ISAIA 45:14 - Khumi Common Language Bible

¹⁴ Areng my Israela chengchi teng y leu pei nai ly “Aikupta pri hawi Ethiopia pri i yhmtheaung katuichi ly nangchi nga u ai. Seba pri i khumi len ka-sangchi ly nangchi teng y miseaung achei u ai. Nichi ly sengkry hawi pakheng naimy, nangchi nithun abang u ai. Nichi ly nangchi i mo y lu meung naimy, hina nai thui pi u ai; ‘Tameuh ly nangchi hawi vanrei awm bo; mymy leaungrei naini Tameuh ne.

ISAIA 45:14 ပူးပေါင်းရင်းမြစ်များ

ATITI AWM ANGCHEI NAI 27:29

Pri bawibawichi ly nang teng y lu meung iy miseaungchi lawm u sy. Cheng cheaungkhangchi ly nang i mo y lu meung u sy. Nang ly amjo amnauchi ai peang sy. Nang i amhm kangpreangchi ly nang ai lu meung u sy. Nang ai pasawi nai khumi ai ly amsawi lawi teang sy. Nang ai amtheaung hai nai khumichi ly amtheaungra ngo teang sy,” napi.

2 SAMUELA 21:20

Huni bo y kath mary y naimy atiu u bi nai ne. Huni atiu naira y tavai atiu ai nai ngai parai nai, tlang atho awm nai khumi leaungrei awm. Ni i kiuchira y kiu pajeung tariurei awm i, kheuchira py kheu pajeung tariurei awm.

ESTHER 8:17

Samrang i leu pei nai satang tym nai pri khu ka-peang hawi mary neangneangchira y Juda chengchi ly amo theu parai naimy cha nei u i, amo theu nai pawichi sa u nai ne. Cheng takhra neangneangchi ly Juda chengchi ai jei u nai deaungkho y Juda reita y kun u bo.

JOBA 1:15

Huna nai thym y Seba chengchily, vaimy tym u iy ang tiu miu i, tawnbawichi ang lawm pi pawn na bo. Nichi ly nang i miseaungchi ai padei pawn i, kaimy leaungrei naini tleaung khyh; huna nai y areng nang teng y kang jeu iy, satang kang thai hai nai ne.” napi.

JOBA 11:19

Nang ly mani paleung ka-e ai py, jei hyn ai ny y. Khumi mipuichi malawn py, nang teng y kasabawmra hnei u ai.

SAM 149:6

Pri bawibawichi ai tiu pajau iy, khumi cheng cheaungkhangchi ai pajeng ai nai py,

SAM 149:8

Tameuh i leu pei nai kamta, pri bawibawichi ai pajeng ai nai py,

THEU NAI 11:8

Mosi my, “Nang i bangtangchi ly kai teng y ang jeu u ai i, “Kai i mo y lu meung u ai; naibaly nichi ly nang i chengchi ai theu hai veng jau, nanai ang takeng u ai. Huni bo y kaimy theu hai ai,” nanai thui pi chum baly Mosi ly khri pa-rei kado theu naimy samrang teng i nai leh vui bo.

ISAIA 10:33

Ati cheaungkhang sa thai nai keung Areng ly dengkeaung do nai y changpi tla nai kamta, nichi ai phra hai ai. Nichi theung y paleung len amlyh keh nai hawi khumi kalenchi ai tahm panem vui ai.

ISAIA 18:1

Ethiopia tavochi kamlem mang y pakhi takhym nai katynchi thai nai pri harei awm.

ISAIA 18:7

Tavochi kangpreira y awm nai huni pri i dengdairei py, kho-ban atho len nai huni khumi chengchi teng i dengdairei py, mo-cha hawi jeng asang nai huni pri khumichi teng i dengdairei py, khaileaung pri vereichi my jei hyn nai khumi teng i dengdairei py, kapathyprachi ai, ati cheaungkhang sa thai nai keung Areng my kawn pi nai neng kani tym ai. Huni khumichi ly ati cheaungkhang sa thai nai keung Areng ai chiu ai nai Zion mawi y jeu u ai.

ISAIA 19:21

Areng ly mymy ai Aikupta chengchi my pany ai nai sa ai. Huna nai khala y nichi ly mymy ai pany iy chiu u ai. Mymy teng y tawnbawi hawi kapathyprachi syn u ai. Nichi ly mymy i mo y leu meitang adeu iy, huni leu meitang adeu nai kamta sa u ai.

ISAIA 19:22

Areng ly Aikupta chengchi ai pajeng ai nai ne teu i py, nichi i tamo kalemchi tama hai ai. Nichi ly Areng teng y ali teang nai deaungkho y, nichi i hnei takeng nai raawi tangai pi iy, nichi i no-na tama hai ai.

ISAIA 23:18

Ka-sum ka-pai sa naira i nga nai tangkachi ai Areng teng y talam ai. Hunichi ai pakym achu iy khai ai ny y. Areng ai chiu nai khumichi py, huni tangkachi hawi mychi i ngai nai teicha teineichi, ateaungchi van u ai.

ISAIA 43:3

Ati mana nai mo nabaly, kai ly Israela chengchi i chai parai nai Tameuh, nangchi ai atleu nai keung, nangchi i Areng Tameuh ne nai deaungkho y ne. Kai ly nangchi miseaungra i nai alaw naira nga u ai nai Aikupta pri khai su ai. Ethiopia pri hawi Seba pri ai, kaimy khai su ai.

ISAIA 44:8

Aw kai i khumichi awi, jei u moh! Kai ly jangni jangkhawn i dengdai vai khrairei, tym ai nai atitichi ai thai hai yb nai ly nangchi pany u nai ne. Nangchi ly kai i pany hai nai keungchi lawm u bo. Kai ny y baly tameuh takhra awm rai a? Mana khala py kai thai vai y nai sa thai nai keung tameuh awm rai a?

ISAIA 45:24

“Nichi ly kaimy deaungkho y eaung naira hawi atho ham naira nga u nai ne, nanai thui u ai. Na i py kai i niu ngai y nai khumi bawibawichi ly tahm anem u ai.

ISAIA 49:23

Samrangchi ly ampo kamta nangchi ai ang kry iy, samrangnuchi ly amhm kamta pacho panei ai. Nichi ly lu meung naimy nang ai chiu u ai. Nichi ly tahm apanem naimy, nang ai tahm khai nai sai patei ai. Huna nai khala y kai ly Areng ne, nanai nangchi pany u ai. Kai i kasabawmra ajeng nai ngiereichi ly paleung phra ai ny y,” napi.

ISAIA 54:3

Nang ly amy i khujyhchi palen ai nai tla. Vai, cheng takhra khumichi awm nai pri ly nang i khumichi my nga u ali teang ai. Vai, khumi angso savai tlang nai marychi ly phuitaw na ai.

ISAIA 55:5

Vai, nangchi ly pri takhra khumichi ai palau u ai. Vaichi khala nichi ly nangchi ai pany y; na i py vai ly nangchi teng y amkawm ai nai angpreng naimy, ang jeu u ai! Israela chengchi i chai parai nai Areng Tameuh, nangchi i Tameuh ly hini atiti bawibawichi tym hai ai. Kai ly nangchi ai tahm asang naira hawi, nang parai naira pei ai”.

ISAIA 60:3

Khumi cheng cheaungkhangchi ly nang i kangvang awm naira mang py, samrangchi ly nang i khawn kani si ko nai sangso mang py ang jeu u ai.

ISAIA 61:9

Nichi ly khumi cheng cheaungkhangchi theung y amyn amthang u ai. Nichi ly kai i amtheaung naira nga nai khumichi ne, nanai nichi ai niu nai khumi lutengchi my pany u ai,” napi.

JEREMIA 16:19

Aw Areng, nang ly kai ai kry iy atho pei bo. Patang naira avum nai khala sabawm bo. Khaileaung pri katemra i dengdairei khumi cheng cheaungkhangchi ly nang teng y jeu iy, “Kaichi i amsi pajochi chiu nai tameuhchi ly tameuh ka-chawi ne, atyhtyh teu. Hawi naira pei pajau y nai mynchi ne.

Ezekiela 23:42

Amo theu u lengleang nai khumi kangbawm katyn thai bo. Huni khumi kangbawm ly daichi ka-vymra i hawi nai khumichi ne. Nichi ly neampachy nini i kiu y ka-sichi pachiu pi iy, apu parai nai lukhymchi amym hai pi bo.

Ezekiela 31:3

Nangchi ly atho ham nai Asuria hawi atawm; huni pri ly Lebanon mawi i saitleang keung hawi atawm; huni keung ly khupanym y angteu vi na pa-rei asang i, changpichi angvai iy khen apu parai nai ne.

JOELA 3:8

Kai ly nangchi i cho chanauchi ai, Juda khumichi i miseaung ka-jo ka-van lawm hai ai. Juda khumichi py nichi ai palo parai nai Seba khumichi teng y jo vui ai. Hini ly kai, Areng i kang thui pi nai leu ne.

Kati Nai 13:32

Naibaly nichi ly mymychi khen paviu nai pri i satang teng y naichi, Israela chengchi theung y ahei hai bo. Nichi my, “Huni pri y huni pri khumichi i vui malawn py, amti amjang ka-lawn pa-rei theu y leang. Kaichi niu nai khumichi ly khri pa-rei jeng asang parai.

I KORINTH 14:25

hunaibaly ni ly ambeu iy Tameuh ai chiu ai i, Tameuh ly nangchi theung y awm tatang, nanai thui ai.

I THESALONIKA 1:9

Mymychi kypkyp my kaichi i nangchi theung y kun ai nai ngai nai sai ly pany hai u reng; naibaly nangchi ly Tameuh kangheng hawi meitang i kalop sa ai nai hawi, mymy i Chapo (kadeichi theung i dengdairei pathau nai i kado theu nai tym ai naira i nai ang lawi hai nai keung Isu ly) kani pri mang i dengdairei satla nai ajeng ai nai,

AMTENG HAI NAI 3:9

Khen cham, Juda tatang ny y naimy, ka-chawi thui iy Juda angam nai Setan i achu nai kamkawmchi ai ly, khen cham, nichi kypkyp ai ly nang teng y katym hai iy, nang i kheu keung y ambeu hai ai i, nang ai katamen, nanai nichi ai kang pany hai ai.