ISAIA 44:9 - Khumi Common Language Bible

⁹ Myn sa nai keung bawibawichi ly vang teng y nai khumichi ne iy, nichi i tahm khai nai tameuhchi py ati sai py ny y. Huni tameuhchi ai chiu nai khumichi ly mei paju naichi, tau cheng naira by y nai khumichi ne. Nichi ly kangji nga u ai.

ISAIA 44:9 ပူးပေါင်းရင်းမြစ်များ

2 ARENG KEH 19:18

nichi i tameuhchi py mai hawi leng pawn nai kaichi pany. Huni tameuhchi ly tameuh tatang ny y. Khumi i kiu hawi sa nai dengkeaung myn, lengseaung mynchi ne.

SAM 115:4

Nichi i tameuhchi ly muku, tangka hawi khumi i kiu y sa nai tameuhchi ne.

SAM 115:8

Huni mynchi ai sa nai khumichi hawi ym nai khumichi ly mychi sa nai mynchi kamta lawm u sy.

SAM 135:18

Mynchi ai sa naichi hawi huni mynchi ai ym nai khumi bawibawichi ly mychi i sa nai mynchi kamta lawn u na sy!

SAM 97:7

Mynchi ai chiu u nai khumi bawibawichi ly kangji nga u bo; tameuh bawibawichi ly Areng i mo y lu meung u bo.

ISAIA 26:11

Paleung ka-echi ly mychi ai nangmy pajeng ai, nanai pany u y. Aw Areng, nichi ai kangji ngo hai ba. Patang naira tym hai ba. Nangmy sa pi yb nai pajeng naira avum hai ba. Nang ly nangmy i khumichi ai mana tanrei tamen mo, nanai nichi ai pany hai ba.

ISAIA 41:24

Nangchi hawi nangchi i atiti sa naichi ly ati sai py ny y. Nangchi ai chiu nai khumichi py, amso ngai ai hawi parai na ly!

ISAIA 41:29

Hini tameuh bawibawichi ly ati sai py ny y. Nichi ly ati sai py so u thai y. Nichi i mynchi py jy iy, sa thai naira by y.”

ISAIA 42:17

Mynchi ai ym nai khumichi py, mynchi ai mychi i tameuh, nanai palau u nai khumichi py, cheh naira avum iy tahm anem u ai.”

ISAIA 42:18

Areng my, “Nangchi kano kapangchi awi, tangai u! Nangchi mei kamjuchi awi, khen u!

ISAIA 43:8

Tameuh my, “Kai i khumichi ai tara jeung y palau u. Nichi ly mei awm naimy niu u y. Kano awm naimy thai u y lawh ly!

ISAIA 43:9

Khumi cheng cheaungkhangchi ai tara chih naira y palau u. Nichi i mani tameuhchi ly mo mang i satang thui pajau ai mo? Mani tameuhchi ly vai tym nai atitichi ai thui yb nai awm mo? Huni tameuhchi ly mychi i sa nai kateng ne, nanai ka-ma-ra patei pajau ai nai hawi, mychi i thui nai kamta teng khyp nai saichi ka-ma-ra patei pajau ai nai, pany hai pi nai keungchi ai hawi u na sy.

ISAIA 44:11

Huni myn ai chiu nai ngiereichi ly cheh naira avum ai. Mynchi sa nai keungchi ly khumichi teu. Nichi ly kai i mo y jeu iy cham naira avum u sy. Nichi ly jei hyn naimy kangji nga u ai.

ISAIA 44:18

Hina nai khumichi ly khri pa-rei akhum nai deaungkho y, mychi ly ati sa nai mo, nanai py apany u y. Kateng niu y, pany y ai nai, mychi i mei hawi paleung katheuchi kho u typ veng bo.

ISAIA 44:20

Ni i sa nai ly maidym cha nai kamta, ati sai py ny y. My i akhum nai ka-dawn ly mymy ai lam tamang hai. Hunai deaungkho y ni ai sabawm ai nai avo pajau y bo. Ni ly my i kiu y syn nai myn ly tameuh pipi ny y, nanai pany y.

ISAIA 45:16

Mynchi ai sa nai khumi bawibawichi ly kangji nga u ai. Huni khumi bawibawichi py tahm anem u ai.

ISAIA 45:20

Areng my, “Khumi cheng cheaungkhangchi awi, jeu u achu. Empara pri anawi nai bo i, dei kamthum khumi bawibawichi awi, nangchi cheng y nai khumichi awi! nangmychi i dengkeaung mynchi patei iy, atleu pajau y nai tameuhchi teng y chiu nai khumichi awi, nangmychi naimy tara amteng ai nai jeu u!

ISAIA 57:12

Nangchi ly nangmychi i sa nai kalop ly teng, nanai athang khai u. Na i py nangchi i sa nai kang tapheaung nai khala y, nangchi i mynchi ly nangchi ai asa hai pajau ai ny y.

ISAIA 65:13

Hunai deaungkho y kai i leu tangai iy, kai ai chiu naichi ly cholei neilei y iy, nangchi ly kajeu alam naimy tui py ahai u ai. Kai i miseaungchi ly amo theu iy nangchi ly kangji nga u ai, nanai nangchi ai kai, Areng my kang thui pi nai ne.

JEREMIA 14:22

Khumi cheng cheaungkhangchi my chiu nai mynchi ly kani nai hai thai y leang. Kani tui ly mymy ngai ngai kani amaichi tlo hai thai y leang. Nang naini hini atitichi ai sa thai khyh nai deaungkho y, Kaichi i Areng Tameuh, kaichi ly nang ai athang khai u nai ne.

JEREMIA 2:11

Mymychi i tameuhchi ly tameuh tatang ny y teu i py, mani cheng ly tameuhchi ai chiu takhra vui mo? Na i py kai i khumichi ly mychi ai tahm awm hai nai Tameuh, napi nai kai ai ly nichi ai sabawm thai y nai tameuhchi hawi katheung u veng bo.

JEREMIA 2:26

Areng my, “Patiu naira avum nai neng khala y kangviu khumi ly kangji nga nai kamta, nang i samrangchi, samrang i cho chanauchi, pathyp pi nai keungchi, amochi, nangchi Israela cheng mipui bawibawichi ly kangji nga u ai.

DANIELA 11:38

Huni tameuhchi i jeng y ni ly amtangra meingtymchi ai kry nai tameuh ai palo ai. My i amsi pajochi my, mana khala py chiu vai y nai tameuh teng y muku, tangka, lengseaung vang katengchi hawi, takhra vang kateng langseaung katalamrachi talam ai.

DANIELA 5:23

Nang ly kani pri mang i Areng ai ka-awi sa iy, Achura yhm theung i muku khauchi la hai lawh bo. Nang hawi vanrei, nang i bangtangchi, samrangnuchi, samrangnu i aheaung apaichi ly huni muku khauchira y kreip hangchi tleng iy nei chum baly, mei niu y, kano thai y, ati sai py pany y nai muku, tangka, kheupaja, tamo, dengkeaung, lengseaungchi hawi sa nai tameuhchi ai palo u bo. Na i py nang ly nangmy i tlang ai py, nangmy i sa nai bawibawichi ai py, peang nai keung Tameuh ai ly palo y lawh.

ROM AVANGCHI TENG Y PAWLA I CHA PA NAI 1:22

Nichi ly kacheng apalawn u iy kamthu y lawn veng, naibaly dei thai y nai Tameuh i nang parai naira ai ly dei thai nai khumichi hawi,

I KORINTH 8:4

Hunaibaly myn y apathyp nai atiti cha nai leu ly pathang si. Khaileaung pri y myn, nanai ly ati sai py ny y nai sai hawi, leaungrei ny y baly Tameuh takhra ha py by y nai sai ly achi pany.

II KORINTH 4:4

hunichi i vui ly hini khaileaung pri i tameuh ly ym y naichi i paleung ai paju hai bo; Krista, Tameuh kamta atawm khyp nai, mymy i nang parai nai sai Satang Kahawi kangvang ly nichi ai kangvang ko thai y ai nai paju hai bo.

EPHESI 4:18

huni pany y naira ly mymychi theung y awm nai deaungkho y hawi, nichi i paleung ly kyh chawn veng nai deauungkho y py, nichi ly Tameuh i hengra teng i nai amprei veng bo.

EPHESI 5:8

ati mana nai mo nabaly nangchi ly jangni y kaveng ne, na i py vai ly Areng y ly kangvang lawn u bo:

Leu Thui Nai 27:15

“Lengseaung, dengkeaung, tamo hawi mynchi sa iy, hunichi ai ka-vym y chiu nai khumichi ly Tameuh teng i amsawi lawi ai. Areng ly myn chiu nai ai paso nai ne,’ nanai vaineng tauh nai khala, “Khumi bawi bawichi my ‘Amen!’ nanai pathang u sy.

Leu Thui Nai 4:28

Huna nai khala nangchi ly khumi i kiu hawi sa iy, mei niu y nai, kano thai y nai, cho thai y nai, mui py thai y nai dengkeaung tameuh, lengseaung tameuhchi ai chiu u ai.

TARA CHIH NAI KEUNGCHI 10:14

Nangmychi my vawi nai tameuhchi teng y phai vo u. Nangchi patang naira avum nai khala, huni tameuhchi my nangchi ai atleu na sy.”