunichi tym hai ai. Huni atitichi ly vaichi khala tym vai y rai. Tym hai lawh teu i khyly, huni atiti satangchi kaichi pany veng bo, nanai nangchi thui u ai.

ISAIA 49:1

Pri takhra i khumi cheng cheaungkhangchi awi, kamlora y awm nai khumichi awi, kai i thui nai leu nangchi tangai u! Kai ai tapen y rai khala my Areng ly kai ai vawi takhra iy, mymy i miseaung y ang khai bo.

ISAIA 49:23

Samrangchi ly ampo kamta nangchi ai ang kry iy, samrangnuchi ly amhm kamta pacho panei ai. Nichi ly lu meung naimy nang ai chiu u ai. Nichi ly tahm apanem naimy, nang ai tahm khai nai sai patei ai. Huna nai khala y kai ly Areng ne, nanai nangchi pany u ai. Kai i kasabawmra ajeng nai ngiereichi ly paleung phra ai ny y,” napi.

ISAIA 49:26

Kai ly nang ai pahyp y naimy ana nai khumichi ai, mychi tengtawi atleh hai iy, kasa them hai ai. Huna nai khala kai ly nangchi ai atleu nai keung Areng ne, nanai khumi bawibawichi my pany u ai. Kai ly Israela chengchi i sa thai naira awm nai keung Tameuh ne, nanai nichi pany u ai,” napi.

ISAIA 50:6

Kai ly kai ai pakhau nai khumichi teng y nithun anam amteng pi nai ne. Kai i labeaung muichi aprei chum baly, kai i meimai y pachi pathawi iy, kai ai nichi my ana nai khala, kai ly nichi ai paka y leang.

ISAIA 52:15

Na i py vai, ni ly khumi cheng cheaungkhangchi ai chai hai ai. Samrangchi py mynkym u ai. Nichi ly mana khala py pany vai y nai hawi thai vai y naichi niu iy, pany u thai ai,” napi.

ISAIA 53:3

Kaichi ly ni ai paso i, khai su nai ne. Ni ly ngari kamtang hawi no patang nai avum. Ni ai khen alengli nai khumi leaungrei py by y. Kaichi ly ni ai vang teng y nai khumi kamta, athang khai y naimy nai ne.

ISAIA 60:10

Areng my Jerusalem mary ai, “Cheng takhra khumichi ly nang i mary apaichi sa u palai teang ai. Nichi i samrangchi py nangchi i kalop ang sa pi ai. Kai ly kado theu nai deaungkho y, nangchi ai kang pajeng nai ne. Na i py vai ly nangchi ai meimai kahawi pei iy, kang pahen ai.

ISAIA 60:16

Amhm ly chanau ai kanu panei nai kamta, khumi cheng cheaungkhangchi i samrangchi ly nang ai ang kry u ai. Kai, Areng ly nang ai atleu bo, nanai py, Israela chengchi i ati cheaungkhang sa thai nai Tameuh ly nang ai miseaungra i nai alaw hai bo, nanai py, nang ly pany ai.

ISAIA 60:3

Khumi cheng cheaungkhangchi ly nang i kangvang awm naira mang py, samrangchi ly nang i khawn kani si ko nai sangso mang py ang jeu u ai.

ISAIA 66:23

“Losi pawi kanichi hawi anawn kani tym nai tleirei, khumi cheng cheaungkhangchi ly Jerusalem mary y jeu iy, kai ai chiu u ai,” nanai Areng my leu pei bo.

ZEKHARIAH 11:8

Kai ly kai ai niu ngai y nai beram typ keung leaung thomrei tlang tleaung y kham pajau y nai deaungkho y, nichi ai loreira y my kapaheng vui bo.

MATTHAI 20:28

hunai kamta teang khumi i Chapo ly mymy ai sabawm ai nai hau nai ny y i, kalangchi ai sabawm ai nai hawi khumi neangneangchi ai atleu ai nai mymy i hengra pei lawh ai nai py ang jeu nai ne,” napi.

MATTHAI 26:67

Naibaly mymy i meimai y pachi pathawi u iy tapheu bo; phyreichi my ly,

LUKA 22:27

Ami len keh mo? Biu o nai keung a, kalop amsi nai keung a? Biu o nai keung ny y lawh a? Na i py kai ly nangchi theung y kalop amsi nai keung kamta awm ly.

LUKA 23:18

Na i py tlenrei khyh my vanrei aeu i, “Hini khumi ai lo la, Barabba ai phai patheu pi,” napi.

LUKA 23:23

Na i py nichi my ly athorei my kraws tleaung y tahen ai nai takeng tanga. Naibaly nichi raawi my pajau bo.

LUKA 23:35

Naibaly khumi mipuichi ly angdo iy angdeang. Naibaly miteaung kehchi my py, “Ni ly khumi takhrachi ai malawn py palawi chy bo; Tameuh i vawi nai Krista ne khyp baly amy ai py apalawi sy bei,” nanai panui hai.

JOHAN 18:40

Naibaly nichi ly aeu u bi i, “Hini khumi ai ne moh sy, Baraba ai phai sy,” napi. Baraba ly damra khumi ne.

JOHAN 19:15

Naibaly nichi my ly, “Lo la, lo la, kraws tleaung y tahen!” nanai aeu u. Pilata my nichi teng y, “Nangchi i samrang ai ly kraws tleaung y katahen ai a?” napi. Pathyp pi nai keung kalenchi my ly, “Kaisara ny y baly kaichi i samrang takhra by y leang,” nanai pathang.

JOHAN 19:6

Naibaly pathyp pi nai keung kalenchi hawi miseaung luchi my ly ni ai niu baly, “Kraws tleaung y tahen, kraws tleaung y tahen,” nanai aeu u. Pilata my nichi teng y, “Nangchi my tako hai ly, kraws tleaung y tahen u; kai ly ati sai py kamngo kaniu y leang,” napi.

I KORINTH 1:9

Tameuh ly ka-ym awm nai ne; mymy ly nangchi ai mymy i Chapo Isu Krista achi i Areng hawi amkawm ai nai ang palau nai keung ne.

Leu Thui Nai 7:9

Nangchi i Areng Tameuh naini Tameuh tatang ne; mymy ly ka-ym awm nai keung ne, nanai pany u. Areng ly mymy ai tamen iy leu pei naichi tangai nai khumichi ai, deung kangthau sang neangneang khrairei, mymy i Leu Maikawm khaw hai iy, nichi teng y tamen naira patei pi jojo ai.

I PETERA 2:4

Mymy ly lengseaung kangheng, khumichi i ngai y nai khypkhyp ne i py, Tameuh i dawn naira y vawi takhra nai hawi vang teng parai nai ne:

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.

AMTENG HAI NAI 3:7

“Naibaly Philadelphia avang i kani pri i amtaw thau nai teng y hinai kamta tajiu: Chai naira awm nai hawi, meitang awm nai keung, Davida i saw awm nai, paeaung iy ami py kho pajau y nai, kho iy ami py paeaung pajau y nai i leu thui nai ly hini ne he: