ISAIA 43:5 - Khumi Common Language Bible

⁵ Jei u moh, kai ly nangchi hawi vanrei awm! Kamlo parai nai nisi hawi nidym mang, kangtem keh meingtym dengdairei, nangchi ai nangmychi pri y, kaimy kang hawi ai.

ISAIA 43:5 ပူးပေါင်းရင်းမြစ်များ

SAM 106:47

Aw kai i Areng Tameuh, kai ai atleu kyh ba; nang i amyn kachai ai palo u pajau ai nai py, nang teng y kawn nai leu thui u pajau ai nai py, kaichi ai khumi cheng cheaungkhangchi theung i dengdairei, palau teang kyh ba.

SAM 107:3

pri takhra i dengdairei palau teang naira avum nai khumichi ly palo u sy.

ISAIA 41:10

Jei u moh, kai ly nangchi hawi vanrei awm! Kai ly nangchi i Tameuh ne; ati mo ra py nangchi ai jei hyn hai ai ny y! Kai ly nangchi ai khaw hai iy sabawm ai. Nangchi ai ama hai iy atleu ai.

ISAIA 41:14

Areng my, “Israela chengchi awi, nangchi i cheng ly theang, atho di teu i py jei u moh; nangchi ai kaimy kang sabawm ai. Nangchi ai atleu nai keung kai ly Israela chengchi i chai parai nai Tameuh ne.

ISAIA 41:8

“Na i py kai i miseaung Israela chengchi awi, kaimy vawi takhra nai nangchi ly kai i ahawi Abraham i katu chanauchi ne.

ISAIA 41:9

Kai ly nangchi ai khaileaung khuteng taki i dengdairei kang pahawi bo. Khaileaung katem i dengdairei palau nai, nangchi ly kai i miseaungchi ne. Kai ly nangchi ai nyn va ai nai tleaung y ly kang vawi takhra nai ne.

ISAIA 43:1

Israela chengchi awi, nangchi ai sa nai keung Areng my, “Jei u moh, nangchi ai kaimy atleu ai. Kaimy nangchi ai amyn pathi iy kang palau bo; nangchi ai kaimy peang.

ISAIA 43:2

Nangchi ly tui thiu mang y tapai nai khala y, kai ly nangchi hawi vanrei awm ai. Ngari kamtangchi ly nangchi ai khiu ai ny y. Nangchi ly mai theung y aleaung nai khala y, mai my kang ai ny y. Khri pa-rei cham nairachi ly nangchi ai no patang nairachi tym hai ai ny y.

ISAIA 44:2

Kai ly nangchi ai sa nai keung Areng ne. Nangchi tapen khyp khala i dengdairei, nangchi ai kang sabawm bo. Jei u moh, nangchi ly kai i miseaung, kai my kang tamen iy, vawi takhra nai khumichi ne.

ISAIA 49:12

Kai i khumichi ly kamlo paraira i nai py, tosyh hawi nidym mang i nai py, tokalawi mang y awm nai Asavanpri i nai py, ang jeu u ai,” napi.

ISAIA 49:18

Nang i tengpang y ati mana lawh mo, nanai khen prei cham! Nang i chengchi ly akachu u iy, mychi i pri mang y vawi u dudu bo! Kai ly Tameuh kangheng ne nai deaungkho y, nang ly amia lengseaungchi amthyp iy deaung vawi nai anglo kamta, my i chengchi molam y amlyh ai.

ISAIA 54:3

Nang ly amy i khujyhchi palen ai nai tla. Vai, cheng takhra khumichi awm nai pri ly nang i khumichi my nga u ali teang ai. Vai, khumi angso savai tlang nai marychi ly phuitaw na ai.

ISAIA 54:7

“Kai ly nangchi ai tanareichy kang khai su teu i py, tamen naira len parai nai hawimy, kang la ali teang ai.

ISAIA 61:9

Nichi ly khumi cheng cheaungkhangchi theung y amyn amthang u ai. Nichi ly kai i amtheaung naira nga nai khumichi ne, nanai nichi ai niu nai khumi lutengchi my pany u ai,” napi.

ISAIA 8:10

Nangchi sa ai naichi dawn pasym u! Na i py huni pasym yb naichi ly mana khala py eaung ai ny y. Nangchi thui ai ngai nai leuchi thui u. Na i py hunichi ly ati sai py ny y ai. Ati mana nai mo nabaly Tameuh ly kaichi hawi vanrei awm nai deaungkho y ne.

JEREMIA 23:7

Areng my, “Khumichi my kai ai ly Israela khumichi ai Aikupta pri i dengdairei pahawi nai keung Tameuh kangheng ne, nanai mana khala py vaineng abeu u y nai neng tym ai.

JEREMIA 23:8

Nichi ly huna nai tleaung y kai ai ly Israela khumichi ai tosyh pri mang i dengdairei py, nichi ai ahei hai nai pri takhrachira i nai py, pahawi ali teang nai Tameuh kangheng palawn iy vaineng abeu u ai. Naibaly nichi ly mychi i saleaung khutengra y awm ai nai nga u ai,” napi.

JEREMIA 29:14

Nangchi ly kai ai avum angchi khyp ai i, kai py nangchi ai nangmychi i pri y kang pahawi ali teang ai. Kai ly nangchi ai ahei hai nai pri neangneangchira i nai pangym ali teang ai. Hunaibaly nangchi ai langheng y hawi ai nai patiu nai pri y, kang pahawi ali teang ai. Hini ly kai Areng i thui nai leu ne,’ napi.

JEREMIA 3:18

Israela ly Juda hawi amkawm iy khumichi hawi vanrei, nangchi i amsi pajochi teng y kaimy pei nai pri y, tosyh mang dengdairei ang jeu u ai,” nanai thui hai bo.

JEREMIA 42:11

Babulon samrang ai jei u moh jau. Kai ly nangchi hawi vanrei awm bo i, nangchi ai ni i kiu i nai atleu ai.

JEREMIA 51:46

Nangchi thai u nai satang kamthangchi deaungkho y jei u moh ly, paleung phra u moh. Saneng tlei tleirei satang takhra takhra amthang reng. Pri theung y khrukhra nai satangchi, samrang leaungrei hawi leaungrei tavai atiu nai satangchi amtang reng nai ne.

JOELA 3:7

Nichi ai nangchi my jo nai meingtym i dengdairei, kaimy kapahawi ali teang ai. Nichi i tlang tleaung y nangchi my sa nai kamta, nangchi ai vai, kaimy sa teang ai.

MIKHA 2:12

“Kai ly nangchi theung y awm rai nai Israela cheng bawibawichi ai pangym ai. Hai theung y vawi ali teang nai beram kamta, nangchi ai kapangym ai. Sui tlai naira y beram neangneang angym iy, teicha tlai nai kamta, nangchi i pri y khumi neangneang awm u teang ai,” nanai pathang pi teang bo.

ZEKHARIAH 8:7

Kai ly kaimy i khumichi teng y, nichi tym naira tleirei y atleu i,

LUKA 13:29

Naibaly tosyh tokalawi, ni dym ni si mang i dengdairei ang jeu ai i, Tameuh i peang naira y ateh u ai.

JOHAN 10:16

Naibaly hini hai theung i ny y naimy, kai i beram takhrachi py awm rai; nichi ai py kaimy pahawi ai nai tla, kai i raawi py nichi thai u ai; hunaibaly kamkawm harei hawi typ nai keung leaungrei py awm ai.

Leu Thui Nai 30:3

nangchi i Areng Tameuh ly nangchi ai ang pahen ai. Huni bo y mymy ly pri tleirei y ahei nai nangchi ai ang pahawi ali teang ai, naibaly mymy ly nangchi ai amtheaung hai ali teang ai.