ISAIA 48:16 - Khumi Common Language Bible

¹⁶ “Vai, kai i sahawi y jeu iy, kai i thui nai leu tangai u. Kai ly angchei khala i my nangchi teng y kang thui pi keng veng bo. Huni leaungsai amteaung nai khala my, kai ly awm,” napi. (Vai, Areng Tameuh ly kai ai sa thai naira pei iy ang pato nai ne.)

ISAIA 48:16 ပူးပေါင်းရင်းမြစ်များ

ISAIA 34:1

Aw khumi cheng cheaungkhangchi awi, jeu u! jeu angym iy tangai u. Khaileaung pri verei y awm nai khumi ngiereichi ly hini meingtym y jeu iy tangai u ai nai tla.

ISAIA 41:1

Tameuh my, “Nangchi kamlo prichi awi, tyn kryh y naimy kai i leu tangai u! Nangchi i molam jeung y tym ai nai angvei u rym; Nangchi ly akhi nai leu thui ai nai nga u ai. Ami i teng mo, nanai chih pi ai nai achi angym u sina.

ISAIA 43:13

Kai ly Tameuh ne, mo mang py, hina nai kaawm jojo ai. Kai i sa thai naira ai ami py lawm vui pajau y. Kai i sa nai kalop ai ami py so thai y leang,” napi.

ISAIA 45:19

Kai ly kangviu kam-ai y kathui y; kaimy i dawn pasym nai py apha vai y. Kai ly Israela chengchi ai khumi angso by y nai meingtym y hau hai nai ny y. Kai ly Areng ne; kai ly ka-ym awm nai leu katheu iy kateng lam kapatei pi reng nai ne,” nanai leu pei nai keung ne.

ISAIA 57:3

Nangchi khumi hawi y nai, kamngo sa naichi awi! Tara chih naira avum ai nai hini meingtym y jeu u. Nangchi ly ami i aju chanauchi hawi tamang naichi, bimachi, uimiu khawn naichi hawi vanrei ne.

LUKA 4:18

“Khumi kamawnchi teng y Satang Kahawi thui ai nai ang khai takhra nai deaungkho y, Areng i Phailo ly kai i tlang tleaung y awm; Miseaungchi teng y alaw hai ai nai leu hawi, Mei kamjuchi teng y mei angvang teang ai nai leu thui ai nai py, Ana patang naichi ai patheu ai nai py,

JOHAN 18:20

Isu my ni teng y, “Khaileaung pri i khumichi teng y khumi bawibawichi i ka-thai y kai leu thui be; achura yhm y hawi, achura yhm kalen pui y py, Juda bawibawichi i achu reng nai meingtym y kai patiu jojo be; kai ly kangviu y ati sai py thui y leang.

JOHAN 3:34

Tameuh i pato nai keung ly Tameuh i leu thui reng; Tameuh ly pata kalei iy Phailo ai pei nai ny y.