ISAIA 45:19 - Khumi Common Language Bible

¹⁹ Kai ly kangviu kam-ai y kathui y; kaimy i dawn pasym nai py apha vai y. Kai ly Israela chengchi ai khumi angso by y nai meingtym y hau hai nai ny y. Kai ly Areng ne; kai ly ka-ym awm nai leu katheu iy kateng lam kapatei pi reng nai ne,” nanai leu pei nai keung ne.

ISAIA 45:19 ပူးပေါင်းရင်းမြစ်များ

1 NENG SATANG 28:8

“Hunai deaungkho y kai ly Tameuh i khumi mipuichi mo y py, mymy i khumi napi nai Israela khumi mipuichi i mo y py, nangchi ai kalop kang pei nai ne. Nangchi ly achi i Areng Tameuh my leu pei nai ngiereichi ai, hawihai palai tangai u. Huna khala naini nangchi ly hini pri kahawi amtym u jojo iy, nangmychi i kangpreangchi teng y pei pateang bi pajau ai,” napi.

2 NENG SATANG 15:2

Azariah ly samrang Asa teng y chei i, ni teng y, “Aw samrang Asa hawi vanrei Juda hawi Benjamin theaungchi awi, kai i leu tangai u! Nangchi ly Areng teng y awm nai ryrei, mymy ly nangchi hawi vanrei awm ai. Nangchi ly mymy ai hau u baly mymy ly nangchi hawi ka-vum sa ai. Na i py nangchi ly mymy ai nithun thun u lawh baly, mymy py nangchi ai ang khai su ai.

2 NENG SATANG 7:14

Nichi ly kai teng y chiu sa naimy uikheih iy, mymychi i sa nai kamngo khai u su baly, kai ly kani pri mang dengdairei nichi i chiu sa nai tangai pi ai. Nichi i kamngo palawi pi iy, nichi i pri y paitiu thym hai teang ai.

EZARA 8:22

Achi i Tameuh ly mymy ai ym nai khumi bawibawichi ai amtheaung naira pei iy, mymy ai nithun thun nai khumichi ai ly niu ngai y iy pajeng reng, nanai samrang teng y amti pi bo. Huna nai y kai ly khuleaung lam y paleung ka-echi ai paka pi ai nai samrang teng i keaungngo tavaimi kasabawmra hnei ai nai ly kaji ai nai hawi parai.

SAM 12:6

Areng i adeu nai leuchi ly ym ai nai hawi; mai theung y tlen saryhrei patlawn chum nai tangka tangcheng kamta, ka-ym awm nai ne.

SAM 24:6

Huna nai khumichi ly Tameuh teng y ahihawi nai khumichi, Jakob i Tameuh ai chiu u nai khumichi ne.

SAM 69:13

Na i py kai i vui ly aw Areng, nang teng y chiu sa hnei takeng ai; nang i tamen naira len parai nai molam py, atleu pi ai nai nang i leu adeu nai molam py, kang hnei kang takeng nai tangai pi kyh ba. Aw Tameuh, aly ngai nai neng khala y, kai i chiu sa hnei takeng nai pathang pi kyh ba.

SAM 69:32

Hina naichi niu nai khala y ana naira avum nai khumichi ly amo theu u ai; Tameuh ai chiu nai khumichi ly atho nga u ai.

SAM 78:34

Na i py huni khumi phyreichi ai mymy dei hai teu i py, dei kamthunchi ly mymy teng y ali u teang nai ne. Nichi ly uikheih iy paleung apei parai naimy chiu sa u bo.

SAM 9:10

Aw Areng, nang ai pany nai khumichi ly nang ai ym u ai; nang ly nangmy teng y ahihawi nai ngiereichi ai khai su y leang.

LEU KACHENG 1:21

Ni ly mary apai pa-khochira py, khumi akachu nai meingtymchi ra py, tao pajeng parai naimy palau nai ly

LEU KACHENG 15:8

Areng ly khumi kahawichi i chiu sa nai ai kawn pi; na i py khumi hawi y naichi i, apathyp nai tawnbawichi ai ly paso nai ne.

LEU KACHENG 30:5

“Tameuh ly ka-ym awm nai ne. Mymy ly my teng y abyh nai khumi bawibawichi i vui khupui kamta ne.

LEU KACHENG 8:6

Kai ly leu kahawi katheu ai; tangai u. Kai i thui nai leu bawibawichi ly kateng ne.

ISAIA 1:15

“Nangchi kiu pheu iy chiu sa u nai khala y, kai ly nangchi mang y hi iy kang khen pi ai ny y. Nangchi i kiuchi ly kamngo thi akau nai deaungkho y, nangchi mana tanrei ham parai naimy chiu sa u teu i py, kang tangai pi ai ny y leang.

ISAIA 43:12

Kai ly atitichi tym ai nai thui yb iy, nangchi ai sabawm ai nai kang jeu nai ne. Mani cheng takhra i khumichi i tameuh py, hina nai sa nai awm vai y. Nangchi ly kai i pany hai nai keungchi ne.

ISAIA 44:8

Aw kai i khumichi awi, jei u moh! Kai ly jangni jangkhawn i dengdai vai khrairei, tym ai nai atitichi ai thai hai yb nai ly nangchi pany u nai ne. Nangchi ly kai i pany hai nai keungchi lawm u bo. Kai ny y baly tameuh takhra awm rai a? Mana khala py kai thai vai y nai sa thai nai keung tameuh awm rai a?

ISAIA 45:23

Kai i thui nai leu ly teng khyp nai deaungkho y, takhra vui ai ny y leang. Khumi bawibawichi ly jeu iy, kai i mo y kheukhudi u naimy, leu meitang pei kheng nai tangai ai mang, nanai vaineng abeu u ai.

ISAIA 45:25

Kai, Areng ly Jakob i kangpreangchi ai atleu ai. Nichi py kai ai palo u ai.

ISAIA 48:16

“Vai, kai i sahawi y jeu iy, kai i thui nai leu tangai u. Kai ly angchei khala i my nangchi teng y kang thui pi keng veng bo. Huni leaungsai amteaung nai khala my, kai ly awm,” napi. (Vai, Areng Tameuh ly kai ai sa thai naira pei iy ang pato nai ne.)

ISAIA 63:1

“Edom pri Bozrah mary i dengdairei jeu nai khumi ly ami mo? Apu parai nai ateaung kamsen amthyp iy, atho haiho kawi angym naimy ang jeu nai khumi py ami mo? “Huni ly mymy i eaung naira amthang hai ai nai jeu nai keung, atleu ai nai sa thai naira awm nai keung Areng ne.

ISAIA 65:9

Juda chengchi ai amtheaung naira pei ai. Juda kangpreangchi ly mawi tleaung pri napi nai kai i pri amtym u ai. Kai i miseaung, kai i khumichi ly huni pri y awm iy amtym u ai.

ISAIA 8:19

Na i py khumichi ly atam kawp nai leung sarachi hawi, vawinam kun nai khumichi teng y leu deng ai nai, nangchi teng y thui ai. Nichi my, “Khumichi ly heng nai khumichi i jeng y dei nai khumichi i phailochi teng y leu deng ai nai avo,” nanai thui u ai.

JEREMIA 2:31

Israela mipuichi awi, nangchi ly kai i thui nai leu tangai u. Kai ly nangchi i vui daichi ka-vym kamta py, kaveng my khiu nai pri kamta py lawm veng bo a? Ti y lawh baly nangchi ly ati mana nai y nangmychi ngai ngai sa naimy, kai teng y mana khala py ali teang y leang bo, nanai thui u lawh mo?

AMOS 5:4

Areng my, “Israela khumichi awi, kai teng y ali u teang jau; naibaly nangchi heng u ai.

JOHAN 18:20

Isu my ni teng y, “Khaileaung pri i khumichi teng y khumi bawibawichi i ka-thai y kai leu thui be; achura yhm y hawi, achura yhm kalen pui y py, Juda bawibawichi i achu reng nai meingtym y kai patiu jojo be; kai ly kangviu y ati sai py thui y leang.

JOHAN 7:26

Khen cham, mymy ly mo y thui be i nichi ly sai py tlau y. Mymy ly Krista ne, nanai miteaung kehchi my pany tatang nai sai a?

JOHAN 7:28

Hunai deaungkho y Isu ly achura yhm kalen pui y leu patiu nai tarawi y aeu i, “Nangchi ly kai ai pany, kai ly ma mang i theu nai mo, nanai py nangchi pany mang. Kai ly amy ngaingai kang jeu nai ny y leang, kai ai pato nai keung ly meitang khypkhyp ne, ni ai ly nangchi my pany y.

Leu Thui Nai 29:29

“Achi i Areng Tameuh my thui pi y nai satangchi awm rai. Na i py achi teng y thui pi nai satangchi ly reita leu pei naichi ne; achi hawi achi i kangpreangchi ly huni reita leu pei naichi ai avawrei patawm jojo ai nai tla.

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.

JAKOB 4:3

Nangchi hnei, na i py nangchi i hnei nai teng y nai deaungkho y ngo y, nangmychi i ngai phi teng y naira y teaung ai nai tau lawh nai y.