ISAIA 47:13 - Khumi Common Language Bible

¹³ Nang teng y tau pei nai miteaung keh neangneang awm teu i py, nang ly ati sai py so thai y leang. Ka-si taukichi ai khen patawm nai khumichi, Kani khusangra y jyhchi patleh takhra iy, lo tlei tleirei tym ai nai atitichi ai nang teng y thui pi yb nai khumichi, nang ai tau pei nai miteaung kehchi ly jeu iy, nang ai atleu u sy.

ISAIA 47:13 ပူးပေါင်းရင်းမြစ်များ

ISAIA 44:25

Kai ly leung sarachi ai kamthu lawm hai iy, ka-si kamhi pany nai keung i thui naichi phra hai bo. Khumi kachengchi i leu ei vui iy nichi i cheng naira ly ka-khum teu, nanai pany hai bo.

ISAIA 47:15

Nangmy deungrei adeng ahui nai, ka-sichi ai khen iy tau pei nai py, nang i tlang tleaung y hina nai kamta lawm hai ai. Hunichi bawibawi ly nang ai khai su iy, mychi i ngai nai mang y theu u pawn ai. Nang ai atleu ai nai khumi leaungrei py awm ai ny y.

ISAIA 47:9

Na i py nang ly kanirei y my, tanarei sala y my, hini amjy nyhrei avum ai. Atam kakawp bawibawichi ai teaung i py, cho chanauchi dei nai my lumai lawm ai.

ISAIA 57:10

Nangchi ly tameuh takhrachi ai hau nai deaungkho y akawm i py, mana khala py athosi u y. Nangmychi i mynchi teng i dengdairei atho nga nai ne, nanai dawn u iy, nangchi ly mana khala py paha u y.

ISAIA 8:19

Na i py khumichi ly atam kawp nai leung sarachi hawi, vawinam kun nai khumichi teng y leu deng ai nai, nangchi teng y thui ai. Nichi my, “Khumichi ly heng nai khumichi i jeng y dei nai khumichi i phailochi teng y leu deng ai nai avo,” nanai thui u ai.

JEREMIA 51:58

Atho haiho awm nai Babulon mary i mary apaichi ly anawi ai. Asang parai nai mary apai katheuchi py, mai y kang pawn ai. Khumi cheng cheaungkhangchi i sa nai atitichi ly atyhtyh teu bo i, nichi i atho sa nai ngireichi py, mai kangveaung y chau be ai. Hini ly ati cheaungkhang sa thai nai Areng i thui nai leu ne,” napi.

JEREMIA 51:64

Hunaibaly, ‘Babulon mary ly hina nai kamta tym ai. Areng my phra hai ai nai deaungkho y huni mary ly tup jo ai i, amteng ali teang ai ny y,’ nanai thui pi,” napi. Hini ly Jeremia i taviu nai leuchi tem bo.

Ezekiela 24:12

Na i py laawm kakhawi kaeng bawibawi ly mai kangveaung y kang pyn ai ny y.

DANIELA 5:30

Huni vum y my Babulon samrang Belshazar ai ly tleh vui bo.

HABAKKUK 2:13

Nangchi my tiu iy eaung nai khumichi ly atyhtyh naimy kalop sa iy, atho bai u. Nichi my sa nai yhm hlau ngireichi ly mai my kang pawn bo. Hini ly ati cheaungkhang sa thai nai Areng my sa nai ne.