ISAIA 45:5 - Khumi Common Language Bible

⁵ “Kai ly Areng ne; kai ny y baly tameuh takhra by y. Nang ly kai ai pany y teu i py, kai ly nang i aly ngai nai atho haiho kang pei ai.

ISAIA 45:5 ပူးပေါင်းရင်းမြစ်များ

1 ARENG KEH 8:60

Hunai deaungkho y Areng leaungrei naini Tameuh tatang ne; Tameuh takhra by y, nanai khaileaung pri i cheng cheaungkhangchi my pany u ai.

EZARA 1:2

Huni leu pei naira y, hini ly Pasia empara pri samrang Kuru i leu pei nai ne. Kani pri mang y awm nai Areng Tameuh ly kai ai khaileaung pri verei y peang hai iy Juda pri Jerusalem mary y Achura yhm sa ai nai ang au bo.

JOBA 12:18

Samrangchi ai samrang i nai pala iy, paeung vui bo

JOBA 12:21

Sa thai naira awm nai khumichi ai kangji pei iy, mangchochi i haiho jum hai bo.

SAM 18:31

Areng naini Tameuh ne; Tameuh naini achi i abyhra ne.

SAM 18:32

Mymy ly kai ai ham hai nai Tameuh, kai i tako ai nai lam chymme hai nai Tameuh ne.

SAM 18:33

Mymy ly kai i kheu ai sisiu i kheu kamta khaw hai bo. Mawichi salo y kai ai chymme pa-rei ang khai.

SAM 18:39

Nang ly kai ai tavai thau pajau ai nai atho pei; paleung ka-echi ai eaung vui ai nai py pei nai ne.

SAM 86:10

Nang ly sa thai naira phum-ang len parai i, lyh ai nairachi sa pi bo; nang leaungrei naini Tameuh ne.

THEU NAI 9:14

Khaileaung pri verei y kai ny y baly kai ka-tawm ami py by y, nanai nang pany ai nai nang hawi nang i bangtangchi, nang i khumichi teng y pajeng naira kaimy tym hai ai.

ISAIA 22:21

nangmy i kalop hawi ka-pu ateaung nai ateaung ly ni ai ateaung hai iy, nang i khobai akawm hai. Nang i nga nai sa thai naira ngiereichi ni teng y au ai. Huni khumi ly Jerusalem mary i khumichi hawi Juda pri khumichi i vui, ampo kamta lawm ai.

ISAIA 37:20

Aw, kaichi i Areng Tameuh, vaimy kaichi ai Asuria chengchi kiu i nai atleu pi kyh ba. Hunaibaly nangmy leaungrei naini Tameuh ne, nanai khaileaung pri y awm nai khumi cheng bawibawichi my pany u ai,” nanai takeng bo.

ISAIA 43:10

“Aw, Israela chengchi awi, nangchi ly kai i pany hai nai keungchi ne. Nangchi ly kai ai pany u ai nai py, kai ly Tameuh harei khyh, nanai pany u thai ai nai py, kai ly nangchi ai kaimy i miseaung palawn ai nai kang vawi nai ne. Kai ny y baly tameuh takhra by y; mana khala py by y, vai mo mang py awm ai ny y.

ISAIA 44:6

Israela chengchi ai peang iy ama hai nai Areng, ati cheaungkhang sa thai nai keung Areng my, “Kai ly angchei khala i dengdai tem khala khrairei awm jojo nai keung harei khyh nai Tameuh ne. Kai ny y baly tameuh takhra by y.

ISAIA 44:8

Aw kai i khumichi awi, jei u moh! Kai ly jangni jangkhawn i dengdai vai khrairei, tym ai nai atitichi ai thai hai yb nai ly nangchi pany u nai ne. Nangchi ly kai i pany hai nai keungchi lawm u bo. Kai ny y baly tameuh takhra awm rai a? Mana khala py kai thai vai y nai sa thai nai keung tameuh awm rai a?

ISAIA 45:1

Samrang Kuru ly Areng my vawi takhra nai khumi ne na a! Mymy ly khumi cheng cheaungkhangchi ai eaung ai nai, ni ai samrang palyn nai ne. Mymy ly pri peang nai samrangchi i sa thai naira la pi veng ai nai, ni ai pato bo. Areng ly ni i vui mary katheu pa-khochi paeaung pi ai. Areng my samrang Kuru teng y,

ISAIA 45:6

Kai, hina nai sa nai ly kai ly Areng ne iy, kai ny y baly tameuh takhra by y, nanai khaileaung katem i dengdai takhra katem y khrairei, awm nai khumi ngiereichi ai pany hai nai ne.

ISAIA 46:9

Jangni jangkhawn khala i awm nai atitichi pany u. Kai leaungrei naini Tameuh ne, nanai py, kai hawi atawm nai tameuh takhra by y, nanai py pany u jo ba.

ISAIA 47:8

“Nang saw ala ai ngai nai khumi awi, amymy ai chymme bo, nanai khumi awi, hini leu tangai ba. Kai ly Tameuh tanrei len nanai py kai ka-tawm khumi ly by y, nanai py nang thui bo. Nang ly mana khala py lumai lawm ai ny y, mana khala py cho chanauchi alai vai ai ny y nanai py, nang ly athang khai bo.

Ezekiela 30:24

Hunaibaly Babulon samrang ai atho len hai ai i, ni i kiu y kai i haisau au ai. Na i py Aikupta samrang i kiuban ai ly kakhei vui ai. Ni ly vo tangam naimy mymy i paleung ka-echi i mo y dei ai.

JOELA 2:27

Aw Israela chengchi awi, kai ly nangchi ai kang awm hai nanai py, kai, Areng ly nangchi i Tameuh ne iy, kai ny y baly Tameuh takhra by y nanai py, huna nai khala y nangchi pany u ai. Kai i khumichi ly mana khala py, thui tamawn nai avum u bi ai ny y.

JOHAN 1:1

Angchei y ly Leu awm i, Leu ly Tameuh teng y awm, naibaly Leu ly Tameuh ne.

Leu Thui Nai 32:39

“Kai leaungrei naini Tameuh ne; kai naini Tameuh tatang ne. Kai ly hengra la pi veng thai, hengra py kapei thai, hawi py sa thai; kai i sa nai ai ly ami py paka pajau y leang.

Leu Thui Nai 4:35

Areng naini Tameuh ne, nanai, tameuh takhra by y, nanai, hunichi hawimy nangchi ai pany hai bo.

Leu Thui Nai 4:39

Hunai deaungkho y Areng ly kani hawi khaileaung salo i Tameuh ne. Tameuh takhra by y leang, nanai py pany u jo ba.