ISAIA 44:5 - Khumi Common Language Bible

⁵ “Khumichi ly leaungrei bo y leaungrei, ‘Kai ly Areng i khumi ne,’ nanai thui u ai. Nichi ly Israela chengchi hawi vanrei jeu iy awm u ai. Nichi ly khumi luteng kiubanra y Areng i amyn tajiu u iy, mymychi naimy Tameuh i khumi, nanai apalau u ai,” napi.

ISAIA 44:5 ပူးပေါင်းရင်းမြစ်များ

2 NENG SATANG 36:23

“Hini ly Pasia empara samrang Kuru i leu pei nai ne. Kani pri mang y awm nai Areng Tameuh my, kai ai khaileaung pri verei peang hai iy, Juda pri Jerusalem mary y mymy i vui Achura yhm sa ai nai kalop kai teng y au bo. Tameuh i khumichi napi nai khumi bawibawichi ly Jerusalem mary y chei u. Tameuh ly nangchi hawi vanrei awm hai sy,” napi.

NEHEMIA 9:38

Hini atitichi molam y kaichi Israela mipuichi ly adeu nai leu ai cha hawi tajiu iy kaichi i luchi, Levi theaungchi hawi pathyp pi nai keungchi my, pajawp typ nai ka-ma-ra nip u bo.

SAM 116:16

Aw Areng, kai ly nang i miseaung ne; kai i amhm sa nai kamta, kai ly nang i kalop sa pi ai. Nang ly kai ai deira i nai atleu pi bo.

THEU NAI 13:9

Areng ly sa thai naira len parai nai hawimy nangchi ai, Aikupta pri i dengdairei patheu nai deaungkho y, nangchi ly Areng i reita leu pei nai ai thui aninau ai nai pawi ly nangchi i kiu, ti y baly nangchi i lukatira y akawm nai ka-ma-ra sai sairei kamta, nangchi ai pany hai jo ai.

ISAIA 2:3

Nichi my, “Areng i mawi salo y Israela chengchi i Tameuh i Achura yhm mang y, achi lyn u sina. Mymy i kangai amtiu u sina. Mymy i vawi takhra pi nai lam y achi tako u sina,” nanai thui u ai. “Areng i reita leu ly Jerusalem mary i dengdairei py, mymy i leu ly Zion mawi salo i dengdairei py theu ai.”

JEREMIA 32:10

Kai ly pany hai nai keungchi i mo y sumneang akhai nai cha lamai nip iy, pajawp typ nai ka-ma-ra nip chum baly, tangka ly sie y neh iy pei pi nai ne.

JEREMIA 50:5

Nichi ly Zion mary mang y chei nai lam deng iy, huni mary mang y chei u tapai ai. Nichi ly kai hawi deungtasarei Leu Maikawm asa iy, huni Leu Maikawm ai mana khala py taphra u ai ny y.

MIKHA 4:2

“Tameuh i Achura yhm awm nai Areng i mawi mang y kalau u sina. Mymy ly achi ai, mymy i kangai hawi vanrei awm ai nai patiu pi ai. Mymy i lam patei nai kamta tako u ai. Mymy i reita leu ly Zion mawi i dengdairei py, Areng i leu pei nai ly Jerusalem mary i dengdairei py, ang tym nai ne,” nanai thui u.

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.

II KORINTH 8:5

huni py kaichi i athang khai y nai kamta sa u iy, Tameuh i kangai y mymychi kypkyp my Areng teng y apei u manme i, kaichi teng y py apei u nai ne;

KALATIA 6:16

Naibaly huni i reita kamta tako nai ngiereichi hawi Tameuh i Israelachi i tlang tleaung y py awmnem naira hawi pahen naira py awm sy.

KALATIA 6:17

Vai i dengdairei ly ami py kai ai khrukhra hai reng moh sy; kai i tlang tleaung y ly Isu i ka-ma-rachi ka-pu nai bo.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;