ISAIA 45:22 - Khumi Common Language Bible

²² “Khaileaung pri verei i khumi bawibawichi awi, Kai teng y jeu u ly atleu naira ngo u! Harei awm khyh nai Tameuh ly kai ne.

ISAIA 45:22 ပူးပေါင်းရင်းမြစ်များ

2 NENG SATANG 20:12

Nang ly kaichi i Tameuh ne! Kaichi ly vai, ang tiu ai nai jeu nai tavaimi kamkawm pui ai kaichi ly amtang pajau y nai deaungkho y, mana sa ai mo, nanai dawn pajau y. Na i py kaichi ly sabawm naira nga ai nai, nang teng y angdeang u nai bo,” nanai tao pajeng parai naimy chiu sa nai ne.

SAM 22:17

Kai i hiu bawibawi ly amteng seaungkhrang na. Paleung ka-echi ly kai ai amo theu naimy khen u ripati bo.

SAM 22:28

Areng ly samrang ne; khumi cheng cheaungkhangchi ai peang bo.

SAM 65:5

Nang ly kaichi i chiu sa hnei takeng nai tangai pi iy, eaung naira nga hai bo; lyh ai hawi naichi sa naimy, kaichi ai atleu nai ne. Khaileaung pri verei hawi, pangli katem mang y awm u nai khumi bawibawichi ly nang ai ym u bo.

SAM 65:6

Nang ly sa thai naira hawimy mawichi ai meingtym tasyh iy, nang parai nai sa thai naira pateng bo.

ISAIA 30:15

Israela chengchi i chai parai nai Areng Tameuh my khumichi teng y, “Nangchi ly kai teng y vawi iy kajeaung kaji naimy kai ai ym u. Hunaibaly nangchi ly atho ham naira nga iy, atleu naira nga u ai,” napi. Na i py nangchi ly tangai u y!

ISAIA 41:22

Hi y jeu iy mo mang y ati tym ai mo, nanai thui pi u cham; Hunai deaungkho y, vaichi khala i sa naichi thui pi pachai ba. Mo mang y huni atitichi mana tem ai mo, nanai kaichi ai thui pi u. Naibaly hunichi tym nai khala y kaichi pany ai.

ISAIA 43:6

Nichi theu u ai nai tosyh mang py, nichi ai paka y ai nai tokalawi mang py, kaimy thuipi ai. Khaileaung pri meingtym tleirei y awm nai pri kamlora i, kai i khumichi vawi u ali teang ai.

ISAIA 45:21

Jeu ly nangchi i ka-jo ka-thui ai jeung y tym hai u. Tara amteng naichi ly mychi tengtawi, leaung leaungrei arum u. Tym ai nai atitichi ai ami my jangni khala y thui pi yb lawh mo? Kaimy i khumichi ai atleu nai Tameuh, kai Areng my kang thui pi yb nai ny y lawh sai a? Kai ny y baly tameuh takhra by y.

ISAIA 45:5

“Kai ly Areng ne; kai ny y baly tameuh takhra by y. Nang ly kai ai pany y teu i py, kai ly nang i aly ngai nai atho haiho kang pei ai.

ISAIA 49:12

Kai i khumichi ly kamlo paraira i nai py, tosyh hawi nidym mang i nai py, tokalawi mang y awm nai Asavanpri i nai py, ang jeu u ai,” napi.

ISAIA 49:6

Areng my kai ai, “Kai i miseaung, kai ly nang ai kalop kalenra y sa hai ai. Dei kamthum Israela chengchi sa thai naira haiho nga u ali teang nai khyh chang y i, khaileaung pri verei malawn py atleu naira nga ai nai, kai ly nang ai khumi cheng cheaungkhangchi i kangvang lawm hai ai,” napi.

ISAIA 52:10

Areng ly chai parai nai kiu hawi, pri tleireichi mo y mymy i khumichi ai atleu nai deaungkho y, huni atitichi ai khaileaung pri vereichi my niu u nai ne.

ISAIA 55:5

Vai, nangchi ly pri takhra khumichi ai palau u ai. Vaichi khala nichi ly nangchi ai pany y; na i py vai ly nangchi teng y amkawm ai nai angpreng naimy, ang jeu u ai! Israela chengchi i chai parai nai Areng Tameuh, nangchi i Tameuh ly hini atiti bawibawichi tym hai ai. Kai ly nangchi ai tahm asang naira hawi, nang parai naira pei ai”.

ISAIA 55:6

Areng ly vai, nangchi sahawi y awm; mymy mang y hi iy hnei takeng u.

ISAIA 60:3

Khumi cheng cheaungkhangchi ly nang i kangvang awm naira mang py, samrangchi ly nang i khawn kani si ko nai sangso mang py ang jeu u ai.

ISAIA 66:18

Nichi i sa nai, dawn naichi kai pany. Kai ly pri tlei tleireichira i khumichi ai kachu ai nai kang jeu ai. Nichi ly akachu u nai khala y kai i sa thai naira mana tanrei ham na mo, nanai niu u ai. Mymychi ai pajeng nai keung ly kai naini ne, nanai py pany u ai. Na i py kai ly phyreichi ai tlamsa naira pei ai. Kai ly nichi ai kai i satang thai vai y, kai i sa thai naira len parai nai niu vai y nai

JEREMIA 33:16

Huni neng tym nai khala y, Juda pri ly atleu naira nga ai. Jerusalem mary i khumichi py chymme naira nga ai. Mychi i mary pui ai, ‘Kaichi ai atleu nai keung Areng,’ nanai amyn palau ai.

HOSEA 13:4

Areng my, “Kai ly nangchi ai Aikupta pri dengdairei pahawi nai, nangchi i Areng Tameuh ne. Nangchi ly kai ny y baly Tameuh takhra by y, kai leaungrei naini nangchi i atleu keung ne.

MIKHA 5:4

Huni samrang ang jeu nai khala y, ni ly Areng teng i sa thai naira hawi py, my i Areng Tameuh teng i sa thai naira hawi py, mymy i khumichi ai peang ai. Khaileaung pri verei y awm nai khumi bawibawichi ly mymy i nang parai nai sai pany nai deaungkho y, my i khumichi ly chymme naimy awm u ai.

MIKHA 7:7

Na i py kai ly Areng ai ajeng ai. Kai ai atleu ai nai Tameuh ai ym naimy ajeng ai. Kai i Tameuh ly kai i chiu sa nai tangai pi ai.

ZEKHARIAH 12:10

“Kai ly Davida i kangpreangchi hawi Jerusalem mary i takhra khumichi ai pahen ai nai phailo, chiu sa ai kawp nai phailo hawi angym hai ai. Nichi ly mychi i haisau hawi thun iy padei nai khumi ai khen iy, chapo leaungrei awm khyh nai i vui y vo tangam nai kamta, huni khumi i vui vo tangam u ai. Nichi ly chapo chalu dei nai khumichi kamta, khri pa-rei vo tangam u ai.

JOHAN 6:40

Ngaai i kangai ly hini ne he: Ami py Chapo ai niu iy ym nai ngierei ly. deungtasarei hengra nga ai i, ni ai kani kangkhym y ly kaimy pathau ai,” napi.

TITA 2:13

vai heng nai sala ryrei ly amkym naira y py, hawi naira y py, Tameuh ai dawn ryhryh naira y py awm ai nai tla, nanai ang patiu bo;

HEBRAI 12:2

naibaly achi i ym naira sa nai hawi angym hai nai keung Isu mang y khen iy, achi i mo y awm nai angpreng acham naira y ly kham tanga pa-rei angpreng u veangveang sina; ni ly my i mo y amo theu naira awm nai deaungkho y amthang leaung naira sai py tahm khai y naimy kraws tleaung y patang i, Tameuh i areng atehra lamtang mang y ateh bo.

II PETERA 1:1

Simon Petera, Isu Krista i miseaung hawi amtaw thau nai my ly achi i Tameuh hawi achi ai Paheng Keung Isu Krista i hawi naira deaungkho y kaichi hawi vanrei ym naira vang teng parai nai nga teang naichi teng y ly: