ISAIA 48:17 - Khumi Common Language Bible

¹⁷ Israela chengchi i chai parai nai Tameuh, nangchi ai atleu nai Areng my, “Kai ly nangchi hawi ai nai i vui y patiu pi iy, nangchi tako ai nai lam patei pi nai nangchi i Areng Tameuh ne.

ISAIA 48:17 ပူးပေါင်းရင်းမြစ်များ

ATITI AWM ANGCHEI NAI 24:48

Naibaly kai ly kheukhu di naimy Areng teng chiu kasa. Kai i yhmkeung Abraham i chapo i vui aju awm nai amjo amnauchi teng y kai ai pahawi nai keung, kai i yhmkeung i Areng Tameuh ai kapalo nai ne.

1 ARENG KEH 8:36

kani pri mang dengdairei tangai pi kyh ba. Nichi tangai ai nai lam kateng patei pi kyh ba. Naibaly aw Areng, nangmy i khumichi teng y pei pi nai pri y kani nai hai pi kyh ba.

JOBA 36:22

Mymy i sa thai naira ly mana tanrei len na mo, nanai pany jo ba; Tameuh ly cheaungkhangchi i, len keh nai sara ne.

SAM 25:12

Areng ai jei kaji naimy tahm khai nai khumichi ly mychi tako ai nai lam Tameuh teng i dengdairei amtiu u ai.

SAM 32:8

Areng my, “Kai ly nang i tako ai avo nai lam kang patei pi ai. Nang ai tau kang pei iy kang kry ai.

SAM 71:17

Nang ly kai ai deaungdichy khala i dengdairei parip nai ne i, kai ly nang i sa nai lyh ai hawi parai naichi, vaini khrairei kathui jo nai ne.

SAM 73:24

Nang ly kai ai tau pei naimy lam patei ai i, kangkhym y ly kai ai tahm pasang ai nai ngai ai.

ISAIA 2:3

Nichi my, “Areng i mawi salo y Israela chengchi i Tameuh i Achura yhm mang y, achi lyn u sina. Mymy i kangai amtiu u sina. Mymy i vawi takhra pi nai lam y achi tako u sina,” nanai thui u ai. “Areng i reita leu ly Jerusalem mary i dengdairei py, mymy i leu ly Zion mawi salo i dengdairei py theu ai.”

ISAIA 28:9

Nichi my, “Hini khumi ly achi ai ati palawn nai y thui parip nai mo? Ni i leu pei nai ly amichi i vui kamran awm mo? Kanu-li ang vawi nai deaungdichochi hawi naini amlau nai ne!

ISAIA 30:20

Areng ly nangchi ai hawi y nairachi avum hai ai nai ne teu i py, mymy naimy nangchi hawi vanrei awm iy lam patei pi ai. Nangchi py mymy ai hau ai nai aly ngai y leang bo.

ISAIA 30:21

Langvawi mang y, ti y baly lamtang mang y nangchi lam tamang u nai khala y, “Lam kateng ly hini ne; hini lam kataw tako u,” nanai nangchi nithun mang mymy i leu pei nai raawi thai u ai.

ISAIA 41:14

Areng my, “Israela chengchi awi, nangchi i cheng ly theang, atho di teu i py jei u moh; nangchi ai kaimy kang sabawm ai. Nangchi ai atleu nai keung kai ly Israela chengchi i chai parai nai Tameuh ne.

ISAIA 43:14

Israela chengchi teng y chai parai nai Tameuh, nangchi ai atleu nai Areng my, “Kai ly nangchi ai atleu ai nai tavaimi kamkawmchi ai, Babulon pri y pato pi ai. Mary katheu pa-khochi taphra pi pawn ai. Hunira y awm nai khumichi aeu nai raawi ly vo nai raawi mang y lawm hai ai.

ISAIA 43:16

Jangni y Areng ly panglira y tako prei ai nai lam sa pi nai ne.

ISAIA 45:11

Israela chengchi i chai parai nai Tameuh, mo mang i vui y sa nai Areng my, “Kai i cho chanauchi molam y nangchi my kai teng y deng ai nai aly by y. Kai ly ati sa ai nai avo mo, nanai nangchi my kai ai thui pi ai nai aly by y!

ISAIA 48:20

Babulon pri i dengdairei theu u; tlamsa naimy tako u! “Areng ly mymy i miseaung Israela chengchi ai atleu bo! nanai satang ai amo theu parai naimy aeu u; meingtym tleirei y amthang hai u.

ISAIA 49:26

Kai ly nang ai pahyp y naimy ana nai khumichi ai, mychi tengtawi atleh hai iy, kasa them hai ai. Huna nai khala kai ly nangchi ai atleu nai keung Areng ne, nanai khumi bawibawichi my pany u ai. Kai ly Israela chengchi i sa thai naira awm nai keung Tameuh ne, nanai nichi pany u ai,” napi.

ISAIA 49:7

Khumi cheng cheaungkhangchi my niu ngai y nai khri pa-rei avum iy, samrang hawi y naichi i miseaung teng y, Israela chengchi i chai parai nai Tameuh, atleu keung my, “Pri peang nai samrangchi ly nang ai law tleaung hai iy tahm ang khai u ai. Samrang i chapochi my py nang ai niu iy, tahm khai nai lu meung u ai.” Ati mana nai mo nabaly ka-ym awm nai Areng napi nai Israela chengchi i chai parai nai Tameuh ly nang ai vawi takhra nai deaungkho y ne,” napi.

ISAIA 54:13

“Nang i khumichi ai kaimy thui parip ai. Nang i cho chanauchi ai nang chawn nai hawi tlamsa naira pei ai.

ISAIA 54:5

Nang ai sa nai keung ly nang i juvo kamta, nang ai ang kry ai. Ni i amyn ly ati cheaungkhang sa thai nai keung Areng ne. Israela chengchi i chai parai nai Tameuh ly nang ai atleu ai. Mymy ly khaileaung pri y peang nai keung ne.

ISAIA 54:8

Kai ly kado theu nai deaungkho y, tanareichy kang hi pi veng nai ne. Na i py tamen naira ly nangchi teng y kang patei pi jojo ai, nanai nangchi ai atleu nai keung Areng my leu pei bo.

JEREMIA 6:16

Areng ly mymy i khumichi teng y, “Lam sangumchira y angdo u ly khen u cham. Jangni i lam kangngymchi hau u. Hawi keh nai lam ly ma mang y mo, nanai deng iy, huni lam mang tako baly nangchi i phailo ly tlamsa naira nga ai,” napi. Na i py nichi my, “Huni lam y kaichi abang ai nai ngai y leang!” napi u.

MIKHA 4:2

“Tameuh i Achura yhm awm nai Areng i mawi mang y kalau u sina. Mymy ly achi ai, mymy i kangai hawi vanrei awm ai nai patiu pi ai. Mymy i lam patei nai kamta tako u ai. Mymy i reita leu ly Zion mawi i dengdairei py, Areng i leu pei nai ly Jerusalem mary i dengdairei py, ang tym nai ne,” nanai thui u.

JOHAN 6:45

Amochi i cha-iu y ly, ‘Tameuh my nichi bawibawi ai patiu ai,’ nanai tajiu nai ne. Ami py Ampo i leu thai iy amtiu nai ngierei ly kai teng y ang jeu.

EPHESI 4:21

Isu y leu meitang awm nai kamta nangchi ly mymy i raawi tangai iy mymy y amtiu nai ne nabaly:

JOSUA 3:4

Nangchi ly hini lam y tlenrei py tako u vai y nai deaungkho y, nichi my lam ang patei pi ai. Na i py nangchi ly Leu Maikawm Pawm sahawi y chei u moh. Pawm nithun mang miu sangnyhrei ka-khan y abang u ai nai tla,” nanai thui pi bo.