ISAIA 47:5 - Khumi Common Language Bible

⁵ Areng my Babulon mary teng y, “Tyn teng y nai vengra y ateh. Khumichi ly nang ai, khumi cheng cheaungkhangchi i samrangnu, nanai palau u bi ai ny y!

ISAIA 47:5 ပူးပေါင်းရင်းမြစ်များ

SAM 31:17

Aw Areng, kai ly nang teng y chiu sa hnei takeng nai ne. Kai ai kangji ngo hai moh kyh ba. Khumi hawi y naichi ly kangji kangai ngo u sy. Nichi ly tavau pri y syhp, ti u sy.

SAM 46:10

Mymy ly “Atiu naichi anawn u; kai ly khumi cheng cheaungkhangchi theung y py, khaileaung pri verei y Tameuh nang parai nai ne, nanai pany u,” nanai leu pei bo.

ISAIA 13:10

Ka-si tauki bawibawichi ly angvang y naimy awm ai. Kani si nai khala veng naimy awm ai. Lo py kangvang pei ai ny y.

ISAIA 14:23

Kai ly Babulon mary ai akai hai iy, beaungkuchi ly huni meingtym y awm u ai. Kai ly yhmpheu pasi nai khumi kamta, Babulon mary i awm nai ngiereichi ai taphra pawn ai. Hini ly ati cheaungkhang sa thai nai keung kai, Areng my thui nai leu ne,” napi.

ISAIA 14:4

Huna nai kamta mymy sa nai khala y, nichi ly Babulon samrang ai panui hai iy, “Pahyp y naimy ana nai samrang ly dei bo! Ni ly vai mo mang y amimi ai py ana ai nai nga bi ai ny y!

ISAIA 21:9

keaungngo atang nai risachi ly leaungnyh ka-bom, leaungnyh ka-bom vaimy theu u bo. Hunaibaly tamcheaung my, “Babulon mary anawi veng bo. Nichi i chiu nai myn ngiereichi py, khaileaung y tleu piupa veng bo,” nanai satang thai hai nai ne.

ISAIA 23:2

Pangli y ka-pai sa nai Sidon ka-pai sa nai keungchi awi, vo hang u! Nangchi ly nichi ai

ISAIA 47:1

Areng my, “Aw, Babulon mary napi nai neampachy awi, nang ly samrang atehra tleaung i dengdairei satla iy, khaileaung y ateh. Vaichi khala nang ly phrumai avum vai y nai anglo lengmyn, sum vai y rai nai mary ne. Na i py vai, nang ly paleung nau nem nai khumi ny y leang bo! Vai, nang ly miseaung lawm veng bo!

ISAIA 47:7

Mymy ly samrangnu lawm jo naimy awm ai, nanai athang khai i, hini atitichi dawndan y. Hunichi ati mana tem ai mo, nanai py dawn y.

JEREMIA 25:10

Kai ly amo theu naimy aeu nai raawichi hawi apom pawira i katynchi py, sum sumjang katynchi py, savai tlang hai ai. Huni bo y maisi kangvang py padei vui ai.

JEREMIA 8:14

Tameuh i khumichi my, “Achi ly ati mana nai y ateh u tliu lawh mo? Jeu u ly amtangra marychi mang y angpreng iy, achi dei u sina. Achi i Areng Tameuh ly achi ai dei hai bo. Achi ly mymy i tlang tleaung y kamngo sa nai deaungkho y, mymy ly achi nei ai nai dei asi abawi nai tui panei bo.

TANGAM NAI LEU 1:1

Vaichi khala y khumi neangneang kawi nanai Jerusalem mary ly mymy tlairei awm jo khyh na bo ly! Vaichi khala ly khaileaung pri vereichi my, tahm pasang naira avum teu i py, vai ly neampachy lumai hawi atawm veng bo. Mary leilachi theung y tahm awm keh nai mary ly miseaungra ang vum lawh bo.

TANGAM NAI LEU 2:10

Jerusalem mary i miteaungchi ly paisiu kanih akhiu naimy mymychi i lu tleaung y spryhchi aprawn iy, khaileaung y tynteng y naimy ateh u bo. Mary i anglochi py khaileaung y lu meung naimy awm u nai ne.

HABAKKUK 2:20

Areng ly mymy i chai parai nai Achura yhm y awm. Khaileaung pri y awm nai khumi bawibawichi ly mymy i mo y awmnem naimy awm u sy.

ZEKHARIAH 2:13

Khumi mipuichi awi, Areng ly mymy i awm nai nang parai nai meingtym i dengdairei ang jeu ai i, mymy i mo y tyn kryh y naimy awm u.

JUDA 1:13

pangli tui sampyh thi nai, mymychi i kaji ai nai satang ly phawn achen naichi ne: ajau nai ka-si, hunichi i vui ly deungtasarei kaveng thokha nai pateung nai ne.

AMTENG HAI NAI 17:18

Naibaly nang i niu nai neampachy ly khaileaung pri i samrangchi i tlang tleaung y peang nai avang pui ne,” napi.

AMTENG HAI NAI 18:7

Mymy ly huna tanrei apalo nai hawi tlamsa ala nai kamta ly, huna tanrei no patang naira hawi paleung mawn naira py vawitheung tha teang ai nai tla; ati mana nai mo nabaly mymy ly paleung y ly, ‘Kai ly samrang nu y ka-teh nai ne, kai neampachy lumai ny y leang, kai ly paleung mawn naira tlen py kaniu ai ny y,’ nanai thui bo.

1 SAMUELA 2:9

Mymy ly mymy ai ym nai khumichi i hengra kry pi; na i py khumi kamngochi ly kaveng theung y tama u ai; khumi ly amy i atho haiho hawi eaung naira ngo pajau y leang.