ISAIA 49:21 - Khumi Common Language Bible

²¹ Naibaly nang ly amymy ai, ‘Kai ly hini cho chanauchi ai ami hawi nga nai mo? Kai i cho chanauchi ly dei pawn nai iy, kai ly cho chanau by y leang bo. Kai ly kamlora y pri pala nai avum i, hini cho chanauchi ai ami my, tleaungri pacheang pi mo? Kai ly kaimy leaungrei naini kaawm khyh bo. Hini cho chanauchi ly ma mang i nai tym u nai mo?,” nanai ang deng ai.

ISAIA 49:21 ပူးပေါင်းရင်းမြစ်များ

ISAIA 1:8

Katanmeuh naira avum nai Jerusalem mary harei naini awm khyh bo. Huni mary ly mymy i vui amtang pajau y nai kreip akho typ nai tai kamta py, pajawi bai typra tai kamta py lawm nai ne.

ISAIA 27:10

Khaw parai pa-rei apai tapang nai mary ly phra seaungkhrang nai ne. Huni mary ly khumi angso by y nai daichi ka-vym kamta, savai tlang na veng bo. Huni ly si, painochi teicha cha iy anawn nai sui tlai naira meingtym lawm bo.

ISAIA 29:23

Nangchi ly kaimy kang pei ai nai cho chanauchi niu u ai. Huna nai khala y kai ly Israela chengchi i chai parai nai Tameuh ne, nanai nangchi pany u ai. Kai ai tahm pateng iy tahm khai naimy jei u ai.

ISAIA 3:26

Mary apai katheuchi ly vo tangam naimy, mary pui py tlang ka-keu naimy, khaileaung y ateh nai neampachychi hawi atawm ai.

ISAIA 5:13

Hunai deaungkho y nangchi ly patiu iy langheng hawi nai avum u ai. Nangchi i lu sa naichi ly kajeu kanglam y dei u ai. Khumi bawibawichi ly tui kanghai y dei u ai.

ISAIA 52:2

Aw Jerusalem mary! Nangmy my ai atho sa iy, law tleaung ai nai so. Spryh theung i nai ang thau iy, nangmy i areng atehra y ateh ba! Langheng y hawi nai Zion mary i khumichi awi! nangchi ai ang kawm nai sengkrychi su u pawn jau.

ISAIA 60:15

“Nang ly khumi angso savai tlang iy nyn va nai niu ngai y naira avum nai mary lawm y leang bo. Kai ly nang ai nang parai iy apu parai nai, deungtasarei amo theu ai hawi nai mary lawm hai ai.

ISAIA 60:8

Tamaichi kamta py, i-avym nai apryn buhuchi kamta py, tuisang y so prei naimy ang jeu nai samphochi ly ati samphochi mo?

ISAIA 62:4

“Paleng vui naira avum nai khumi,” nanai amyn loh ai ny y. Nang i pri py, “Akhai su nai aju,” nanai amyn palau ai ny y leang bo. Nang i amyn kangtha ly “Tameuh my kawn nai neampachy,” nanai lawm ai. Nang i pri py, “Amotheu parai naimy pom nai,” nanai amyn loh ai. Ati mana nai mo nabaly Areng ly nang ai kawn nai deaungkho y, juvo lawm nai keung ly mymy i aju ai tamen nai kamta, nang i pri ai py tamen ai.

ISAIA 64:10

Nang i chai parai nai marychi ly khutaha daichi ka-vymchi lawm iy Jerusalem mary py, phra seaungkhrang naimy khumi angso by y naira lawm bo.

LUKA 21:24

Naibaly nichi ly haisau bo y dei ai i, cheng cheaungkhangchi teng y miseaung y hawi ai; naibaly Cheng Takhrachii neng angym y ryrei ly Cheng Takhrachi my Jerusalem ai ly chiu nai tli ai.

ROM AVANGCHI TENG Y PAWLA I CHA PA NAI 11:24

Nang ai ly amy i reita kamta awm nai oliv karam dengdairei ang do peu vui nai malawn py, reita kamta ny y naimy oliv keung kahawi y patawm naira awm baly, huni changpi tatangchi ai ly mymychi i oliv keung kypkyp y patwm nai mana tanrei ne ai mo?

KALATIA 3:29

Krista y ly nangchi bawibawi bomrei lawn u bo. Naibaly nangchi ly Krista i ne u baly, nangchi ly Abraham i kangpreang, leu adeu nai kamta amtym ai nai keungchi ne u bo.