ISAIA 44:19 - Khumi Common Language Bible

¹⁹ “Kai ly dengkeaung phyrei ai mai y tei veng bo. Mai-aichi salo y tako paawp iy mawi dang i cha bo. Dengkeaung kamlai hawi myn harei sa. Vai, kai ly huni dengkeaung beang mo y lu meung lawh bo ly!” nanai thui pajau ai nai, myn oh pangie nai keung ly pany thai naira, cheng naira by y.

ISAIA 44:19 ပူးပေါင်းရင်းမြစ်များ

1 ARENG KEH 11:5

Ni ly Sidon tameuh nu Asatare hawi, amso ngai hawi nai Ammon chengchi i tameuh Milekon ai chiu bo.

1 ARENG KEH 11:7

Moba chengchi i amso ngai nai tameuh khemosa hawi Ammon chengchi i amso ngai nai tameuh Mole ai chiu ai nai meingtym ly Jerusalem mary nisi mang i mawi saleung y sa pi.

2 ARENG KEH 23:13

Samrang Joseah ly Jerusalem mary nisi, olive mawitokalawi ngan mang y Sidon i tameuh Asatare, Moba tameuh Khemosa, Ammon tameuh Molechi ai chiu ai nai samrang Solomon my sa pi nai maichamchi py, chai nem hai y bo.

2 ARENG KEH 23:14

Samrang Joseah ly leungchengchi taphra iy, Aser tameuh nu i tamkhawnchi panawi pi pawn. Naibaly huni meingtymchi ra y khumi hiuchi kawi hai cheng bo.

THEU NAI 7:23

Samrang ly huni atitichi ai ati sai py ny y nai kamta palawn iy, mymy i yhm mang y vawi vui nai ne.

ISAIA 44:18

Hina nai khumichi ly khri pa-rei akhum nai deaungkho y, mychi ly ati sa nai mo, nanai py apany u y. Kateng niu y, pany y ai nai, mychi i mei hawi paleung katheuchi kho u typ veng bo.

ISAIA 45:20

Areng my, “Khumi cheng cheaungkhangchi awi, jeu u achu. Empara pri anawi nai bo i, dei kamthum khumi bawibawichi awi, nangchi cheng y nai khumichi awi! nangmychi i dengkeaung mynchi patei iy, atleu pajau y nai tameuhchi teng y chiu nai khumichi awi, nangmychi naimy tara amteng ai nai jeu u!

ISAIA 46:8

“Nangchi kamngo sa nai khumichi awi, hini leu pany u jo ba. Kai i sa nai kalop adawn pasym u.

ISAIA 5:13

Hunai deaungkho y nangchi ly patiu iy langheng hawi nai avum u ai. Nangchi i lu sa naichi ly kajeu kanglam y dei u ai. Khumi bawibawichi ly tui kanghai y dei u ai.

ISAIA 66:3

“Khumichi ly mychi i kangai sa u reng nai ne. Mychi i vui si tleh iy apathyp nai ly khumi ai padei iy apathyp nai hawi atawm. Beram pathyp nai hawi ui pathyp nai py vanrei ne. Amti amjang talam nai ly eu thi talam nai hawi atawm. Mui katui leng patlum iy talam nai ly myn ai chiu nai hawi atawm teang. Nichi ly amso ngai ai hawi chiu sa naichira y amo theu u lawh nai ne.

Ezekiela 40:4

Mymy ly kai teng y, “Nang khumicho awi, khen kalingie; nang ai kang thui pi nai ly hawihai tangai ly kaimy patei nai ngierei hawihai palai dawn kheng ba. Ati mana nai mo na baly kai ly nang ai hunichi patei ai nai, hini meingtym y kanghawi nai ne. Nang ly Israela chengchi teng y nangmy i niu nai saichi thui pi ai nai tla ai,” napi.

HOSEA 4:12

Nichi ly dengkeaung hawi sa nai tameuh teng y leung pataw u! thengbeang my nichi pany ai ngai nai ngierei thui pi! Nichi ly kai ai khai u su bo. Bimanu lawm nai neampachy kamta, nichi ly tameuh takhrachi mang y ahihawi u bo.

HOSEA 7:2

Kai ly nichi i sa tamang naichi kapany pi jo, nanai nichi py u y. Nichi i kamngochi ly mychi ai taki teungtareung iy, kai i mo y huni kamngochi ly amteng nai ne,” napi.

HAKAI 1:5

Ati mana mo, nanai nangchi niu y nai sai a?

Leu Thui Nai 27:15

“Lengseaung, dengkeaung, tamo hawi mynchi sa iy, hunichi ai ka-vym y chiu nai khumichi ly Tameuh teng i amsawi lawi ai. Areng ly myn chiu nai ai paso nai ne,’ nanai vaineng tauh nai khala, “Khumi bawi bawichi my ‘Amen!’ nanai pathang u sy.

Leu Thui Nai 32:46

“Nangchi teng y vaini kaimy kang pei nai hini leu saichi hawihai patawm u. Nangchi i cho chanauchi py Tameuh i leu pei nai bawibawichi ai paleung hawi verei patawm ai nai patiu pi u.