ISAIA 43:3 - Khumi Common Language Bible

³ Ati mana nai mo nabaly, kai ly Israela chengchi i chai parai nai Tameuh, nangchi ai atleu nai keung, nangchi i Areng Tameuh ne nai deaungkho y ne. Kai ly nangchi miseaungra i nai alaw naira nga u ai nai Aikupta pri khai su ai. Ethiopia pri hawi Seba pri ai, kaimy khai su ai.

ISAIA 43:3 ပူးပေါင်းရင်းမြစ်များ

ATITI AWM ANGCHEI NAI 10:7

kusha i kangpreangchi ly Seba khumi, Havila khumi, Sabta khumi, Raama khumi hawi Sabteka khumichi ne. Raama i kangpreangchi ly Seba, Dedan i khumichi ne.

SAM 72:10

Spain pri hawi tlawnchira i samrangchi ly kahm pei u ai; Arabia pri hawi Ethiopia pri i samrangchi ly langseaungchi syn u ai.

THEU NAI 10:7

Samrang i bangtangchi my samrang teng y, “Hini khumi ly achi ai patang hai veangveang ai bo a? Israela chengchi ly nichi i Areng Tameuh teng y chiu ai nai chei u sy. Nang i Aikupta pri phra nai pany y nai sai a?” nanai takeng u bo.

THEU NAI 20:2

“Kai ly nangchi ai miseaung achei nai, Aikupta pri i dengdairei pahawi nai keung nangchi i Areng Tameuh ne.

LEU KACHENG 11:8

Khumi meitangchi ly patang naira avum y ai; khumi hawi y naichi ly patang naira avum u nai ne.

LEU KACHENG 21:18

Khumi hawi y naichi ly khumi kahawichi i tlang tleaung y patang naira tym hai ai nai sa nai ngierei ly mychi teng y tym hai ali teang reng nai ne.

ISAIA 19:20

Hunichi ly Aikupta pri y ati cheaungkhang sa thai nai keung Areng awm, nanai pany hai nai ka-ma-rachi lawm ai. Khumi mipuichi ly ana nai avum iy, Areng teng y kasabawmra nga ai nai aeu u nai khala y, mymy ly nichi ai atleu ai nai khumi leaungrei pato pi ai.

ISAIA 20:3

Asadod mary anawi nai khala y Areng my, “Kai i miseaung Isaia ly phainai amchiu y, tlang ka-keu naimy saneng thomrei chei kathiu chei kalau nai ly Aikupta pri hawi Ethiopia prichi avum ai nai leaungsai ka-ma-ra ne.

ISAIA 30:11

Kaichi lam i nai aheng u; kaichi i lam paka u moh. Nangchi my chiu iy Israela chengchi i chai parai nai Tameuh satang, kaichi thai ai nai ngai y,” nanai thui u bo.

ISAIA 41:14

Areng my, “Israela chengchi awi, nangchi i cheng ly theang, atho di teu i py jei u moh; nangchi ai kaimy kang sabawm ai. Nangchi ai atleu nai keung kai ly Israela chengchi i chai parai nai Tameuh ne.

ISAIA 42:8

“Kai leaungrei naini, nang i Areng Tameuh ne. Kai i nang parai nai ai ly mani tameuh py amtym ai ny y. Kai ly kaimy ai mynchi hawi vanrei palo ai nai py, kapei ai ny y.

ISAIA 43:11

“Kai leaungrei naini Areng ne. Kai leaungrei naini nangchi ai atleu pajau khyh.

ISAIA 45:14

Areng my Israela chengchi teng y leu pei nai ly “Aikupta pri hawi Ethiopia pri i yhmtheaung katuichi ly nangchi nga u ai. Seba pri i khumi len ka-sangchi ly nangchi teng y miseaung achei u ai. Nichi ly sengkry hawi pakheng naimy, nangchi nithun abang u ai. Nichi ly nangchi i mo y lu meung naimy, hina nai thui pi u ai; ‘Tameuh ly nangchi hawi vanrei awm bo; mymy leaungrei naini Tameuh ne.

ISAIA 45:15

Mymy i khumichi ai atleu pi nai, Israela chengchi i Tameuh ly khumi i mei hawi niu pajau y nai Tameuh ne.

ISAIA 45:21

Jeu ly nangchi i ka-jo ka-thui ai jeung y tym hai u. Tara amteng naichi ly mychi tengtawi, leaung leaungrei arum u. Tym ai nai atitichi ai ami my jangni khala y thui pi yb lawh mo? Kaimy i khumichi ai atleu nai Tameuh, kai Areng my kang thui pi yb nai ny y lawh sai a? Kai ny y baly tameuh takhra by y.

ISAIA 49:26

Kai ly nang ai pahyp y naimy ana nai khumichi ai, mychi tengtawi atleh hai iy, kasa them hai ai. Huna nai khala kai ly nangchi ai atleu nai keung Areng ne, nanai khumi bawibawichi my pany u ai. Kai ly Israela chengchi i sa thai naira awm nai keung Tameuh ne, nanai nichi pany u ai,” napi.

ISAIA 60:16

Amhm ly chanau ai kanu panei nai kamta, khumi cheng cheaungkhangchi i samrangchi ly nang ai ang kry u ai. Kai, Areng ly nang ai atleu bo, nanai py, Israela chengchi i ati cheaungkhang sa thai nai Tameuh ly nang ai miseaungra i nai alaw hai bo, nanai py, nang ly pany ai.

ISAIA 63:8

Areng my, “Nichi ly kai i khumichi ne nai deaungkho y, kai ai li-tapawp u ai ny y,” napi. Naibaly mymy ly nichi i avum nai ngari kamtang cheaungkhangra i nai atleu pi ai.

JEREMIA 14:8

Nang naini Israela chengchi i vui athang khai naira ne. Kaichi ka-jeira avum nai khala y, atleu pi nai keung ne. Ati mana nai y nang ly kaichi i pri angvyn kamta, dymreichy jei khyh nai khuleaung angvyn amlawn lawh mo?

JEREMIA 16:21

Areng my, “Huna nai tym lawh baly kai ly kaimy i phum-ang nang parai nai ai, nichi teng y kapei ai, pany hai bebe ai. Kai ly Areng ne, nanai nichi pany u ai,” napi.

Ezekiela 39:7

Kai ly kaimy i amyn kachai ai kai i khumi Israela chengchi pany u ai nai kasa ai. Nichi ly huni amyn kachai ai thui tamawn ai nai tlo y. Huna nai khala kai, Areng ly Israela chengchi i chai parai nai Tameuh ne, nanai khumi cheng cheaungkhangchi my pany u ai,” napi.

HOSEA 13:4

Areng my, “Kai ly nangchi ai Aikupta pri dengdairei pahawi nai, nangchi i Areng Tameuh ne. Nangchi ly kai ny y baly Tameuh takhra by y, kai leaungrei naini nangchi i atleu keung ne.

Levi 11:44

Kai ly nangchi i Areng Tameuh ne; kai ly kachai ne i, nangchi py chai ai nai tla.

AMOS 9:7

Areng my, “Aw Israela khumichi awi, kai ly nangchi ai Ethiopia khumichi tleaung y aly len nai kang palawn bo. Kai ly nangchi ai Aikupta pri i dengdairei kang pahawi nai kamta, Philistia khumichi ai Karete tlawn i dengdairei py, Suria khumichi ai Kira pri i dengdairei py, kang pahawi nai ne.

ZEKHARIAH 9:9

Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

JUDA 1:25

Isu Krista achi i Areng deaungkho y neng den py by y rai khala y py, vai py deungtasa khrarei py palo naira hawi, nang parai naira hawi, peang naira hawi, sa thai naira py awm sy. Amen.