ISAIA 44:8 - Khumi Common Language Bible

⁸ Aw kai i khumichi awi, jei u moh! Kai ly jangni jangkhawn i dengdai vai khrairei, tym ai nai atitichi ai thai hai yb nai ly nangchi pany u nai ne. Nangchi ly kai i pany hai nai keungchi lawm u bo. Kai ny y baly tameuh takhra awm rai a? Mana khala py kai thai vai y nai sa thai nai keung tameuh awm rai a?

ISAIA 44:8 ပူးပေါင်းရင်းမြစ်များ

ATITI AWM ANGCHEI NAI 46:3

Tameuh my, “Kai ly Tameuh ne, ngampo i Tameuh ne: nang ly Aikupta pri mang y chei ai nai jei moh; hu y nang i kangpreangchi ai kaimy khumi cheng kalen lawm hai ai.

ATITI AWM ANGCHEI NAI 48:19

Ampo ly ngai y i ni teng y, “Kai pany chy deang awi, Manase i kangpreangchi py khumi kalen lawm ai. Na i py mymy i amnau ly mymy tleaung y khumi kalen keh lawm ai i, ni i kangpreangchi ly khumi cheng kalenchi lawm u ai,” napi.

2 SAMUELA 22:32

Areng leaungrei naini Tameuh ne; Tameuh naini achi i abyhra ne.

EZARA 1:2

Huni leu pei naira y, hini ly Pasia empara pri samrang Kuru i leu pei nai ne. Kani pri mang y awm nai Areng Tameuh ly kai ai khaileaung pri verei y peang hai iy Juda pri Jerusalem mary y Achura yhm sa ai nai ang au bo.

EZARA 8:22

Achi i Tameuh ly mymy ai ym nai khumi bawibawichi ai amtheaung naira pei iy, mymy ai nithun thun nai khumichi ai ly niu ngai y iy pajeng reng, nanai samrang teng y amti pi bo. Huna nai y kai ly khuleaung lam y paleung ka-echi ai paka pi ai nai samrang teng i keaungngo tavaimi kasabawmra hnei ai nai ly kaji ai nai hawi parai.

SAM 18:31

Areng naini Tameuh ne; Tameuh naini achi i abyhra ne.

SAM 18:32

Mymy ly kai ai ham hai nai Tameuh, kai i tako ai nai lam chymme hai nai Tameuh ne.

SAM 86:10

Nang ly sa thai naira phum-ang len parai i, lyh ai nairachi sa pi bo; nang leaungrei naini Tameuh ne.

ISAIA 17:10

Aw Israela pri, nang ly nang ai atleu iy lengseaung pui kamta ama hai nai Tameuh ai tami veng lawh bo. Nang ly cheng takhra khumichi i tameuh ai chiu ai nai apu parai nai keungchi ui nai ne.

ISAIA 26:4

Areng ai ly ym u jojo; mymy ly achi ai ama hai jojo ai.

ISAIA 30:29

Na i py Tameuh i khumichi awi, nangchi ly vum y sa nai reita pawi kamta, amo theu naimy khulym thui u ai. Nangchi ly Israela chengchi i abyh nai keung Areng i Achura yhm mang y chei nai lam y, byhlyh katyn hawi kamlym tako u nai khumichi kamta amo theu u ai.

ISAIA 41:23

Mo mang y ati tym ai mo, nanai kaichi ai thui pi u; huna nai khala naini, nangchi ly tameuh ne, nanai kaichi pany ai na a! Atiti kahawi so u, ti y baly ka-jeira sai sairei tym hai u. Kaichi ai jei hyn pa-rei so u!

ISAIA 42:9

Kai i thui yb nai atitichi ly vai, tym dudu bo. Vai, kai ly nang teng y atiti kangthachi ai hunichi tym y rai khala my, kang pany hai pi ai.

ISAIA 43:10

“Aw, Israela chengchi awi, nangchi ly kai i pany hai nai keungchi ne. Nangchi ly kai ai pany u ai nai py, kai ly Tameuh harei khyh, nanai pany u thai ai nai py, kai ly nangchi ai kaimy i miseaung palawn ai nai kang vawi nai ne. Kai ny y baly tameuh takhra by y; mana khala py by y, vai mo mang py awm ai ny y.

ISAIA 43:11

“Kai leaungrei naini Areng ne. Kai leaungrei naini nangchi ai atleu pajau khyh.

ISAIA 43:12

Kai ly atitichi tym ai nai thui yb iy, nangchi ai sabawm ai nai kang jeu nai ne. Mani cheng takhra i khumichi i tameuh py, hina nai sa nai awm vai y. Nangchi ly kai i pany hai nai keungchi ne.

ISAIA 43:9

Khumi cheng cheaungkhangchi ai tara chih naira y palau u. Nichi i mani tameuhchi ly mo mang i satang thui pajau ai mo? Mani tameuhchi ly vai tym nai atitichi ai thui yb nai awm mo? Huni tameuhchi ly mychi i sa nai kateng ne, nanai ka-ma-ra patei pajau ai nai hawi, mychi i thui nai kamta teng khyp nai saichi ka-ma-ra patei pajau ai nai, pany hai pi nai keungchi ai hawi u na sy.

ISAIA 44:2

Kai ly nangchi ai sa nai keung Areng ne. Nangchi tapen khyp khala i dengdairei, nangchi ai kang sabawm bo. Jei u moh, nangchi ly kai i miseaung, kai my kang tamen iy, vawi takhra nai khumichi ne.

ISAIA 44:6

Israela chengchi ai peang iy ama hai nai Areng, ati cheaungkhang sa thai nai keung Areng my, “Kai ly angchei khala i dengdai tem khala khrairei awm jojo nai keung harei khyh nai Tameuh ne. Kai ny y baly tameuh takhra by y.

ISAIA 45:19

Kai ly kangviu kam-ai y kathui y; kaimy i dawn pasym nai py apha vai y. Kai ly Israela chengchi ai khumi angso by y nai meingtym y hau hai nai ny y. Kai ly Areng ne; kai ly ka-ym awm nai leu katheu iy kateng lam kapatei pi reng nai ne,” nanai leu pei nai keung ne.

ISAIA 46:9

Jangni jangkhawn khala i awm nai atitichi pany u. Kai leaungrei naini Tameuh ne, nanai py, kai hawi atawm nai tameuh takhra by y, nanai py pany u jo ba.

ISAIA 48:3

Areng my Israela chengchi teng y, “Jangni y kaimy mo mang y awm ai naichi thui pi yb bo. Naibaly hunichi vaimy tym hai ai.

ISAIA 48:5

Kai ly atitichi tym y rai khala my, nangchi i vui mo mang i satang kang thui pi yb veng bo. Huna nai sa nai ly hini atitichi ai nangchi i sa nai mynchi my sa hai nai ne, nanai nangchi thui pajau y ai nai ne.

JEREMIA 10:7

Khumi cheng cheaungkhangchi i samrang lawm nai nang ai tahm khai y nai ami awm ai mo? Nang ai tahm khai ai nai ataing parai nai ne. Khumi cheng cheaungkhangchi theung i khumi kachengchi theung y py, nichi i samrangchi theung y py, nang hawi atawm nai leaungrei py by y.

DANIELA 2:28

Na i py thiu parai nai saichi ai pany hai nai Tameuh ly kani pri mang y awm. Huni Tameuh ly mo mang i neng y mana tym ai mo, nanai samrang nang pany ai nai pei bo. Samrang nang i nai thym khala y, niu nai amang ly vai, kaimy thui pi ai.

DANIELA 2:47

Samrang my, “Nang ly hini thiu parai nai saichi ai thui pachai pi pajau nai deaungkho y, nang i Tameuh ly tameuhchi bawibawi tleaung y len keh nai ne. Samrang bawibawichi ai peang nai keung, thiu parai nairachi ai pany hai pi nai keung ne,” napi.

DANIELA 4:25

Nang ai ly khumichi theung i dengdairei patheu vui ai i, daichi mawichi hawi vanrei awm ai. Si kamta acha cha iy saneng saryh ryrei kadam sui ai i, abyhra by y nai meingtym y i ai. Naibaly tahm asang parai nai Tameuh ly khaileaung pri verei ai peang iy, mymy i ngai nai khumi ami ai py ne sy, samrang y palyn pajau, nanai nang adawn vau ai.

DANIELA 6:22

Khrangsichi ly kai ai kei y ai nai Tameuh ly mymy i kani pri amtaw thau nai ai pato iy, khrangsichi i labeaung tamym pi vui bo. Hina nai kamta ang sa pi nai ly kai ly kamngo by y, nanai hawi kai ly samrang nang i tlang tleaung y tamang vai y, nanai py, pany nai deaungkho y ne,” napi.

JOELA 2:27

Aw Israela chengchi awi, kai ly nangchi ai kang awm hai nanai py, kai, Areng ly nangchi i Tameuh ne iy, kai ny y baly Tameuh takhra by y nanai py, huna nai khala y nangchi pany u ai. Kai i khumichi ly mana khala py, thui tamawn nai avum u bi ai ny y.

JOHAN 1:1

Angchei y ly Leu awm i, Leu ly Tameuh teng y awm, naibaly Leu ly Tameuh ne.

JOHAN 10:30

Kai hawi Ngaai hawi ly bomrei ne,” nanai pathang.

JOHAN 6:10

Naibaly Isu my, “Khumichi ai ateh hai u,” napi. Huni meingtym y ly acha kangheng neangneang awm i, neampacho ka-cheangchi ly ateh, nichi i nawi nai sai ly sang pangrei tahm awm ngaw khyh.

AMTAW 1:8

Na i py Phailo kachai my nangmychi i tlang tleaung y tym nai khala y nangchi ly sa thai naira nga u ai; hunaibaly Jerusalem y py, Judai pri hawi Samari pri verei y py, khuteng taki y tym pa-rei nangchi ly kai i leu pany hai nai keungchi lawn ai,” napi.

AMTAW 14:15

“Arengchi awi, nangchi ly hina nai ly ati mana nai sa nai mo? Kaini py nangmychi ka-tawm khumi teang teu be; nangchi ly hini atiti rumramchi ai ly khai su iy, kani py, khaileaung py, pangli py, mymychi theung y awm nai bawibawichi ai sa nai keung Tameuh kangheng teng y ly amhi u ai nai kaini ly Satang Kahawi kang tym hai nai teu.

Leu Thui Nai 32:31

Nichi i paleung ka-echi ly mymychi i tameuhchi atho jy iy, Israela chengchi i Tameuh kamta sa thai naira len y, nanai pany u.

Leu Thui Nai 32:39

“Kai leaungrei naini Tameuh ne; kai naini Tameuh tatang ne. Kai ly hengra la pi veng thai, hengra py kapei thai, hawi py sa thai; kai i sa nai ai ly ami py paka pajau y leang.

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.

Leu Thui Nai 4:35

Areng naini Tameuh ne, nanai, tameuh takhra by y, nanai, hunichi hawimy nangchi ai pany hai bo.

Leu Thui Nai 4:39

Hunai deaungkho y Areng ly kani hawi khaileaung salo i Tameuh ne. Tameuh takhra by y leang, nanai py pany u jo ba.

HEBRAI 12:1

Hunaibaly angdeang nai keungchi my huna tanrei achi ai khupanym sau ana pa-rei ang taki nai deaungkho y, achi ai ateu hai yh nai ngierei hawi, amychi y abi cheng nai kamngo ly khai u veng teang sina;

I JOHAN 1:2

(huni Hengra ly amteng i, kaichi ly niu iy, pany py pany hai, naibaly huni deungtasarei Hengra Ampo teng y awm nai, kaichi teng y amteng nai ly kaichi my kang thui pi nai he;)

1 SAMUELA 2:2

Areng i chai parai nai kamta ly ami py chai y nai ne. Mymy ny y baly Tameuh takhra by y; achi i chiu nai Tameuh kamta ama hai pajau nai keung by y.