ISAIA 45:24 - Khumi Common Language Bible

²⁴ “Nichi ly kaimy deaungkho y eaung naira hawi atho ham naira nga u nai ne, nanai thui u ai. Na i py kai i niu ngai y nai khumi bawibawichi ly tahm anem u ai.

ISAIA 45:24 ပူးပေါင်းရင်းမြစ်များ

ATITI AWM ANGCHEI NAI 49:10

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

SAM 110:2

Areng ly nang i sa thai naira ai Zion mary i dengdairei, meingtym tleirei y tym pa-rei khaw hai ai. Mymy ly nang ai, “Nang i paleung ka-echi ai peang ba,” nanai leu pei bo.

SAM 71:16

Areng Tameuh i sa thai naira saho y kachei ai; nang naini hawi, nanai satang kai ly amthang hai ai.

SAM 72:9

Khutaha daichi ka-vymra i khumi bawibawichi ly samrang i mo y lu meung u sy; samrang i paleung ka-echi ly my i kheu keung y angbeu u ai.

SAM 89:17

Nang ly kaichi ai eaung nai pawi puichi avum hai bo; nang i tamen naira deaungkho y, kaichi ai eaung hai bo.

ISAIA 26:4

Areng ai ly ym u jojo; mymy ly achi ai ama hai jojo ai.

ISAIA 41:11

Aw, kai i khumichi awi, nangchi ai kado theu hai nai khumichi ly tahm anem iy kangji nga u ai. Nangchi ai tiu nai khumichi ly dei u ai.

ISAIA 44:8

Aw kai i khumichi awi, jei u moh! Kai ly jangni jangkhawn i dengdai vai khrairei, tym ai nai atitichi ai thai hai yb nai ly nangchi pany u nai ne. Nangchi ly kai i pany hai nai keungchi lawm u bo. Kai ny y baly tameuh takhra awm rai a? Mana khala py kai thai vai y nai sa thai nai keung tameuh awm rai a?

ISAIA 45:25

Kai, Areng ly Jakob i kangpreangchi ai atleu ai. Nichi py kai ai palo u ai.

ISAIA 54:17

Na i py mani tavai ateaung py, nang ai no pei pajau y leang. Nang ly nangmy ai ang seu nai ngiereichi ai, tlau teang pajau ai. Kai ly kaimy i miseaungchi ai kry iy, eaung naira kapei ai,” napi. Hini ly Areng i leu pei nai ne.

ISAIA 55:5

Vai, nangchi ly pri takhra khumichi ai palau u ai. Vaichi khala nichi ly nangchi ai pany y; na i py vai ly nangchi teng y amkawm ai nai angpreng naimy, ang jeu u ai! Israela chengchi i chai parai nai Areng Tameuh, nangchi i Tameuh ly hini atiti bawibawichi tym hai ai. Kai ly nangchi ai tahm asang naira hawi, nang parai naira pei ai”.

ISAIA 60:21

Nang i khumi bawibawichi ly kateng sa u naimy, pri py peang ai nai nga u jojo ai. Khumi bawibawichi i mo y kai i nang parai nai amteng hai ai nai, kai ly nangchi ai kry iy kapalum ai.

ISAIA 60:9

Huni samphochi ly pri kamlo mang i dengdairei, Tameuh i khumichi ai, mychi pri mang y tang nai samphochi ne. Hunichi ly Israela chengchi i chai parai nai Tameuh ai palo ai nai muku hawi tangkachi syn u. Mymy ly mymy i khumichi ai tahm pasang nai ne.

ISAIA 61:10

Jerusalem mary ly Areng i sa nai kalop molam y amo theu ai. Ni ly apom ai nai ateaung amthyp nai, deaung vawi nai anglo hawi atawm. Tameuh ly ni ai atleu naira, eaung nairachi hawi amthyp hai bo.

ISAIA 61:11

Tichi ly pato iy keung prau nai kamta, Areng ly mymy i khumichi ai meitang khyp atleu ai. Khumi cheng cheaungkhangchi my py, mymy ai palo u ai.

JEREMIA 33:16

Huni neng tym nai khala y, Juda pri ly atleu naira nga ai. Jerusalem mary i khumichi py chymme naira nga ai. Mychi i mary pui ai, ‘Kaichi ai atleu nai keung Areng,’ nanai amyn palau ai.

HABAKKUK 3:19

Ati cheaungkhang sa thai nai keung Areng ly kai ai atho pei bo. Nang ly kai ai sitha kamta kheu khaw hai iy, mawichira y chymme naimy khai bo.

ZEKHARIAH 10:12

Kai ly kaimy i khumichi ai atho awm hai ai. Nichi ly kai ai chiu u iy kai i leu tangai u ai.” Hini ly Areng i pei nai leu ne.

ZEKHARIAH 10:6

“Kai ly Juda khumichi ai atho awm hai iy, Israela khumichi ai atleu ai. Kai ly nichi ai pahen iy, mychi i saleaung khuteng mang y pahawi teang ai. Nichi ly kaimy mana khala py khai su vai y nai khumichi kamta lawm ai. Kai ly nichi i Areng Tameuh ne iy, nichi i chiu sa nai pathang pi ai.

ZEKHARIAH 12:5

Naibaly ati cheaungkhang sa thai nai Areng Tameuh ly ‘Jerusalem mary y awm nai mymy i khumichi ai atho pei bo, nanai Juda nupaichi ly mychi tengtawi katheu u ai.’

ZEKHARIAH 8:23

Huni neng kani y Juda khumi leaungrei ai, cheng takhra khumi leaung horeichi my, ‘Tameuh ly nang hawi vanrei awm, nanai kaichi thai bo. Hunai deaungkho y kaichi ly nangchi hawi vanrei, sih hawi amdai ahawi ai nai ngai,’ nanai thui ai,” napi.

LUKA 13:17

Naibaly mymy ly huni leu thui nai thym khala y mymy ai ei nai paka naichi bawibawi ly kaji bo; na i py khumi mipuichi ly mymy i atiti bawibawi hawi parai nai sa nai deaungkho y kawn u bebe.

LUKA 19:27

Na i py hini kai ai tiu nai keungchi, mychi ai peang ai nai kai ai ngai y nai khumichi ai ly pahawi u ly, kai i mo y padei u,’ nanai,” napi.

JOHAN 12:32

naibaly kai ai khaileaung i nai dang iy, khumi bawibawi ai kaimy teng y kapahawi ryp ai,” napi.

JOHAN 7:37

Naibaly pawi lui nai kani aly len keh nai khala y Isu ly angdo i, “Ami py tui ahai baly kai teng y jeu iy nei sy.

I KORINTH 1:30

Na i py nangchi naini mymy i saho y Krista Isu y heng nai ne; ni ai ly Tameuh teng i dengdairei achi i vui cheng naira hawi, chai naira hawi, atleu naira hawi sa hai nai ne.

II KORINTH 5:21

Mymy y ly achi ly Tameuh i hawi naira lawn thai ai nai, kamngo pipi pany y nai ai ly Tameuh my achi deaungkho y kamngo palawn bo.

EPHESI 3:16

Ampo, kani hawi khaileaung theung y awm nai cheaungkhangchi ai amyn pathi nai i mo y ly kai ly kheukhu di;

EPHESI 6:10

Kangkhym i naira y ly Areng y hawi mymy i atho y ly ham parai naimy awm u.

PHILIPI 4:13

Kai ly kai ai ham hai nai keung i saho y ati cheaungkhang kasa thai nai ne.

KOLOSA 1:11

Naibaly nangchi ly amo theu parai naimy kham pajau naira hawi, amnym naira cheaungkhang nga u ai nai, mymy i nang parai naira ham nai sai kamta sa thai naira y ham naimy,

II PETERA 1:1

Simon Petera, Isu Krista i miseaung hawi amtaw thau nai my ly achi i Tameuh hawi achi ai Paheng Keung Isu Krista i hawi naira deaungkho y kaichi hawi vanrei ym naira vang teng parai nai nga teang naichi teng y ly:

AMTENG HAI NAI 11:18

Naibaly chengchi ly kado theu u i, nang i kado theu nai ly tym teang; naibaly kadeichi ai tara chih ai nai hawi, nang i miseaung amochi teng y hawi, khumi kachaichi teng y hawi, nang i amyn tahm khai nai khumi katheang kalenchi teng y py mychi i kawn nai vang pei ai nai hawi, khaileaung pri ai taphra nai keungchi ai taphra ali teang ai nai neng ly ang tym bo,” nanai Tameuh ai chiu bo.

AMTENG HAI NAI 22:17

Naibaly Phailo hawi deaung vawi nai anglo my, “Jeu ly,” ang napi. Thai nai khumi py, “Jeu ly,” tapi sy. Tui ahai nai khumi ly jeu sy: ngai nai khumi ly heng naira tui jawm my lo sy.