ISAIA 49:25 - Khumi Common Language Bible

²⁵ Areng my, “Vai tym ai nai leaungsai ly hina nai kamta ne. Tavaimi risa my patiu iy langheng hawi naichi ai kaimy patleaung vui ai. Samrang hawi y naichi i nga nai vawnsaichi ai, kaimy pakym vui ai. Kai ly nang ai tiu nai khumichi ai tiu iy, nang i cho chanauchi ai atleu ai.

ISAIA 49:25 ပူးပေါင်းရင်းမြစ်များ

ATITI AWM ANGCHEI NAI 12:3

Nang ai amtheaung hai nai khumichi ai ly kaimy amtheaung hai ai, Na i py nang ai pasawi nai khumichi ai ly kaimy kapasawi teang ai. Naibaly nang i saho y khumi cheng cheaungkhangchi ly amtheaung naira nga u ai,” napi.

SAM 35:1

Aw Areng, kai ai ka-awi sa nai khumichi ai ka-awi so teang ly kaichi ai tiu nai khumichi ai tiu teang ba!

ISAIA 10:27

Huni neng kani tym nai khala y kai ly nangchi ai Asuria chengchi kiu i nai law tleaung hai ai. Nangchi i tlang tleaung y mynji kang tleang hai ai ny y. Nangchi khri pa-rei chawn pa nai deaungkho y, nangchi i mynchi ly jang ai,” napi.

ISAIA 10:6

Tameuh by y nai cheng hawi, kai ai kado ang theu hai nai khumichi ai tiu ai nai Asuria chengchi ai kapato bo. Nichi ly lawm nai hawi paviu naimy, huni khumichi ai spryh kamta lamchira y chiu piupa ai nai, kaimy kapato nai ne,” napi.

ISAIA 14:1

Areng ly mymy i khumi Israela chengchi ai pahen ali teang nai ne. Mymy i khumichi palawn ai nai vawi takhra ai. Mymy ly nichi ai mychi i saleaung khutengra y awm u ali teang ai nai pei ai. Cheng takhra khumichi ly jeu iy nichi hawi vanrei awm u ai.

ISAIA 14:2

Khumi cheng cheaungkhangchi ly Israela chengchi ai, Areng my pei nai pri y vawi u ali teang ai nai sabawm u ai. Huni pri y cheng takhra khumichi ly Israela chengchi teng y miseaung kamta kalop sa u ai. Israela chengchi ai patiu nai khumichi ai, vai ly Israela chengchi my patiu ali teang ai. Israela khumichi py, vaichi khala mychi ai ana nai khumichi ai peang u ai.

ISAIA 19:20

Hunichi ly Aikupta pri y ati cheaungkhang sa thai nai keung Areng awm, nanai pany hai nai ka-ma-rachi lawm ai. Khumi mipuichi ly ana nai avum iy, Areng teng y kasabawmra nga ai nai aeu u nai khala y, mymy ly nichi ai atleu ai nai khumi leaungrei pato pi ai.

ISAIA 25:4

Khumi kamawnchi hawi jeaungmang nai khumichi ly nangmy teng y abyh u nai deaungkho y, patang naira tym nai neng khala y chymme naira nga u nai ne. Nang ly nichi ai alipui khupuira i nai ama hai nai py, khri pa-rei kabi ango naira i abyh ai nai ka-khui ka-ji py pei bo. Pahyp y naimy ana nai khumichi i tiu naira y kaseih ali kaho hawi py,

ISAIA 25:9

Hini atitichi tym nai khala y khumi bawibawichi my, “Mymy ly kaichi i Tameuh ne lawh ly! Kaichi ly mymy ai ym nai deaungkho y, mymy py kaichi ai atleu bo. Mymy ly Areng ne. Kaichi ly mymy ai kaym u nai ne. Mymy ly kaichi ai atleu pi nai ne i, vai kaichi ly amo theu seu naimy atho kanga u bo,” nanai thui u ai.

ISAIA 33:22

Huni paleaung, samphochi i alika teang hawi vuinawnchi ly asu vui i, alika py kadai ai nai ngo y lawh ly! Paleung ka-e tavaimichi teng i vawnsaichi lawm u ai. Huni vawnsaichi ly nawi parai nai deaungkho y, kheu kangbaichi malawn py mychi i vui phy nga u ai. Areng mymy kypkyp py, achi i samrang lawm ai. Mymy ly achi ai peang iy ama hai ai.

ISAIA 35:4

Paleung phra atho di nai khumi bawibawichi teng y, “Khaw parai naimy awm u! Tameuh ly nangchi ai atleu ai nai ang jeu ai; nangchi i paleung ka-echi ai py vawitheung tha ai,” nanai thui pi u.

ISAIA 40:2

Jerusalem mary i khumichi ai atho pei u. Nichi ly ngari kamtang kra parai pa-rei avum nai deaungkho y, nichi i kamngochi ai vai, kaimy pahen pi bo, nanai nichi teng y thui pi u. Kai ly nichi i kamngo nai ai pajeng nai tym angym hai bo,” napi.

ISAIA 5:29

Nichi i aeu nai katyn ly mawi ai kei naimy ryh iy ni teng i nai ami py lawm pajau y ai nai amtang hai nai khrangsichi i hang nai katyn hawi atawm.

ISAIA 51:14

Theaung tla nai khumichi ly kra y naimy law tleaung u ai. Khumichi ly theaung theung y dei y naimy, mychi i ngai nai teicha teinei ngiereichi nga u ai.

ISAIA 51:22

Nangchi i Areng Tameuh ly nangchi ai ang kry iy, “Kaimy nangchi teng y kado katheu ang pei nai khau ly nangchi teng i nai kang la pi ali teang ai. Nangchi ai pavui tapai hai nai kreip hang ly nangchi nei u ali bi ai ny y.

ISAIA 54:13

“Nang i khumichi ai kaimy thui parip ai. Nang i cho chanauchi ai nang chawn nai hawi tlamsa naira pei ai.

JEREMIA 15:21

Nang ai khumi hawi y naichi kiu i nai atleu iy, khrukhra hai nai khumichi kiu i py lawi hai ai.”

JEREMIA 29:10

“Areng my, ‘Babulon mary saneng vui saryhrei chih nai khala y, kai ly nangchi ai kang khen ali teang ai. Kaimy leu adeu hai nai kamta nangmychi pri y kang pahawi ali teang ai.

JEREMIA 31:11

Kai ly Israela chengchi ai miseaung i nai lawi hai bo. Nichi ai atho len nai khumi chengchi kiu i nai atleu pi bo.

Levi 25:54

Na i py ni ly lam ha harei hawi miseaung i nai alawi pajau y lawh baly, momang i pei ali teang nai saneng tym nai khala, ni hawi ni i cho chanauchi ai miseaung i nai palawi ai nai tla.

NAHUM 2:13

Ati cheaungkhang sa thai nai Areng my, “Kai ly nang i paleung ka-e ne. Nang i ka-richi mai y leng pawn ai. Nang i tavaimi risachi ly tavai keung y dei u ai. Amichi teng i nangchi my lawm vui nai vawnsai ngiereichi ai, kaimy taphra vui ai. Nang i savaichi hnei nai raawi thai u ai ny y leang bo,” napi.

ZEKHARIAH 14:12

Areng ly Jerusalem mary ai tiu nai khumi cheng cheaungkhangchi tlang tleaung y, ka-jei awm nai no kanghawi tym hai ai. Nichi ly heng nai thym khala y my, ngan tlangchi veaung ai. Nichi i meichi hawi palaichi py veaung ai.

ZEKHARIAH 14:3

Naibaly Areng ly jangni neng khala i kamta theu iy, huni khumichi ai tiu ai.

ZEKHARIAH 9:11

Areng my, “Ati mana nai mo na baly kapathypra tawnbawichi i thi hawi pajawp typ nai ka-ma-ra nip iy, nangchi hawi asa nai leu maikawm saho y, kai ly nangchi i chengchi ai atleu ai. Tui by y nai angawm kathiu napi nai, pri pala naira i nai atleu ai.

MARKA 3:27

Ami my khumi atho kaawm ai kawm manme y baly, atho kaawm i yhm y kun iy, mymy i yhmtheaung ly mana la pi thai ai mo? Hunai bo y naini la pi thai ai ngang.

KALATIA 4:26

Na i py salo mang i Jerusalem naini miseaung ny y i, huni kypkyp ly achi i amhm ne.

I JOHAN 3:8

kamngo sa nai keung ly diabola i ne: diabola ly angchei kha i dengdairei atiti kamngo sa nai ne. Tameuh i Chapo ly diabola i sa nai sai taphra thai ai nai amteng nai ne.

AMTENG HAI NAI 18:20

Aw! Kani pri hawi, khumi kachaichi hawi, amtaw thau naichi hawi, amochi awi, mymy i tlang tleaung y kawn u; ni i nangchi i tlang tleaung y tara chih nai ly Tameuh my ni i tlang tleaung y tara chih pi teang bo,” napi nai kathai.