ISAIA 46:11 - Khumi Common Language Bible11 Kai ly nisi mang i khumi leaungrei ai kapalau ai. Ni ly ahmtlau kamta taba kathiu iy, kai i pasym yb nai kalopchi sa pi ai. Hini ly kai i thui nai leu ne i, hina nai kamta tym takengkei ai. အခန်းကိုကြည့်ပါ။ |
Nisi pri mang i tavai eaung nai samrangai ami my hawi nai mo? Tym nai meingtym tleirei y ni ai ami my eaung ai nai pei mo? Ni ai samrang leilachi tleaung y py, khumi cheng cheaungkhangchi tleaung y py, ami my eaung ai nai pei nai mo? Ni i haisau ly paleung ka-echi ai spryh y ateng nai kamta ateng reng nai ne. Ni i thailihochi my py, huni khumichi ai ali my pakheang nai choh-ali kamta ahei hai reng nai ne.
Ati cheaungkhang amsym iy, kai i dawn pasym nai angym hai ai nai kaimy kypkyp my samrang Kuru ai kapacheang nai ne. Ni i tako ai nai lam ngierei taw hai ai. Ni ly kai i mary pui Jerusalem mary ai sa palum teang iy, langheng hawi nai kai i khumichi ai lawi tleaung hai ai. Hina naichi sa hai ai nai ni ai ami py alai y, un langseaung py pei y,” napi. Hini ly ati cheaungkhang sa thai nai keung Areng i leu pei nai ne.
“Babulon mary y tiu ai nai thailiho pa nai khumichi ai thui pi u. Thailiho teaung kawp nai khumi ngiereichi ai pato u. Mary ai katan u meuh; leaungrei py tleaung moh sy. Huni mary i khumichi ai vawitheung tha u. Nichi ly khumi takhrachi ai sa nai kamta, nichi ai py so u teang. Ati mana nai mo nabaly nichi ly Israela chengchi i chai parai nai keung kai ai amlyh am-e naimy ka-awi sa u nai ne.
“Kai Areng ly Jordan tavo jeungrei ra y awm nai daichi kabeng theung i dengdairei, heng-a nai acha bai mang y theu piu nai khrangsi kamta, theu iy Babulon khumichi ai mymychi mary i nai, vaimy kaparyh ai. Huni bo baly kai ly huni pri y peang ai nai samrang leaungrei vawi takhra pi ai. Kai ai ami hawi pata pajau ai mo? Mani samrang ly kai ai awi pajau ai mo?