ISAIA 44:14 - Khumi Common Language Bible

¹⁴ Ni ly mymy teaung ai nai saitleang keung paliu bo. Daichi theung i taru keung, ti y baly maicha keung vawi nai ne. Huna ny y lawh baly ngopraibiu keung ui iy keung cheang pa-rei kanitui ajeng bo.

ISAIA 44:14 ပူးပေါင်းရင်းမြစ်များ

ISAIA 40:20

Muku, tangka ko y nai khumi ly rawp pajau y nai dengkeaung ngan vawi takhra reng. Ni ly khaw parai nai myn sa ai nai kupe myn oh kawp nai ai hau reng nai ne.

ISAIA 44:13

Myn oh nai keung ly pjeng pata chum baly, chakaleaung hawi myn jyn iy mymy i ateaung alangchi hawi palum bo. Ni ly chiu nai meingtymra y khai ai nai khumi myn harei sa nai ne.

ISAIA 44:15

Khumi ly dengkeaung keung phyreichi ai theng palawn iy, phyrei ai ly myn sa ai nai teaung bo. Dengkeaung phyreichi ai mai a-awm ai nai hawi, tako paawp ai nai mai paeng iy, takhra phyreichi ai ly tameuh myn sa iy chiu nai ne.

HOSEA 4:12

Nichi ly dengkeaung hawi sa nai tameuh teng y leung pataw u! thengbeang my nichi pany ai ngai nai ngierei thui pi! Nichi ly kai ai khai u su bo. Bimanu lawm nai neampachy kamta, nichi ly tameuh takhrachi mang y ahihawi u bo.

HABAKKUK 2:19

Nangchi ly taham si u! Deng keaung beang ai, “Anglaw jau” nanai py, lengseaung ai, “Angthau jau” nanai py, nangchi thui u reng nai ne. Myn ly nangchi ai ati thui pi pachai thai ai mo? Muku tangkachi hawi an paleaung nai ne i py, huni myn ly heng y leang.