ISAIA 47:10 - Khumi Common Language Bible

¹⁰ “Nang ly hawi y naichi sa iy, amymy ai ne bo, ami py niu y, nanai athang khai lawh. Nang i cheng naira hawi pany thai nairachi my, nang ai lam tamang hai bo. Nang ly nangmy ai, ‘Kai ly Tameuh ne, kai ka-tawm khumichi theung y by y,’ nanai thui bo.

ISAIA 47:10 ပူးပေါင်းရင်းမြစ်များ

SAM 10:11

Khumi aso y nai my, “Tameuh ly hini molam y ati sai py dawn y leang! Mymy ly mei pasym veng; kai ai mana khala py niu y leang,” nanai amy tlairei katheu nai ne.

SAM 52:7

“Amy i chymme ai nai i vui y Tameuh ai ym ai nai tleaung y ly amy i nang chawn naira ai a-ym nai khumi ai khen u; ni ly my i hawi y naira molam y, amy i chymme naira hau nai khumi ne,” nanai thui u ai.

SAM 64:5

Nichi ly hawi y nairachi ai dawn tau naira y, mychi tengtawi atho pei u bo; nichi ly deaung kawm ai nai meingtymchi arum u iy, “Hini deaungchi ai ami py miu pajau y,” nanai thui u nai ne.

Parip nai leu 8:8

Khumi ami py deira i lawi tleaung ai nai so pajau y; ti y baly dei ai nai kani kasyh vui thai y; hini atiu naira ly achi en vui thai y nai atiura ne. Li-tapawp iy achi tleaung pajau y leang.

ISAIA 28:15

Nangchi ly dei areng hawi amsawi amnai asa chum bo, nanai py, tavau pri hawi ka-ly nga bo, nanai py, amlyh u reng. Nangchi ly li-tapawp nairachi ai a-ym naimy chymme naira hau nai deaungkho y, ka-jeira tym nai khala py tlang hengra nga ai, nanai ym u cheng nai ne.

ISAIA 29:15

Areng teng y amychi i dawn pasym naichi apha vui ai nai atho sa nai khumichi ly taham si! Nichi ly mychi i dawn tau naichi kangviu y sa nai ly amychi ai ami my py niu ai ny y; amychi i atitichi sa naichi ai py ami py pany ai ny y, nanai athang khai u.

ISAIA 44:20

Ni i sa nai ly maidym cha nai kamta, ati sai py ny y. My i akhum nai ka-dawn ly mymy ai lam tamang hai. Hunai deaungkho y ni ai sabawm ai nai avo pajau y bo. Ni ly my i kiu y syn nai myn ly tameuh pipi ny y, nanai pany y.

ISAIA 47:8

“Nang saw ala ai ngai nai khumi awi, amymy ai chymme bo, nanai khumi awi, hini leu tangai ba. Kai ly Tameuh tanrei len nanai py kai ka-tawm khumi ly by y, nanai py nang thui bo. Nang ly mana khala py lumai lawm ai ny y, mana khala py cho chanauchi alai vai ai ny y nanai py, nang ly athang khai bo.

ISAIA 5:21

Nangchi ly taham si! Amymychi ai khri pa-rei cheng parai, tau awm, nanai athang khai u reng.

ISAIA 59:4

Nangchi ly tara jeung y chei i py, adyh adawi nai by y, kateng lam mang y awm u y nai ne. Nangmychi i tara eaung ai nai molam y, ka-chawi leura y abyh iy a-ei u atyhtyh bo.

JEREMIA 23:24

Kai i niu pajau y nai meingtymra y ami py aheu pajau y. Kai ly kani hawi khaileaung y awm nai meingtym tleirei y awm, nanai nangchi pany u y nai sai a?

JEREMIA 9:23

Areng my, “Khumi kacheng ly my i tau cheng nai ai atho len nai khumi ly my i atho len nai ai, nang chawn nai khumi ly my i nang nai ai, amlyh ai nai avo y.

Ezekiela 8:12

Tameuh my kai ai, “Nang khumi cho awi, Israela cheng luchi i kangviu kam-ai y sa naichi nang niu a? Nichi ly mymychi kypkyp i mynchi awm nai takun theung y chiu u. Nichi my, ‘Areng ly achi ai niu y leang! mymy ly achi i pri khai su bo,’ nanai akhi u,” napi.

Ezekiela 9:9

Tameuh my, “Israela hawi Juda mipuichi i kamngochi ly khri pa-rei len parai na; nichi ly pri theung i meingtym tleirei y khumi ai padei naichi hawi Jerusalem mary verei y kamngo kawi hai nai y, ‘Areng ly achi pri ai khai su bo, Areng ly achi ai niu ngai y leang bo,’ nanai thui u nai ne.

DANIELA 4:27

Hunaibaly samrang awi, kai i tau pei nai tangai ba. Kamngo so bi moh ly kahawi so ba. Khumi kamawnchi ai pahen ba. Huna nai sa baly nang ly yhmtheaung katui peung ai,” napi.

ZEPHANIAH 2:15

Hini ly amymy ai sa thai naira awm bo, nanai py, chymme naira awm bo, nanai py, athang khai nai mary i avum ai nai khym taham ne. Huni mary i khumichi ly mymychi i mary ai, khaileaung pri y len keh, nanai athang khai u bo. Huni mary ly daichi tawnbawichi anawnra lawm iy, mana tanrei khumi angso savai tlang na ai mo? Huni sahawi mang tako nai khumi bawibawichi ly athengra iy, nithun mang y anaw u vui na ai.

ROM AVANGCHI TENG Y PAWLA I CHA PA NAI 1:22

Nichi ly kacheng apalawn u iy kamthu y lawn veng, naibaly dei thai y nai Tameuh i nang parai naira ai ly dei thai nai khumichi hawi,

I KORINTH 3:19

Ati mana nai mo nabaly hini khaileaung pri i cheng naira ly Tameuh i dawn naira y ly pathu nai ne. “Mymy ly khumi kachengchi ai ly mymyychi i cheng tapawp naira y man hai reng,” nanai hawi,