ISAIA 43:6 - Khumi Common Language Bible

⁶ Nichi theu u ai nai tosyh mang py, nichi ai paka y ai nai tokalawi mang py, kaimy thuipi ai. Khaileaung pri meingtym tleirei y awm nai pri kamlora i, kai i khumichi vawi u ali teang ai.

ISAIA 43:6 ပူးပေါင်းရင်းမြစ်များ

SAM 107:3

pri takhra i dengdairei palau teang naira avum nai khumichi ly palo u sy.

ISAIA 11:12

Mymy ly amprei phro nai Israela khumichi ai py, ahei phro nai Juda khumichi ai khaileaung taki palyh dengdairei kachu ali teang nai ai py, pany hai ai nai Areng my patei nai tamkhawn theaung ai.

ISAIA 18:7

Tavochi kangpreira y awm nai huni pri i dengdairei py, kho-ban atho len nai huni khumi chengchi teng i dengdairei py, mo-cha hawi jeng asang nai huni pri khumichi teng i dengdairei py, khaileaung pri vereichi my jei hyn nai khumi teng i dengdairei py, kapathyprachi ai, ati cheaungkhang sa thai nai keung Areng my kawn pi nai neng kani tym ai. Huni khumichi ly ati cheaungkhang sa thai nai keung Areng ai chiu ai nai Zion mawi y jeu u ai.

ISAIA 27:13

Huni neng kani tym nai khala y Asuria pri hawi Aikupta pri y pri pala nai avum nai Israela cheng bawibawichi ai palau nai baw eng ai. Nichi py Jerusalem mary y awm nai, mymy i mawi kachai salo y Areng teng jeu iy chiu ai.

ISAIA 45:22

“Khaileaung pri verei i khumi bawibawichi awi, Kai teng y jeu u ly atleu naira ngo u! Harei awm khyh nai Tameuh ly kai ne.

ISAIA 49:12

Kai i khumichi ly kamlo paraira i nai py, tosyh hawi nidym mang i nai py, tokalawi mang y awm nai Asavanpri i nai py, ang jeu u ai,” napi.

ISAIA 49:22

Areng Tameuh my mymy i khumichi teng y, “Kai ly khumi cheng cheaungkhangchi ai ka-ma-ra patei nai khala y, nichi ly nang i cho chanauchi ai ang hawi u ai.

ISAIA 54:3

Nang ly amy i khujyhchi palen ai nai tla. Vai, cheng takhra khumichi awm nai pri ly nang i khumichi my nga u ali teang ai. Vai, khumi angso savai tlang nai marychi ly phuitaw na ai.

ISAIA 60:4

Nang i tengpang y ati mana awm mo, nanai khen cham; Nang i khumichi ly mychi i pri y vawi teang ai nai akachu u bo! Nang i chapochi ly kamlo i nai ang jeu u ai. Nang i chaniuchi ai tapawm naimy ang jeu u ai.

ISAIA 60:9

Huni samphochi ly pri kamlo mang i dengdairei, Tameuh i khumichi ai, mychi pri mang y tang nai samphochi ne. Hunichi ly Israela chengchi i chai parai nai Tameuh ai palo ai nai muku hawi tangkachi syn u. Mymy ly mymy i khumichi ai tahm pasang nai ne.

ISAIA 66:20

Nichi ly khumi cheng cheaungkhangchi teng i nai nangchi i chengchi ai Areng i vui langseaung kamta, hawi ali teang ai. Israela chengchi ly thengthai khulawnchi ai reita kamta, laawm kachaichira y khai iy Achura yhm mang y syn u nai kamta huni khumichi ly huni langseaungchi ai keaungngo, keaungngo kano kasau, Kula-iuchi, keaungngo ka-ri hawi si ka-richi tleaung y tang iy, Jerusalem mary i chai parai nai mawi salo y syn u ai.

JEREMIA 23:8

Nichi ly huna nai tleaung y kai ai ly Israela khumichi ai tosyh pri mang i dengdairei py, nichi ai ahei hai nai pri takhrachira i nai py, pahawi ali teang nai Tameuh kangheng palawn iy vaineng abeu u ai. Naibaly nichi ly mychi i saleaung khutengra y awm ai nai nga u ai,” napi.

JEREMIA 29:14

Nangchi ly kai ai avum angchi khyp ai i, kai py nangchi ai nangmychi i pri y kang pahawi ali teang ai. Kai ly nangchi ai ahei hai nai pri neangneangchira i nai pangym ali teang ai. Hunaibaly nangchi ai langheng y hawi ai nai patiu nai pri y, kang pahawi ali teang ai. Hini ly kai Areng i thui nai leu ne,’ napi.

JEREMIA 3:14

“Ka-ym by y nai khumichi awi, jeu u ali teang jau; kai ly nang i juvo ne. Nangchi ai mary harei y leaungrei, nupai harei y leaung nyhrei vawi takhra iy, Zion mawi mang y kang pahawi ali teang ai.

JEREMIA 31:8

Kai ly huni khumichi ai tosyh mang dengdairei kapahawi ai. Nichi ai khaileaung katem i nai kapahawi ai. Nichi hawi vanrei mei kamjuchi hawi, kheu kambaichi py, neampachy jeubomchi hawi tapen enten nai neampachychi py abang u ryp ai. Nichi ly cheng kalenchi kamta ang vawi u ai.

Ezekiela 36:24

Kai ly nangchi ai pri tlei tleirei i nai pangym achu iy, nangmychi i saleaung khutengra y pahawi ali teang ai.

Ezekiela 37:21

Hunaibaly sa thai naira angym nai kai Areng ly Israela chengchi ai, nichi tym nai khumi cheng cheaungkhangchi theung i nai pangym achu chum baly, mymychi i saleaung khuteng pri y kapahawi ai, nanai nichi teng y thui pi.

JOELA 3:7

Nichi ai nangchi my jo nai meingtym i dengdairei, kaimy kapahawi ali teang ai. Nichi i tlang tleaung y nangchi my sa nai kamta, nangchi ai vai, kaimy sa teang ai.

ZEKHARIAH 6:6

Keaungngo kamnumchi my ryh nai keaungngo ka-ri ly tosyh Babulon pri mang y, keaungngo kangleungchi my ryh nai keaungngo ka-ri ly nidym mang y, keaungngo kariurachi my ryh nai keaungngo ka-ri ly tokalawi mang y chei u nai ne.

Leu Thui Nai 30:4

Nangchi ly khaileaung pri meingtym tleirei y ahei akyhkyh teu i py, nangchi i Areng Tameuh my pangym achu iy,