ISAIA 49:2 - Khumi Common Language Bible

² Mymy ly kai i labeaung ai haisau kamta chiu hai iy, mymy kiu hawi kai ai ama hai bo. Mymy ly khai yb nai thailiho chyn chiu parai nai kamta, kai ai lawm hai nai ne.

ISAIA 49:2 ပူးပေါင်းရင်းမြစ်များ

SAM 91:1

Areng teng y abyh ai nai ahihawi nai khumi py, ati cheaungkhang sa thai nai keung i ama hai nai anui y awm nai khumi py,

THEU NAI 33:22

Kai i nang parai nai kangvang sangso ko nai khala, kai ly nang ai lengseaung ka-ko sala y kang khai iy, kai katlen vui y ryrei ly nang ai kai i kiu hawi kang tamym vui ai.

ISAIA 11:4

Khumi kamawnchi ai leu meitang naimy tara chih pi iy, tahm anem naichi i nga ai avo naichi ama hai ai. Ni i pei nai leu haiho hawimy, khumi mipuichi ly pajeng naira avum u ai. Khumi hawi y naichi py dei u ai

ISAIA 42:1

Areng my, “Hini khumi ly kaimy atho awm hai nai, kai i miseaung, kai i paleung kangai vawi patyp nai khumi ne. Kai ly kaimy i Phailo ai ni teng y kawi hai ai. Ni py khumi cheng cheaungkhangchi ai, ka-dyh ka-dawi naimy peang ai.

ISAIA 50:10

Areng ai tahm khai iy, mymy i miseaung i leu tangai nai khumichi awi, nangchi i tako ai nai lam ly veng py veng lym ai. Na i py nangchi ly Areng ai ym u; Nangchi i Tameuh ai paleung pado u.

ISAIA 50:4

Atho bai nai khumi ai atho awm teang ai nai mana atho pei ai mo, nanai kai Areng my leu pei nai ne. Mymy thui pi ai naichi tangai ai nai mymy ly kai ai khawn tleirei, awn hai na bo.

ISAIA 51:16

Kai ly kani khusang ai khiutapai iy, khaileaung y langdeng pala nai ne. Jerusalem mary i khumichi teng y, ‘Nangchi ly kai i khumichi ne na a! Kai ly kaimy i reita nangchi teng y kang pei iy, kiu hawi nangchi ai ama hai bo,’ nanai kang thui pi,” napi.

JEREMIA 1:18

Jeremia awi, tangai ba! Hini pri y awm nai khumi bawibawichi napi nai Juda samrangchi, samrang i bangtangchi, pathyp pi nai keungchi hawi, mipuichi ly nang ai ang tiu u ai. Na i py nichi ai amtang pajau ai nai pa-rei, nang ai vaini kang sa pi ai. Nang ly amtangra mary kamta py, tamo yhmmawm hawi kheupaja angpang kamta py lawm ai. Kai ly nang hawi vanrei awm ai i, nang ai ama hai ai. Hunai deaungkho y nichi ly nang ai ang tiu pajau ai ny y. Hini ly kai Areng i thui nai leu ne, napi.

HOSEA 6:5

Naibaly kai ly amochi ai pato iy, nangchi ai tara chih ai nai satang hawi, taphra ai nai satang thui hai nai ne. Nangchi teng i kai aly ngai nai ly rai y.

HABAKKUK 3:11

Khri pa-rei rang nai thailiho chynchi ly angvang thlithlup iy, tivichi ly kangvang sadi nai khala y, kanito hawi lo ly anawn veng bo.

LUKA 23:46

Naibaly Isu ly tao pajeng parai naimy aeu i, “Ngaai, nang i kiu y kai i phailo kang au ba,” napi. Naibaly huna nai thui pajau iy mymy i phailo patlaw bo.

EPHESI 6:17

Naibaly heng naira lukhym lo u ly, Phailo i haisau py lo u,

HEBRAI 4:12

Ati mana nai mo nabaly Tameuh i leu ly heng i atiti sa thai, haisau bo nyhrei awm nai tleaung y py chiu i, hengra hawi phailo py, hiu lenglaw hawi aleng khawi takhra pa-rei thun pajau:paleung y dawn nai hawi tau naichi py chih praw thai nai ne.

AMTENG HAI NAI 1:16

Naibaly ni ly mymy i lamtang mang i kiu y ka-si saryhrei syn i, my i labeaung dengdairei haisau kachiu bo nyhrei awm nai theu bo; naibaly mymy i meimai ly kanito kangvang sadi pa la nai kamta ne.

AMTENG HAI NAI 19:15

Naibaly cheng cheaungkhangchi ai tamo nga hai ai nai, mymy labeaung i dengdairei haisau kachiu theu bo; naibaly mymy ly nichi ai tamo cheaungvawi y peang ai: ni ly Atiti py Sa Thai Nai Tameuh i kado theu nai ka-teng ny y nai kreip athai ati nai angawm y ly ati nai ne.

AMTENG HAI NAI 2:12

“Naibaly Perkamon avang palau takhra kamkawm i kani pri i amtaw thau nai teng y hinai kamta tajiu: ‘Bo nyhrei awm nai haisau kaichiu awm nai keung i leu thui nai ly hini ne he:

AMTENG HAI NAI 2:16

Hunai deaungkho y uikhei jau; ti y naimy kang jeu praw ai i, kai i labeaung i haisau hawi nichi ai katiu ai.