ISAIA 46:3 - Khumi Common Language Bible

³ “Aw Jakob i kangpreangchi awi, kai i khumi Israela cheng theung i awm rai naichi awi, kai i leu tangai u. Nangchi amhm taku theung y awm iy, tapen khyp khala i dengdairei, kai ly nangchi ai kang kry bo.

ISAIA 46:3 ပူးပေါင်းရင်းမြစ်များ

SAM 28:9

Aw Areng, nang i khumichi ai atleu kyh ba. Nangmy peang nai khumichi ai amtheaungra pei kyh ba. Nichi ai beram typ keung kamta, kry jojo kyh ba.

SAM 71:6

Kai ly kaimy deungrei nang teng y abyh nai ne; kai ai tapen khyp khala i dengdairei, nang ly kai ai ama hai bo. Kai ly nang ai avawrei palo ai.

THEU NAI 19:4

“Kai ly Aikupta chengchi ai ati mana pajeng mo, nanai py, ahmtlau my chochi ai pakhi hawi akheang hai nai kamta, kaimy nangchi chymme naimy kang pahawi nai sai py nangchi niu bo.

ISAIA 1:9

Ati cheaungkhang sa thai nai keung Areng my naini, mary i khumi phyreichi ai dei kamthum khai pi mailai y lawh teu i khyly, Jerusalem mary ly Sodom mary hawi Komora mary kamta, taphra naira avum ai nai ne.

ISAIA 10:20

Dei kamthum Israela khumichi ly mymychi ai myh kang vi pa-rei taphra nai khumichi teng y paleung pado y ai nai neng kani tym ai. Nichi ly Israela chengchi i chai parai nai Areng Tameuh ai meitang khyp, ym u tatang ai.

ISAIA 10:21

Israela khumi phyreichi py, mychi i sa thai nai keung Tameuh teng y vawi u ali teang ai.

ISAIA 10:22

Vai i neng y Israela chengchi ly pangli spryh jirei vi nawi teu i py, phyreichi naini mymy teng y vawi u ali teang ai. Tameuh ly nichi ai tamyh ai nai paran yb nai ne. Nichi py huna nai tamyh ai nai ataing khyp bo.

ISAIA 11:11

Huni neng kani tym nai khala y, Areng ly mymy i sa thai nai haiho teaung bi iy Asuria pri, Aikupta pri, Pathros pri, Ethiopia pri, Elam pri, Babulon pri, Hamath pri, pangli peang meingtymchi hawi tlawnchira y awm rai nai Israela chengchi ai, mymychi i saleaung khuteng mang y pahawi ali teang ai.

ISAIA 37:4

Asuria empara samrang ly my i tavailu areng ai pato iy, Tameuh kangheng ai mei aniu y nai leuchi thui hai bo. Nang i Areng Tameuh ly huni leuchi thai iy, huna nai thui nai khumichi ai, kamngolai pajeng na sy. Nang py heng rai nai kaichi mipuichi i vui Tameuh teng y chiu so pi ba,” napi.

ISAIA 4:3

Tameuh my vawi takhra naira abawi iy, Jerusalem mary y awm rai nai khumi ngiereichi ai ly khumi kachaichi ne, nanai amyn pathi ai.

ISAIA 44:21

Areng my, “Israela chengchi awi, hini satangchi pany u jo ba; nangchi ly kai i miseaung ne, nanai pany u. Nangchi ai kai i miseaungchi lawm ai nai kaimy sa nai ne. Hunaibaly kai ly nangchi ai mana khala py tami vui ai ny y.

ISAIA 46:12

Kaichi law tleaung ai nai neng ly palo rai, nanai thui nai khumi, nangchi paleung tang nai khumichi awi, kai i thui nai leu tangai u.

ISAIA 48:1

Nangchi Juda kangpreang Israela chengchi awi, hini leu tangai u: Nangchi ly Areng i amyn y vaineng abeu u iy, Israela chengchi i Tameuh ai kachiu u bo, nanai thui u; na i py nangchi i leu ly sairei py teng y.

ISAIA 51:1

Areng my, “Nangchi atleu naira nga ai ngai nai khumichi awi, kasabawmra hnei ai nai kai teng y jeu nai khumichi awi, kai i leu tangai u. Nangchi ai thiu nai lengseaung ai khen u. Nangchi ai tai nai lengseaung kho ai khen u.

ISAIA 51:7

“Leu meitang pany nai khumichi awi, kai i patiu pi nai leu ai dawn thleng nai khumichi awi, kai i thui nai leu tangai u. Nangchi ai kangji kangai pei iy, khumichi my thui tamawn nai khala jei u mo?

ISAIA 63:9

Nichi ai atleu nai keung ly kani pri amtaw thau ny y. Na i py Areng mymy kypkyp ne. Mymy ly tamen naira hawi pahen naira awm nai deaungkho y, nichi ai atleu nai ne. Jangni y mymy ly nichi ai kry jojo teu i py,

Leu Thui Nai 1:31

ampo my chapo ai teu nai kamta, Areng ly nangchi ai dawmkhawn iy, hini meingtym y tym pa-rei ang pahawi nai bo, nanai nangchi niu u bo,’ napi.