ISAIA 44:25 - Khumi Common Language Bible

²⁵ Kai ly leung sarachi ai kamthu lawm hai iy, ka-si kamhi pany nai keung i thui naichi phra hai bo. Khumi kachengchi i leu ei vui iy nichi i cheng naira ly ka-khum teu, nanai pany hai bo.

ISAIA 44:25 ပူးပေါင်းရင်းမြစ်များ

2 SAMUELA 15:31

Ahithophela ly Abasalom i kamkawmra y abawi veng bo, nanai Davida thai nai khala y, “Aw Areng, Ahithophela i tau pei naichi ly ati sai py ny y nai mang y lawm hai veng ba,” nanai chiu sa bo.

2 SAMUELA 16:23

Hunai thym khala y khumichi my Ahithophela i tau pei nai ly Tameuh teng i tau pei nai palawn u. Davida hawi Abasalom nini py dawn hawi teang bo.

2 SAMUELA 17:23

Ahithophela ly my i tau pei nai tangai pi y, nanai apany baly keaungngo kano kasau tleaung y atang iy, mymy i awm nai mary y vawi bo. Ni ly my i sa ai awm nai kalopchi sa chum baly akaeu vui bo. Ni i veu ai ly amjo amnauchi i tapreaung y up nai ne.

1 ARENG KEH 22:37

Hunai deaungkho y samrang Ahab ly dei bo. Ni i veu ai ly Samari mary y syn u i hu y up nai ne.

2 NENG SATANG 18:11

Takhra amo bawibawichi my py, huna nai kamta samrang teng y thui u. Nichi my, “Ramoth mary y tiu ba. Areng ly nang ai eaung hai ai mang,” napi u.

2 NENG SATANG 18:34

Tavai atiu nai thym khala samrang Ahab ly Suria tavaimichi mang y motha naimy, mymy i ka-ri salo y ateh iy anghawi. Naibaly kani dym nai khala dei bo.

SAM 33:10

Areng ly khumi cheng cheaungkhangchi i dawn nairachi phra hai bo. Nichi i dawn tau naichi ai py, amcheang hai y ai nai paka vui nai ne.

THEU NAI 9:11

Aikupta chengchi kamta atam kakawpchi tlang tleaung py uisalu man teang nai deaungkho y, nichi ly Mosi i mo y jeu u pajau y bo.

ISAIA 19:3

Kai ly Aikupta chengchi i dawn pasym naichi phra hai iy, nichi i paleung ka-dawn py phra hai ai. Nichi ly mychi i chiu nai mynchi teng y, kasabawmra hnei u ai. Vawinam pakun kawp naichi teng y chei iy leu deng ai i, khumi kadeichi i phailochi teng y katau hnei u ai.

ISAIA 29:14

Hunai deaungkho y kai ly nichi athang khai y nai patang naira harei chum baly harei tym hai iy, nichi ai jei hyn hai ai. Khumi kachengchi ly khumi hawi y naichi lawm u be iy, nichi i tau cheng nai ngiereichi py, nichi ai ati sai py hawi hai ai ny y,” nanai leu pei bo.

JEREMIA 49:7

Ati cheaungkhang sa thai nai keung Areng ly Edom pri molam y, “Edom khumichi ly paleung ka-dawn kahawi by y na bo sai a? Nichi i khumi kachengchi py, ati mana sa ai nai avo mo, nanai tau pei pajau y na bo sai a? Nichi i cheng nairachi ly tama be veng bo a?

JEREMIA 50:36

Huni pri i tapawp nai amochi ly dei u ai; nichi ly khumi ka-khumchi ne! Huni pri i tavaimi risachi ly dei u ai. Nichi ly jei nai kaso theu u ai!

JEREMIA 51:57

Huni mary i peang nai keungchi, khumi kachengchi, lu sa naichi hawi tavaimi risachi ai pavui tapai hai ai. Nichi ly i ngym chum baly, mana khala py anglaw u ai ny y. Hini ly kai samrang i thui nai leu ne; Kai ly ati cheaungkhang sa thai nai Areng ne.

DANIELA 1:20

Samrang ly mani leu deng nai py ne sy, mani rai nai py ne sy, huni khumi leaung palyhreichi ly pri verei y awm nai leung kakawpchi, atam kakawpchi tleaung y phy horei pany kawp nai niu.

DANIELA 4:7

Hunaibaly awm nai ngierei, leung sarachi, mei amhyp sarachi, atam sarachi hawi ka-si lo kamtlau kane kawp naichi ly kai i mo y tym u nai ne. Kai ly nichi teng y kai i amang thui pi teu i py, nichi ly huni amang i awm nai sai, thui pi pachai thai y.

HOSEA 9:7

Nichi i tlang tleaung y kamngo pajeng ai nai neng ly tym bo. Huni neng tym nai khala y Israela khumichi my pany u ai! Nangchi my, “Hini amo ly kamthu. Phailo nga nai khumi ly khumi ka-khum ne,” nanai thui u bo. Nangchi ly khri pa-rei kamngo sa u nai deaungkho y, kai ai pipi niu ngai u y bo.

MIKHA 3:7

Mo mang i satang thui nai khumichi ly thui nai leu teng y nai deaungkho y, kangji nga u ai. Nichi ly Tameuh teng i thui nai leu ngo y nai y, tahm anem u ai.

ZEKHARIAH 10:2

Khumichi ly tameuh mynchi, mynchi, leung sarachi teng y deng u bo. Na i py nichi i nga nai leu ly ati sai py ny y nai, ka-chawi leuchi ne. Phyrei khumichi ly amangchi thui pachai u; na i py nichi ly nangchi ai teng y nai lam mang y naini ang pahawi reng. Nichi teng i nga nai awmnem naira py, atyhtyh teu. Hunai deaungkho y khumichi ly lam tamang nai beramchi kamta, aki aleaung u bo. Lu sa nai keung by y i, patang naira avum u nai ne.

Kati Nai 23:23

Atam kakawpchi, uimiu khawn kawp naichi i kasabawmra hawi Israela chengchi ai ami py tiu pajau y leang. Tameuh my Israela chengchi tlang tleaung y sa pi nai sai ly lyh ai hawi parai!,’’ nanai thui achi nai awm ai.