ISAIA 48:21 - Khumi Common Language Bible

²¹ Areng ly mymy i khumichi ai, bi parai iy tui by y nai daichi ka-vymra y pahawi prei nai khala, nichi ly tui ahai u y. Mymy ly nichi i vui lengseaung dengdairei, tui theu hai bo. Lengseaung ako hai nai deaungkho y, tui leaung nai ne.

ISAIA 48:21 ပူးပေါင်းရင်းမြစ်များ

NEHEMIA 9:15

“Nichi kajeu alam u nai khala y kani mang i dengdairei teicha teinei pala pi iy, tui ahai u nai khala y lengseaung theung i theu nai tui pei pi. Nangmy pei ai, nanai adeu nai pri peang vui ai nai nichi teng y leu pei nai ne.

NEHEMIA 9:20

Nang ly neaung hawi nai deaungkho y nichi i sa ai avo naichi lam patei pi; nichi ai Manna tako hawi pacho iy nei ai nai tui py pei.

SAM 105:41

Mymy ly lengseaung khawi nai khala, tui achawn hai i, khutaha daichi ka-vym y tavo kamta leaung bo.

SAM 74:15

Nang ly tavo tui hawi micheaung tui theu hai iy, tavo kalenchi ai kang hai bo.

SAM 78:15

Nang ly daichi ka-vym y lengseaung ai khawi i, thiu parai naira i tui ly nichi ai panei bo.

SAM 78:16

Nang ly lengseaung pui dengdairei tui theu hai iy, tavo kamta leaung hai bo.

SAM 78:20

Nangmy lengseaung pui ai pakhau nai khala y, tui achawn hai nai ly teng khyp; na i py nang ly kaichi ai teicha teinei pacho pajau na a? mymy i khumichi ai mawi pei pajau na a?,” nanai Tameuh ai paleung angai y nai leu thui u bo.

THEU NAI 17:6

Kai ly Sinai mawi i lengseaung saleung nang i mo y angdo ai. Nang ly lengseaung y pakhau; huni lengseaung mang khumichi nei ai nai tui theu ai,” napi. Naibaly Mosi ly Israela chengchi i luchi mo y leu pei nai kamta huni lengseaung y pakhau bo.

ISAIA 30:25

Nangchi ly paleung ka-echi i amtangrachi taphra vui iy, nichi ai padei pawn nai khala y, mawi hawi mawi aheung awm nai tleireira i micheaung tuichi ly leaung kathiu ai.

ISAIA 49:10

Nichi ly mana khala py, teicha teinei avaw ai ny y. Nichi ly mymychi ai tamen nai keung i lam patei nai avum iy, kanito hawi speung kangngo molam y, patang naira avum ai ny y. Mymy ly nichi ai tui sampumchi awm naira mang y pahawi ai.

JEREMIA 31:9

Nichi ai kaimy kapahawi ali teang nai khala y, kai i khumichi ly chiu sa naimy vo tangam u iy ang vawi u ai. Kai ly nichi ai tuino leaung nai meingtymchi hawi, nichi athei y, avah y ai nai lam kahawi mang kapahawi ai. Kai ly Israela chengchi i ampo ne iy, Ephraim cheng theaung ly kai i chapo chalu ne.”

Kati Nai 20:11

cheaungvawi pheu iy lengseaung pui ai tlen nyhrei pakhau bo, naibaly lengseaung pui mang tui achawn thlauthlo na i, khumichi hawi tawnbawichi ly nei ai nai nga u bo.