ISAIA 44:15 - Khumi Common Language Bible

¹⁵ Khumi ly dengkeaung keung phyreichi ai theng palawn iy, phyrei ai ly myn sa ai nai teaung bo. Dengkeaung phyreichi ai mai a-awm ai nai hawi, tako paawp ai nai mai paeng iy, takhra phyreichi ai ly tameuh myn sa iy chiu nai ne.

ISAIA 44:15 ပူးပေါင်းရင်းမြစ်များ

2 NENG SATANG 25:14

Amazia ly Edom chengchi ai tiu naira i vawi nai khala, huni khumichi i chiu nai mynchi syn. Samrang ly hunichi ai chiu nai, mui katuichi leng patlum nai ne.

ISAIA 2:8

Nichi i pri ly mynchi hawi kawi na i, khumichi ly mychi kiu hawi sa naichi ai chiu u bo.

ISAIA 44:10

Tameuh palawn iy chiu ai nai molam y myn sa nai ly kamran by y!

ISAIA 44:14

Ni ly mymy teaung ai nai saitleang keung paliu bo. Daichi theung i taru keung, ti y baly maicha keung vawi nai ne. Huna ny y lawh baly ngopraibiu keung ui iy keung cheang pa-rei kanitui ajeng bo.

ISAIA 44:16

Ni ly dengkeaung phyrei hawi mai paeng chum baly, mawi dang iy cha nai ne. Ni ly mai a-awm nai tarawi y, “Vai, kai ly bi-um na bo. Hini mai ly khri pa-rei paleung ka-no hawi parai na ly!” nanai thui bo.

ISAIA 44:17

Huni bo y ni ly takhra dengkeaung kamlai hawi myn harei sa i, lu meung naimy huni myn teng y, “Nang ly kai i tameuh ne; kai ai atleu kyh ba!” nanai chiu sa nai ne.

ISAIA 45:20

Areng my, “Khumi cheng cheaungkhangchi awi, jeu u achu. Empara pri anawi nai bo i, dei kamthum khumi bawibawichi awi, nangchi cheng y nai khumichi awi! nangmychi i dengkeaung mynchi patei iy, atleu pajau y nai tameuhchi teng y chiu nai khumichi awi, nangmychi naimy tara amteng ai nai jeu u!

ISAIA 46:6

Khumichi ly mychi i muku chakeuchira i mukuchi adiheu iy, mukuchi ai sie khyry hawi neh u. Naibaly tameuh myn sa ai nai muku tangka thip nai khumi alai u bo. Hunaibaly nichi ly huni tameuh ai lu meung iy chiu u nai ne!

AMTENG HAI NAI 9:20

Naibaly huni patang hai naira y padei nai kamthomchi ly vawinamchi hawi, muku mynchi hawi, tangka mynchi hawi kheupaja mynchi hawi, lengseaung mynchi hawi, dengkeaung mynchi hawi, niu py niu thai y nai, thai py thai y nai, tako py tako thai y naichi ai chiu u y ai nai, mychi i kiu y atiti sa naichi uikhei nai by y leang:

TARA CHIH NAI KEUNGCHI 2:19

Na i py nichi ly mychi ai lu sa nai keung dei nai bo y ly mangri ra y tym u teng i, angchei i kangpreangchi tleaung y hawi y keh nai leaungsaichi sa u reng nai ne. Nichi ly tameuh takhrachi ai chiu u i, mychi i kamngo lam mang y tako u tangto nai ne.