ISAIA 45:8 - Khumi Common Language Bible

⁸ Kai ly kanitui kamta, kani mang i dengdairei, eaung naira pala pi ai. Huni ai khaileaung ly am-eaung iy, tlamsa naira hawi adyh adawi naira, napi nai athaichi theu ai. Kai, Areng ly hini atitichi tym hai ai.

ISAIA 45:8 ပူးပေါင်းရင်းမြစ်များ

2 ARENG KEH 19:25

“Jangni i dengdairei huni bawibawichi ai kaimy pasym yb nai ne, nanai nang, thai vai y nai sai a? Vai py huni atitichi ai kaimy lawm hai bo. Amtangra marychi ai anyn angso pakheng achu naira lawm hai pajau nai sa thai naira, nang teng y kang pei bo.

SAM 68:8

khaileaung ly amchyh i, kani mang dengdairei kani nai bo; ati mana nai mo nabaly Sinai mawi i Tameuh, napi nai Israela chengchi i Tameuh ly ang jeu nai deaungkho y ne.

SAM 72:3

Pri theung y tlamsa iy, leu meitang adyh adawi naimy peang sy.

SAM 72:6

Samrang ly li, hlauchi salo y nai pi nai kanitui kamta py, khaileaung salo y tla nai kani amaichi kamta py lawm sy.

ISAIA 11:1

Samrang Davida i kangpreang ly paliu vui nai dengkeaung keung hawi atawm. Na i py dengkeaung miukhiura i chethe kangpho pati nai kamta, Davida kangpreang theung i, samrang kangtha leaungrei amthawn ai.

ISAIA 32:15

Na i py Tameuh ly mymy i phailo ai achi teng y pato pi ali teang ai. Huna nai khala y khaileaung ka-keuchi ly khaileaung kahawichi lawm iy, li khaileaungchira i amti amjangchi neangneang theu ai.

ISAIA 4:2

Areng ly hini pri theung y dengkeaung katheang kalen bawibawichi ai keung pui cheang iy, ngam sai heng-up nai neng tym hai ai. Dei kamthum Israela cheng bawibawichi ly hini pri i theu nai thengthaichi molam y amo theu u ai.

ISAIA 44:24

“Kai ly nangchi ai sa nai keung hawi atleu pi nai keung Areng ne. Kai ly ati cheaungkhangchi ai sa nai keung Areng ne. Kani khusang ai kaimy leaungrei khiu khyh nai ne. Khaileaung ai kaimy sa nai khala y, ami py kai ai sabawm u y leang.

ISAIA 44:3

“Kai ly tui ahai nai pri y kani nai hai ai. Tui by y nai daichi ka-vymra y micheaung tuinochi leaung hai ai. Nangchi i cho chanauchi tlang tleaung y kai i phailo py, nangchi i katu chanauchi tlang tleaung y amtheaung naira py, satleu pi ai.

ISAIA 46:13

Kai ly nangchi law tleaung ai nai neng kasa hai ai. Huni neng ly pipi palo y leang bo. Kai ly atleu y nai py awm pi vui ai ny y. Kaimy Jerusalem mary ai atleu iy, Israela chengchi ai tahm asang hai ai.”

ISAIA 48:18

“Nangchi naini kai i leu pei naichi tangai u lawh teu i khyly, khri pa-rei hawi ai! Awmnem nai tavo tui kamta, nangchi i vui leaung ai! Eaung naira py tui peang y tui sampyh pachaw nai kamta, nangchi i vui tym ai nai ne.

ISAIA 53:2

Areng ly mymy i miseaung ai, khutaha khaileaungra y tangjyn pala nai keungchy kamta, keung cheang ai nai aly awm nai ne. Huni khumi teng y tahm khai ai ataing nai mo-cha apu parai nai py by y. Khrei ai hawi nai pa-rei mo-cha py by y. Mymy mang y paleung bie ai nai pa-rei, pahawi thai nai py by y.

ISAIA 60:21

Nang i khumi bawibawichi ly kateng sa u naimy, pri py peang ai nai nga u jojo ai. Khumi bawibawichi i mo y kai i nang parai nai amteng hai ai nai, kai ly nangchi ai kry iy kapalum ai.

ISAIA 61:11

Tichi ly pato iy keung prau nai kamta, Areng ly mymy i khumichi ai meitang khyp atleu ai. Khumi cheng cheaungkhangchi my py, mymy ai palo u ai.

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

ISAIA 66:22

“Khaileaung kangtha hawi kani kangthachi ly kai i sa thai nai saho y khaw jo nai kamta, nangchi i amyn hawi kangpreangchi ly khaw u jojo ai.

JEREMIA 31:22

Ka-ym by y nai khumichi awi, nangchi ly mana tanrei kakra aninaw u ai rai mo? Neampachy my neampacho ai ama hai pajau nai ly rengrang nai kamta, kai Areng ly atiti takhra kangmeng kangtha sa nai ne,” napi.

Ezekiela 34:26

“Kai ly nichi ai amtheaungra pei iy kai i mawi kachai tengtang y awm hai ai. Aly aeang nai neng tym nai khala, amtheaung nai kani nai hai ai.

HOSEA 10:12

Kai my, ‘Nangchi i vui khaileaung kangthara thawn iy, leu meitang adyh adawi nai ti hei u ba, kai i tlang tleaung y ka-ym awm nai amti amjang tyn u, nangchi i Areng teng y ali teang ai nai neng tym bo. Kai py kang jeu iy nangchi ai amtheaung hai ai’ napi.

JOELA 3:18

Huni neng khala mawichi ly kreip akhochi hawi kawi na ai. Mawi aheungchira py sichi tlai nai niu ai. Juda pri verei y tui hawihai palai nga u ai. Tavo micheaung tui ly Areng i Achura yhm mang dengdairei leaung ai i, Akasia leaunghawi ai am-i hai ai.

AMTAW 2:33

Mymy ai ly Tameuh i lamtang mang y pasang i, Phailo Kachai adeu nai ly Ampo teng i nga iy, hini nangchi i niu nai hawi thai nai ly ni i ang lei nai bo he.

EPHESI 2:10

Achi ly mymy i kiu i theu nai ne i, achi ai atiti kahawi sa ai nai vui Krista Isu y ly sa nai ne, huni atiti sa naira y achi i tako ai nai Tameuh my sa rym nai ne. nai

EPHESI 4:24

leu meitang hawi naira hawi chai naira y py Tameuh kamta ang sa nai ly amthyp u, nanai he.