ISAIA 49:14 - Khumi Common Language Bible

¹⁴ Na i py Jerusalem mary i khumichi ly “Areng ly kaichi ai khai su bo! Mymy ly kaichi ai tami veng bo,” nanai thui u nai ne.

ISAIA 49:14 ပူးပေါင်းရင်းမြစ်များ

SAM 13:1

Aw Areng, nang ly kai ai mana nai neng ryrei tami ai mo? deungtasarei tami ai a? Mana tanrei meimai hi pi vui ai mo?

SAM 22:1

Kai i Tameuh, aw kai i Tameuh, ati mana nai kai ai khai su lawh mo? Sabawmra nga ai nai kai ly aeu bo; na i py vai khrairei sabawm y rai.

SAM 31:22

Nang ly kai ai nangmy mo i dengdairei patheu veng bo, nanai y kai ly jei naimy paleung mawn parai nai ne. Na i py nang teng y kasabawmra nga ai nai aeu nai khala, nang ly kai i aeu nai raawi thai bo.

ISAIA 40:27

Israela chengchi awi, tuna lawh baly Areng ly nangchi i ngari kamtangchi pany pi y nanai py, nangchi avum nai teng y nai leaungsaichi molam y paleung apei y nanai py ati mana nai nangchi tangam u lawh mo?

ISAIA 49:13

Kani khusang awi, khulym thui! Khaileaung awi, amo theu naimy khulym thui! Mawichi ly raawi pajeng parai naimy, khulym thui u sy! Areng ly mymy i khumichi ai, awmnem naira pei ai. Mymy ly ngari kamtang avum nai mymy i khumichi ai pahen ai.

ISAIA 49:15

Hunai deaungkho y Areng my, “Amhm ly mymy paleung tleaung i chanau ai tami vui thai na a? My i kajeu y aneng nai deaungdicho ai, tamen y nai awm thai na a? Amhm ly mymy i deaungdicho ai tami vui lawh teu rai sy; kai ly nangchi ai mana khala py, tami vui ai ny y.

ISAIA 54:6

Israela chengchi awi, nangchi ly juvo my khai su nai deaungkho y, khri pa-rei paleung bi nai, saneng nau nai aju hawi atawm. Na i py Areng ly nangchi ai palau ali teang ai.

JEREMIA 23:39

Kai ly nichi ai akhi iy nichi hawi nichi i amsi pajochi ai pei pi nai mary hawi vanrei, kai teng i nai kamlo y aphi vui ai.

JEREMIA 31:3

kai ly nichi teng y kamlo mang dengdairei amteng pi nai ne. Aw Israela khumichi awi, kai ly nangchi ai kang tamen jojo nai deaungkho y, nangchi ai kai i tamen naira khaw parai nai kang patei pi bo.

TANGAM NAI LEU 5:20

Nang ly ati mana nai y kaichi ai avawrei tami vui lawh mo? Ati mana nai y hina tanrei kra nanai pa-rei, kaichi ai khai su lawh mo?

Ezekiela 33:10

Areng i leu ly kai teng y tym. Mymy ly “Nang khumicho awi, Israela chengchi teng y thui pi ai nai ly: nangchi my, ‘Achi ly amychi i kamngochi, amychi i tamang nai hawi myn kaji pho naimy awm u bo. Achi ly atho bai naimy awm u bo. Ati mana nai achi heng u pajau ai mo?’