ISAIA 45:7 - Khumi Common Language Bible

⁷ Kai ly kangvang hawi kaveng ai sa. Amtheaung naira hawi ka-jeira ai py sa. Kai, Areng ly hini bawibawichi ai sa nai ne.

ISAIA 45:7 ပူးပေါင်းရင်းမြစ်များ

2 ARENG KEH 19:25

“Jangni i dengdairei huni bawibawichi ai kaimy pasym yb nai ne, nanai nang, thai vai y nai sai a? Vai py huni atitichi ai kaimy lawm hai bo. Amtangra marychi ai anyn angso pakheng achu naira lawm hai pajau nai sa thai naira, nang teng y kang pei bo.

JOBA 10:13

Na i py huni neng thym thang y, nang ly kai i tlang tleaung y patang naira tym hai ai nai, paleung theung y dawn naimy awm, nanai vai, kai pany bo.

JOBA 2:10

Joba my, “Nang ly neampachy ka-khum kamta katheu lawh ly! Achi ly Tameuh teng i dengdairei, tlamsa naira nga baly, patang naira py avum ai nai tlo y a?,” napi. Joba ly hini patang naira avum teu i py, Tameuh i tlang tleaung y labeaung palai hawi malawn py tamang y nai ne.

JOBA 34:29

Tameuh ly ati sai py ny y naimy awm ai nai dawn lawh teu i py, ami py mymy ai thui tamawn pajau ai ny y. Mymy ly my i meimai hi pi vui lawh ai nabaly, khumichi ly kajeaung kamang lawm u ai.

SAM 105:28

Tameuh my pri verei y khuveng theu hai bo; na i py Aikupta khumichi ly mymy i leu pei nai tangai u y.

SAM 29:11

Areng ly mymy i khumichi teng y sa thai naira pei; nichi teng y tlamsa nai amtheaung naira pei pi bo.

SAM 74:16

Nang ly vum hawi kanithun ai sa iy, kanito hawi lo ai meingtym tahyh pi bo.

SAM 75:7

Tara chih nai keung ly Tameuh ne; mymy ly phyreichi ai kamngo pajeng iy, phyreichi ai law tleaung hai ai.

SAM 8:3

Mymy i sa nai kani khusang ai py, sa yb nai lo hawi ka-si taukichi ai py kai ly kaniu nai ne.

THEU NAI 14:20

Aikupta tavaimichi hawi Israela tavaimichi sala y awm pi khyp nai ne. Tamai angjawi ly Aikupta chengchi mang y veng hai cheng iy, Israela chengchi mang y angvang hai phang bo. Hunai deaungkho y nichi ly mang mang akai thai y nai ne.

ISAIA 31:2

Mymy ly mymy i sa reng nai kalop ai pany na a! Mymy ly khri pa-rei ka-jeira tym hai bo. Khumi hawi y naichi hawi nichi ai ama hai nai khumichi ai pajeng ai nai leumo pei nai kamta sa nai ne.

ISAIA 42:16

“Kai ly kaimy i mei kamjuchi ai nichi tako vai y nai lam mang kapahawi ai. Kai ly nichi i mo y, kaveng ai kangvang lawm hai iy, khuleaung lam hawi y nai ai thleaungthlang hai ai. Hinichi kai sa ai; kaso y naimy awm ai ny y.

ISAIA 44:24

“Kai ly nangchi ai sa nai keung hawi atleu pi nai keung Areng ne. Kai ly ati cheaungkhangchi ai sa nai keung Areng ne. Kani khusang ai kaimy leaungrei khiu khyh nai ne. Khaileaung ai kaimy sa nai khala y, ami py kai ai sabawm u y leang.

ISAIA 47:11

Taham kasi ly nang i tlang tleaung y tym ai. Hini ai nang i atam kakawp my paka pajau ai ny y. Nang ly mana khala py, amang mang y amang vai y nai phra naira avum ai!

JEREMIA 10:16

Jakob i Tameuh ly mynchi kamta ny y. Mymy ly ati cheaungkhang sa nai keung ne. Israela chengchi ai mymy i khumi kypkyp lawm ai nai vawi takhra bo. Mymy i amyn ly ati cheaungkhang sa thai nai keung Areng ne.

JEREMIA 13:16

Nangchi i Areng Tameuh ly kani dym hai nai deaungkho y, nangchi ly mawi salo y athei iy, atlym y rai khala y hawi, mymy ly nangchi ajeng nai kangvang ai kaveng palawn y rai khala y py, nangchi ly Areng Tameuh ai palo u.

JEREMIA 31:35

Areng ly kanithun khala angvang ai nai kanito py, vum y angvang ai nai lo hawi ka-sichi py ka-vo sa pi nai ne. Mymy ly pangli ai tahawi piu iy tui sampyh amsau hai bo. Mymy i amyn ly ati cheaungkhang sa thai nai Areng ne.

JEREMIA 51:20

Areng my, “Aw Babulon mary, nang ly kai i tamo chaki, tavai atiu naira y kai i hai ne. Kai ly nang ai teaung iy khumi cheng cheaungkhangchi ai tamyh bo. Pri neangneangchi ai py phra hai nai ne.

TANGAM NAI LEU 3:38

Hawi nai hawi y nai ly mymy i leu pei nai kamta, lawm nai ne.

Ezekiela 32:8

Kai ly kani mang i kangvang ngiereichi ai veng hai iy, nang i pri y kaveng tym hai ai. Hini ly sa thai naira angym nai kai, Areng i pei nai leu ne.

DANIELA 2:22

Mymy ly thiu parai nairachi pany hai; mymy ly kaveng theung y heu vui naichi pany se, mymy ai ly kangvang my taki teungtareung nai ne.

JOELA 2:2

Huni kani ly veng khiu nai kani, veng cheng naimy khupanym kawi nanai kani ne ai. Mawi aheungchi ai khiu nai kaveng kamta, akhutama kanghu pui ly mo mang ang jeu dudu bo. Hina nai kamta ly mana khala py tym vai y; mo mang i neng y py tym vai ai ny y.

AMOS 3:6

Mary theung y tavai baw eng nai katyn thai baly, mary i khumichi ly jei hyn y nai awm na a? Areng my pajeng khala naini, mary theung y patang naira tym nai ny y a?

AMOS 4:13

Mawichi ai sa iy ali aho hai nai keung ly Tameuh ne. Mymy ly my i dawn naichi ai khumichi teng y pany hai bo; mymy ly kanithun ai vum mang y angpeang hai bo. Mymy ly kani khaileaung i asang keh nai mang aleaung nai ne. Mymy i nang parai nai amyn ly ati cheaungkhang sa thai nai Areng Tameuh ne.

AMOS 5:6

Areng teng y chei u; hunaibaly nangchi heng u ai. Huna ny y baly mymy ly Israela khumichi i tlang tleaung y, mai kamta ang tym ai. Mai ly Bethela mary i khumichi kang be iy, huni mai ai ami py pathym pajau ai ny y.

NAHUM 1:8

Mymy ly khri pa-rei ho nai tavo tui kamta, paleung ka-echi ai phra hai. Mymy ai ka-awi sa nai khumichi ai, dei khora y tha nai ne.

AMTAW 4:28

Heroda hawi Pontia Pilata hawi, Cheng Takhrachi hawi Israela khumichi py amkheng achu tatang nai bo.

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

JAKOB 1:17

Atiti pei nai kahawi hawi, atiti pei angym nai bawibawi ly salo mang i dengdairei, kangvangchi i Ampo teng i nai ang kathiu nai ne; mymy y ly takhra naira hawi ami nai pa-pui den py awm thai y.

JUDA 1:13

pangli tui sampyh thi nai, mymychi i kaji ai nai satang ly phawn achen naichi ne: ajau nai ka-si, hunichi i vui ly deungtasarei kaveng thokha nai pateung nai ne.

JUDA 1:6

Naibaly kani pri i amtaw thau naichi, mychi i awm angchi nai sai kamta awm jo y naimy, mymychi i awm reng nai meingtym khai su naichi ai ly huni kani aly len parai nai i tara chih naira i vui y kaveng anui y deungrasarei kawm naimy ang khai nai bo.