ISAIA 44:12 - Khumi Common Language Bible

¹² Tamo thip nai keung ly tamo la iy, mai y paawp; naibaly my i ham parai nai kiu pheu iy, chaki hawi tamo ai my i kangai thip nai ne. Ni ly kalop sa akawm iy kajeu alam, tui ahai nai khumi ne.

ISAIA 44:12 ပူးပေါင်းရင်းမြစ်များ

THEU NAI 32:4

Aron my muku kanochi ai patlawn iy muku hawi si cho myn sa bo. Naibaly khumi mipuichi my, “Israelachi awi, hini tameuh ly achi ai Aikupta pri i dengdairei pahawi nai keung, achi i tameuh ne he!” napi.

THEU NAI 32:8

Nichi ly kai i reita lam i nai hi u vui bo; muku hawi si cho myn sa iy huni myn y apathyp i, chiu u bo. Huni tameuh ly nichi ai Aikupta pri i dengdairei pahawi nai tameuh ne, nanai aeu u sau na bo,” napi.

ISAIA 40:19

Mymy ly kupe kakawpchi my patlawn iy pa-thengchi my muku hawi paleaung nai, tangka hawi langdeng khaw hai nai myn hawi atawm y.

ISAIA 40:20

Muku, tangka ko y nai khumi ly rawp pajau y nai dengkeaung ngan vawi takhra reng. Ni ly khaw parai nai myn sa ai nai kupe myn oh kawp nai ai hau reng nai ne.

HABAKKUK 2:13

Nangchi my tiu iy eaung nai khumichi ly atyhtyh naimy kalop sa iy, atho bai u. Nichi my sa nai yhm hlau ngireichi ly mai my kang pawn bo. Hini ly ati cheaungkhang sa thai nai Areng my sa nai ne.

HABAKKUK 2:18

Mynchi ly atira y teaung ai mo? Hunichi ly khumichi my sa nai teu i, katapawpra ny y baly ati sai py katheu thai y. Amy i sa naira ai ym nai ly ati kamran nga ai mo? Huni ly leu katheu thai y nai tameuh ne na a!

ZEKHARIAH 1:20

Naibaly Areng ly kai ai, sakichi syn iy kalop sa nai khumi leaung palyhreichi ai patei.

Leu Thui Nai 4:28

Huna nai khala nangchi ly khumi i kiu hawi sa iy, mei niu y nai, kano thai y nai, cho thai y nai, mui py thai y nai dengkeaung tameuh, lengseaung tameuhchi ai chiu u ai.