ISAIA 44:22 - Khumi Common Language Bible

²² Kai ly nangchi i kamngochi ai khupanym kamta, akheang hai pawn bo. Kai teng y jeu u ali teang; nangchi ai atleu nai keung ly kai ne.

ISAIA 44:22 ပူးပေါင်းရင်းမြစ်များ

2 SAMUELA 12:13

Davida my, “Kai ly Areng i ngai y nai kasa lawh bo,” nanai ahui baly Nathan my, “Areng ly nang i kamngo pahen bo i, deira i nai lawi hai bo.

2 NENG SATANG 6:21

Kai i chiu sa naichi py, hini meingtym mang y motha iy nang i khumichi chiu sa nai py tangai pi kyh ba. Nang i awm nai kani pri mang dengdairei, kaichi i hnei takeng naichi tangai pi iy, kaichi i kamngochi pahen pi kyh ba.

NEHEMIA 4:5

Mary apai sa nai kaichi ai nichi my mei aniu y nai sa nai deaungkho y, nichi i sa tamang naichi ai pahen pi moh kyh ba. Nichi i kamngochi tami pi veng moh kyh ba,” nanai chiu sa bo.

JOBA 37:11

Amlosadichi ly Tameuh i ngai nai kamta amki iy, khupanymchi theung i nai sadi nai ne.

SAM 103:12

Nisi kangtem ly nidym kangtem hawi palo nai kamta, mymy ly achi i kamngochi ai py, achi hawi palo hai veng bo.

SAM 109:14

Ni i amsi pajochi i hawi y sa nai saichi, Areng ly pany jo sy; ni i amhm i sa nai kamngo ai py pahen pi moh.

SAM 130:8

Mymy ly mymy i khumichi napi nai Israela ai kamngo bawibawira i nai atleu pi ai.

SAM 51:1

Aw Tameuh, nang i khaw parai nai tamen naira hawimy kai ai pahen kyh ba. Khri pa-rei pahen naira len parai nai hawimy kai i kamngochi palawi pi kyh ba!

SAM 51:9

Kai i kamngochira i nai meimai hi vui iy, kai i sa tamang nai ngiereichi ai taphra pi pyn kyh ba.

THEU NAI 18:9

Jethro ly Israela chengchi ai Aikupta chengchi kiu i nai Areng my atleu pi nai satang thai baly khri pa-rei amo theu nai ne.

ISAIA 1:18

Areng my, “Vai, nangchi i sa nai sai adawn pasym u sina. Nangchi ly kamngo thi akau naimy awm. Na i py kai ly nangchi ai ji amai kamta kaleung pa-rei paju pachai pi ai. Nangchi ly kamngo thi hawi pasen na teu i py, palopi kamta kaleung hai ai.

ISAIA 1:27

Areng ly hawi nai deaungkho y, mymy ly Jerusalem mary hawi uikheih nai khumi ngiereichi ai atleu ai.

ISAIA 31:6

Areng my, “Aw Israela chengchi awi, nangchi ly kai i tlang tleaung y kamngo sa iy, ka-awi sa u. Na i py vai, kai teng y ali u teang jau!

ISAIA 33:24

Achi i pri y awm u nai khumi bawibawichi ly noso keaungno awm, nanai mana khala py tangam u ai ny y. Kamngo awm nai ngiereichi py lawi naira nga u ai.

ISAIA 41:14

Areng my, “Israela chengchi awi, nangchi i cheng ly theang, atho di teu i py jei u moh; nangchi ai kaimy kang sabawm ai. Nangchi ai atleu nai keung kai ly Israela chengchi i chai parai nai Tameuh ne.

ISAIA 43:1

Israela chengchi awi, nangchi ai sa nai keung Areng my, “Jei u moh, nangchi ai kaimy atleu ai. Kaimy nangchi ai amyn pathi iy kang palau bo; nangchi ai kaimy peang.

ISAIA 43:25

Na i py kai ly kaimy i tahm awm nai molam y, nangchi ai kamngo pahen pi nai keung Tameuh ne.

ISAIA 48:20

Babulon pri i dengdairei theu u; tlamsa naimy tako u! “Areng ly mymy i miseaung Israela chengchi ai atleu bo! nanai satang ai amo theu parai naimy aeu u; meingtym tleirei y amthang hai u.

ISAIA 51:11

Nangmy atleu pi chum nai khumichi ly khri pa-rei amo theu naimy khulym thui iy Jerusalem mary y tym u ai. Nichi ly deungtasarei amo theu u ai i, deungtasarei paleung si vo tangam nai avum u ai ny y.

ISAIA 52:9

Jerusalem mary i phra seaungkhrang nai yhm hlauchi awi! Amotheu naimy aeu u. Areng ly mymy i khumichi ai awm hai nem bo. Mymy ly Jerusalem mary ai atleu bo.

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

JEREMIA 18:23

Na i py aw Areng, kai ai padei ai nai dawn paviu nai khumichi ai, nang ly pany nai ne. Nichi i hawi y nai sai pahen pi moh ba. Nichi ai mychi i kamngochira i nai lawi tleaung hai moh kyh ba. Nichi ai sum hai iy kado theu nai thym khala, nichi ai pasum takengkei kyh ba,” nanai takeng bo.

JEREMIA 3:1

Areng my, “Khumi leaungrei ly my i aju ai akhai vui nai khala y, huni neampachy ly ni teng i nai theu iy, takhra neampacho leaungrei hawi yhmtheaung sa bo. Huna nai khala y angchei i juvo ly my i aju kangngym ai lo ali teang ngau y. La ali teang lawh teu baly, huni pri ly khri pa-rei amso ngai naira lawm ai. Na i py Israela awi, nang ly tavawi neangneang khawn iy, vai kai teng y ali teang ai nai ngai lawh ly!

JEREMIA 33:8

Khumichi my kai i tlang tleaung y sa tamang nai kamngochi paju pachai pi ai. Nichi i kamngochi hawi nichi i tiu naichi molam y kapahen pi ai.

JEREMIA 50:20

Huni neng tym nai khala kai ly kaimy heng ai pei nai khumichi i kamngochi kapahen pi ai i, Israela pri y sa tamang nai kamngo ati sai py avum ai ny y. Juda pri y py tamang nai ati sai py niu ai ny y. Hini ly kai, Areng i thui nai leu ne,” napi.

Ezekiela 16:63

Nangmy i sa tamang nai ngiereichi ai kaimy kang pahen pi nai khala, nang ly huni tamang nairachi ai adawn vau iy, kaji nai deaungkho y labeaung malawn py ang vam y na pa-rei kangji nga ai,” napi. Hini ly sa thai naira angym nai Areng i thui nai leu ne.

MIKHA 7:18

Aw Areng, nang hawi pata ai nai tameuh takhra by y. Nang ly dei kamthum nang i khumichi my tiu nai kamngo pahen pi bo. Nang ly kado theu jojo y leang. Nang ly kaichi ai pahen.

ZEKHARIAH 1:3

Na i py vai nangchi ly kai teng y vawi u ali teang; kai py nangchi teng y kang jeu ai.

ZEKHARIAH 3:4

Kani pri amtaw thau nai ly my i nithun abang nai kani pri chochi teng y, “Hini khumi i amchiu nai chai y nai ateaungchi leng pi vui,” napi chum baly Josua teng y, “Kai ly nang i kamngo kang la pi vui iy, nang amchiu ai nai ateaung kangthachi kang pei ai,” napi.

I KORINTH 6:20

Nangchi ly nangmychi i py ny y leang, nangchi ai ly vang y ang van nai ne; hunai deaungkho y nangchi i tlang y ly Tameuh ai palo u.

Leu Thui Nai 32:43

“Cheng theaung khumichi awi, Areng i khumichi ai palo u; mymy ly mymy i khumichi ai padei nai keung ngiereichi ai ly pajeng ai. Mymy ly mymy i paleung ka-echi ai vawitheung tha ai, mymy ly mymy i khumichi i kamngo pahen pi ai,” napi.