ISAIA 44:26 - Khumi Common Language Bible

²⁶ Na i py thui pi yb nai sai sairei ai kai i miseaung my sa nai khala py, kai i dawn tau naichi pany hai ai nai, amtaw thau leaung leaungrei ai kapato nai khala py, kai ly dawn pasym naichi hawi thui yb naichi, katym hai khyp nai ne. Jerusalem mary y khumichi awm u ali teang ai. Juda marychi sa palum u teang ai, nanai huni mary tleirei y, kaimy thui pi bo. Huni marychi phra naira i nai, lo-pa ali teang ai.

ISAIA 44:26 ပူးပေါင်းရင်းမြစ်များ

2 ARENG KEH 7:16

Samari khumichi ly ampreng naimy theu u iy, Suria khumichi i Tai theung i vawnsaichi la u nai ne. Naibaly Areng my leu pei nai kamta, hawi keh nai chohnei sie holai nyhrei, ti y baly chohpui chomaw choh sie apom phai palyhrei nai y tangka chang tlaurei hawi jo u bo.

2 ARENG KEH 7:18

Elisa my, “Kani pa-nyh hini neng tym baly Samari mary theung y hawi keh nai chohnei sie holai nyhrei, ti y baly chohpui chomaw choh sie apom phai palyhrei nai y, tangka chang tlaurei hawi jo u ai,” nanai samrang teng y thui pi nai khala y,

2 ARENG KEH 7:20

Elisa my thui nai kamta khyp, tavailu ly mary apai katheu pa-khora y khumichi my chiu i dei nai ne.

EZARA 2:70

Pathyp pi nai keungchi, Levi theaungchi hawi khumi phyreichi ly Jerusalem mary, ti y baly huni mary sahawi y awm u. Katyn kapau beu naichi, Achura yhm tamcheaung typ nai risachi hawi Achura yhm y kalop sa naichi ly tengpang i marychira y awm u nai ne. Huni bo i Israela chengchi ly mymychi i amsi pajochi awm reng nai marychi mang y chei iy awm u bo.

NEHEMIA 1:3

Nichi my kai teng y, dei kamthum mychi pri y tym u nai khumichi ly khri pa-rei patang naira avum nai hawi, tengpang sahawi i cheng takhrachi my tahm khai y naira avum nai satangchi py ang thui pi. Naibaly Jerusalem mary apaichi phra naimy awm jo nai py, apai katheuchi py mai my kang nai khala i dengdai vaini khrairei palum teang y rai nai satangchi py ang thui pi.

NEHEMIA 2:3

“Samrang nang ly deungtasarei heng sau na sy; kai i amsichi ai up nai mary ly phra seaungkhrang bo i, mary apaichi py mai y kang pawn nai deaungkho y, kai ly mana nai meimai kahawi awm pajau ai mo?” kanapi.

SAM 102:17

Mymy ly mymy i khai su nai khumichi i hnei takeng nai thai iy, nichi i hnei takeng nai tangai pi ai.

SAM 147:2

Areng ly Jerusalem mary ai sa palum teang iy, pri takhra y awm u nai Israela chengchi ai palau ali teang bo.

SAM 69:35

Mymy ly Zion mawi ai atleu iy, Juda marychi ai sa palum teang ai; Mymy i khumichi ly huni marychira y awm naimy pri amtym u ai.

SAM 69:36

Mymy i miseaungchi i katu chanauchi ly pri amtym u ai; mymy ai tamen nai khumichi ly huni pri y awm u ai nai nga ai.

Parip nai leu 3:3

padei ai nai neng hawi no hawi sa ai nai neng py, taphra ai nai neng hawi sa palum ai nai neng py awm.

ISAIA 40:9

Aw Jerusalem mary, mawi ka-sang y lyn iy, satang kahawi amthang hai ba! Aw Zion mawi, raawi pajeng parai naimy satang kahawi amthang hai ba! Jei moh, paleung theung y khai y naimy katheu keng ba. Juda marychi teng y nichi i Tameuh jeu ai,” nanai thui pi!

ISAIA 42:19

Kai i miseaung tleaung y mei paju nai khumi, kai i pato nai savai tleaung y kano pang nai khumi leaung leaungrei awm a?

ISAIA 42:9

Kai i thui yb nai atitichi ly vai, tym dudu bo. Vai, kai ly nang teng y atiti kangthachi ai hunichi tym y rai khala my, kang pany hai pi ai.

ISAIA 49:8

Areng ly mymy i khumichi teng y, “Nangchi ai atleu ai nai neng tym nai khala y, kai ly nangchi ai neng ka-pe pei iy, sabawm ai nai, nangchi i aeu nai raawi tangai pi ai. Kai ly nangchi ai kang kry ai. Nangchi i molam y, khumi bawibawichi hawi py, leu maikawm asa ai. Vai, anawi seaungkhrang nai nangchi i pri y, saleaung khuteng achah iy awm u ali teang ai nai kang pei ai.

ISAIA 52:9

Jerusalem mary i phra seaungkhrang nai yhm hlauchi awi! Amotheu naimy aeu u. Areng ly mymy i khumichi ai awm hai nem bo. Mymy ly Jerusalem mary ai atleu bo.

ISAIA 54:3

Nang ly amy i khujyhchi palen ai nai tla. Vai, cheng takhra khumichi awm nai pri ly nang i khumichi my nga u ali teang ai. Vai, khumi angso savai tlang nai marychi ly phuitaw na ai.

ISAIA 55:11

Kai i thui nai leuchi py, hina nai kamta tym hai ai. Huni leuchi ly kai i dawn pasym naichi angym hai ai. Kai i pataw nai kalop ngiereichi sa ai.

ISAIA 58:12

Nangchi i khumichi py, phra seaungkhrang joja nai yhm hlauchi ai langdeng kangngymchi salo y sa u teang ai. Nangchi ly phra seaungkhrang nai mary apaichi sa palai iy, anawi seaungkhrang nai yhm hlauchi hawi lamchi py, sa palai teang nai khumichi, nanai palau nai avum u ai,” napi.

ISAIA 60:10

Areng my Jerusalem mary ai, “Cheng takhra khumichi ly nang i mary apaichi sa u palai teang ai. Nichi i samrangchi py nangchi i kalop ang sa pi ai. Kai ly kado theu nai deaungkho y, nangchi ai kang pajeng nai ne. Na i py vai ly nangchi ai meimai kahawi pei iy, kang pahen ai.

ISAIA 61:4

Nichi ly phra seaungkhrang nai sai kra parai nai marychi ai sa palai iy, kangtha palum u ai.

JEREMIA 1:10

Khumi cheng cheaungkhangchi hawi pri cheaungkhangchi ai theih vui, panawi vui, taphra vui, nui phro vui, palum teang, ui teang thai nai sa thai naira, vaini nang ai kang pei bo,” napi.

JEREMIA 28:9

Na i py tlamsa naira awm ai, nanai thui akan yb nai amochi ly ni i leu thui nai tym khyp khala naini, ni ly Areng my pato angchi khyp nai amo ne, nanai palawn pajau ai,” napi.

JEREMIA 30:18

Areng my, “Kai ly kaimy i khumichi ai nang chawn hai teang iy, kapahawi ali teang ai. Jerusalem mary ai palum teang iy samrang yhm py palum teang ai.

JEREMIA 31:4

Kai ly nangchi ai kang palum ali teang ai. Nangchi ly katyn kapauchi beu iy, amo theu naimy lam u ai.

JEREMIA 32:15

Israela chengchi i Tameuh, ati cheaungkhang sa thai nai keung Areng my hini pri y yhmchi, lichi hawi kreip akhochi ai vai mo mang y ka-jo ka-van sa u bi ai, nanai leu pei bo,” napi.

JEREMIA 32:44

Khumichi ly lichi van iy ka-jo ka-van sa nai sumneang chachi ai, pany hai nai keungchi i mo y lamai nip iy pajawp typ nai ka-ma-ra nip typ ai. Nichi ly hini atitichi ai Benjamin khu hawi Jerusalem mary tengpang sahawi i avangchira py, Juda pri marychi hawi avangchira py, mawitleaung pri, mawi kheutang hawi tokalawi ngan Juda prira py, ka-jo ka-van sa u ai. Kai ly khumichi ai mychi i pri y kapahawi ali teang ai. Kai, Areng i leu pei nai ne,” napi.

JEREMIA 33:7

Kai ly Israela pri hawi Juda pri y nang chawn hai ai. Huni prichi ai jangni i kamta, kasa pi palai teang ai.

Ezekiela 36:10

Nangchi Israela cheng verei y khumi peung hai ai. Nangchi ly marychira y awm u ai i, phra seaungkhrang nai ngiereichi ai py sa palum u teang ai.

Ezekiela 38:17

Vai mo mang y kai ly Israela pri y tiu ai nai khumi leaungrei pato ai, nanai law veng nai neng khala, amochi dengdairei kaimy leu pei nai ly nang ai patyp iy thui nai ne. Huni neng khala amochi my, kai ly nang ai huni khumichi ai tiu hai ai, nanai saneng neangneang kakra thui pi bo,” napi. Hini ly sa thai naira angym nai Areng i pei nai leu ne.

DANIELA 9:12

Nang ly nangmy i leu pei nai kamta, kaichi hawi kaichi ai peang nai khumichi ai kamngo pajeng bo. Jerusalem mary ai khaileaung pri i takhra marychi tleaung y, khri pa-rei kamngo pajeng nai ne.

DANIELA 9:25

Vai, kang thui pi nai ly hawihai palai tangai ba. Jerusalem mary sa palum teang ai nai leu pei nai dengdairei, Tameuh my vawi nai miteaung keh tym nai neng ryrei, saneng vui saryh nai meingtym saryhrei awm ai. Jerusalem mary ly lamchi, khaw parai nai mary apaichi hawi sa palum teang ai. Sa palum nai saneng vui tariu saryh nyhrei nai meingtym saryhrei tym pa-rei kra ai. Na i py huni neng ly patang nai neng ne ai.

AMOS 9:14

Kai ly kaimy i khumichi ai, mychi i pri y kapahawi ali teang ai. Nichi ly phra nai marychi sa teang iy, huni marychira y awm ai nai nga u teang ai. Kreip akhochi sa iy kreip hang nei ai nai nga u ai. Akho baichi sa u iy amy i pati nai amti amjangchi ai amychi my cha ai nai nga u ai.

HAKAI 1:13

Naibaly Areng i leu pei nai thui pi nai keung Hakai ly “Areng my, kai ly nangchi hawi vanrei awm ai,” nanai leu pei nai ly khumichi teng y thui pi.

ZEKHARIAH 1:17

Kani pri amtaw thau naimy kai teng y, “Ati cheaungkhang sa thai nai Areng ly mymy i marychi bi-ai ali teang ai nanai py, mymy ly ang jeu ali teang ai i Jerusalem mary ai sabawm iy, mymy i peang nai mary pui palawn vui ai nanai py, amthang hai ba,” nanai ang thui pi bo.

ZEKHARIAH 1:6

Kai ly kaimy i amochi dengdairei, nangchi i amsi pajochi teng y leu pei naichi hawi pany hai nai leuchi kapei pi nai ne. Na i py nichi ly kai i leu ai dawndan u y nai deaungkho y, avo nai kamta pajeng naira avum u. Huna nai khala nichi ly uikheih u. Ati cheaungkhang sa thai nai kai, Areng ly kaimy i dawn yb nai kamta, nichi ai kamngo vang kamlau parip nai ne, nanai py pany u ai,” nanai nichi teng y thui pi ai nai leu pei nai ne.

ZEKHARIAH 12:6

“Naibaly kai ly Juda nupaichi ai, kangmaru mai kamta py, choh myn jawn nai hlau y kang nai mai kamta py lawm hai ai. Nichi ly mychi tengpang sahawi i awm nai khumi cheng bawibawichi ai tamyh u pawn ai. Jerusalem mary i khumichi ly mychi i mary theung y chymme naimy awm u ai.

ZEKHARIAH 2:4

Angchei i kani pri amtaw thau naimy ni teng y, “Jerusalem mary y awm u nai khumi angso hawi tawnbawichi ly khri pa-rei nawi parai nai deaungkho y, huni mary y lengseaung apai tapang pajau ai ny y, nanai suju amto syn nai deaungdi teng y angpreng iy thui pi.

MATTHAI 26:56

Na i py amochi i leu tym thai ai nai hini bawibawi ly tym nai bo he,” napi. Hunai thym khala y ly abangnaichi bawibawi ly mymy ai patlaw su i angpreng pi pawn veng.

MATTHAI 5:18

Meitang khyp kang thui pi, kani khaileaung tamo y ryrei ly Reita i leu maiden chy theung dyp nai mo, maiden chy jyn si nai mo, atiti bawibawi tym angym y ryrei ly ha py tama ai ny y.

LUKA 24:44

Naibaly mymy ly nichi teng y, “Hini ly kai i leu na a. Mosi i Reita hawi, amochi i cha-iu hawi, sam cha-iu y ly kai i satang tajiu nai ngierei tym ai nai sai, nangchi teng y kai awm nai khala kang thui pi reng ly,” napi.