ISAIA 47:14 - Khumi Common Language Bible

¹⁴ “Nichi ly choh-ali kamta lawm iy, mai ly nichi ai kang ai! Nichi ly mymychi ai malawn py atleu u pajau ai ny y. Mai kangveaungchi ly bi-um ai nai a-awm nai mai ny y i, nichi i vui ly khri pa-rei ango ai.

ISAIA 47:14 ပူးပေါင်းရင်းမြစ်များ

THEU NAI 5:12

Hunaibaly Israela chengchi ly Aikupta pri verei y chohphi hau u nai ne.

ISAIA 10:17

Israela chengchi i kangvang ne iy, chai parai nai Tameuh ly aleng keung amjy cheaungkhang takhawi y naimy, ati cheaungkhangchi ai kanirei y my kang hai nai mai kamta atawm ai.

ISAIA 30:14

Laawm phei ka-kawi hawi mai-aichi akhui ai nai py, chy-y theung y pani iy tui vei ai nai py, ngo pajau y pa-rei kawi seaungkhrang nai alai laawm hawi atawm u ai.

ISAIA 33:14

Kamngo sa nai Zion mary i khumichi ly jei hyn naimy awm u nai ne. Nichi my, “Tameuh i tara chih nai ly angveaung jojo nai mai hawi atawm. Huna nai mai theung i achi law tleaung iy, dei y naimy awm na a?,” nanai thui u bo.

ISAIA 40:24

Nichi ly ui iy tangjyn pala khyp nai keungchychi hawi atawm. Areng ly ali aho hai nai khala y, huni keungchi ly jei iy maidym kamta ahei pawn nai ne.

ISAIA 41:2

Nisi pri mang i tavai eaung nai samrangai ami my hawi nai mo? Tym nai meingtym tleirei y ni ai ami my eaung ai nai pei mo? Ni ai samrang leilachi tleaung y py, khumi cheng cheaungkhangchi tleaung y py, ami my eaung ai nai pei nai mo? Ni i haisau ly paleung ka-echi ai spryh y ateng nai kamta ateng reng nai ne. Ni i thailihochi my py, huni khumichi ai ali my pakheang nai choh-ali kamta ahei hai reng nai ne.

ISAIA 44:16

Ni ly dengkeaung phyrei hawi mai paeng chum baly, mawi dang iy cha nai ne. Ni ly mai a-awm nai tarawi y, “Vai, kai ly bi-um na bo. Hini mai ly khri pa-rei paleung ka-no hawi parai na ly!” nanai thui bo.

ISAIA 5:24

Hunai deaungkho y chohphi hawi acha kajeichi ly mai kangveaung y kang nai kamta, nangchi i tangjynchi ly rawp iy pauchi py jei pawn ai. Ati mana nai mo nabaly nangchi ly kaichi teng y Israela chengchi i chai parai nai, ati cheaungkhang sa thai nai Areng my leu pei nai khai u su nai deaungkho y ne.

JEREMIA 51:30

Babulon tavaimi risachi ly tavai atiu u y naimy, mymychi i amtangrachi theung y naini awm u bo. Nichi ly paleung phra atho di naimy, neampachychi kamta lawm u nai ne. Mary apai katheuchi ly anawi pawn iy, yhmchi py mai y kang bo.

JEREMIA 51:32

Paleung ka-e ly tavo angpeang nai lam ai peang vui chum baly, yhm ka-sangchi ai py mai leng pawn nai ne. Babulon tavaimi risachi py kaso tahyn theu u bo.

JEREMIA 51:58

Atho haiho awm nai Babulon mary i mary apaichi ly anawi ai. Asang parai nai mary apai katheuchi py, mai y kang pawn ai. Khumi cheng cheaungkhangchi i sa nai atitichi ly atyhtyh teu bo i, nichi i atho sa nai ngireichi py, mai kangveaung y chau be ai. Hini ly ati cheaungkhang sa thai nai Areng i thui nai leu ne,” napi.

Ezekiela 15:7

kapajeng ai. Nichi ly mai i nai tleaung u i py vai, mai harei my kang vui ai. Huni khumichi pajeng naira avum nai khala, kai ly Areng ne, nanai nangchi pany u ai.

JOELA 2:5

Nichi ly mawi aheungchi salo y ampyh u iy tavai keaungngo ka-richi i katyn kamta py, acha kajeichi ai mai my kang nai kamta py, hang u nai ne. Nichi ly tavai atiu ai angveirym nai tavaimi kamkawm pui kamta, amjyn u bo.

OBADIA 1:18

Jakob i kangpreangchi hawi Josepha i kangpreangchi ly mai hawi atawm ai. Mai ly anyn angso ai kang hai nai kamta, nichi ly Esaw i kangpreangchi ai taphra u ai. Esaw i katu chanau leaung leaungrei py, dei y naimy awm ai ny y. Hini ly kai, Areng my kang thui pi nai leu ne.

NAHUM 1:10

Nang ly kabeng aleng, acha kajei kamta, pavui nai khumi ai ly mai my kang vui ai!

MALAKHI 4:1

Ati cheaungkhang sa thai nai Areng my, “Paleung len amlyh nai khumi hawi khumi hawi y nai bawibawichi ly chohphi kamta mai my kang nai neng kani tym ai. Hini neng kani khala nichi ly mai my kang ai i, tangjyn hawi changpi kamsi kamdi malawn py awm ai ny y.

MATTHAI 10:28

Naibaly tlang y padei iy, phailo ai padei pajau y nai keungchi ai ly jei u moh ly, ngari angawm y phailo hawi tlang ai tama hai pajau nai keung ai phai jei u.

MATTHAI 16:26

Ami py hini khaileaung pri bomrei nga iy, amy i hengra tamo lawh sy, mymy i vui ati amran ai mo? Ti y baly ami my mymy i hengra i jeng y ati pei ai mo?

AMTENG HAI NAI 18:21

Naibaly kani pri i amtaw thau nai ham parai nai my ly choh nip naira lengseaung kalen pui ka-tawm lengseaung la iy, pangli y aphi vui bo i, “Babulon avang pui ly huna nai kamta ty nanai ly aphi vui nai ne ai i, ami py tlen py niu ali ai ny y leang bo.