ISAIA 43:28 - Khumi Common Language Bible

²⁸ Nangchi i samrangchi ly kai i Achura yhm y chai hai ynai ne. Hunai deaungkho y kai ly Israela pri ai phra hai iy, kai i khumichi ai kangji nga hai bo,” napi.

ISAIA 43:28 ပူးပေါင်းရင်းမြစ်များ

2 SAMUELA 1:21

“Kilabo mawichira y kani nai moh, kadam py tlo moh sy; huni mawichira i li, hlauchi ly deungrei amti amjang thawn moh sy! Ati mana nai mo nabaly, huni meingtym ly tavaimi soraichi i khopuichi taham si iy, Sawla i khupui ei cha naimy awm nai deaungkho y ne.

1 NENG SATANG 24:5

Eleaza hawi Ithama nini i kangpreangchi theung y, Achura yhm miteaung kehchi hawi phailo i vui lu sa naichi abawi nai deaungkho y, kalop phy pi naira y tambe va iy pasym pi ai tla nai ne.

2 NENG SATANG 36:17

Hunai deaungkho y Areng ly Babulon samrang ai tiu hai nai ne. Huni samrang ly Juda thawndeang deaungdichi ai Achura yhm theung y tleh bo. Tameuh my miteaung deaungdi, neampacho neampachy, no naichi, no y naichi ai pahen y naimy, Babulon samrang i kiu y au nai ne.

SAM 79:4

Tengpang sahawi y awm nai prichi my ly panui hai iy thui preaung u nai ne.

SAM 89:39

Nang i miseaung hawi asa nai Leu Maikawm ly taphra vui bo; ni i samrang lukhym py, khaileaung y pala vui bo.

ISAIA 24:6

Hunai deaungkho y Tameuh ly khaileaung y vaineng lawi hai bo. Khaileaung i khumi bawibawichi py, mychi i sa tamang nai kamngo vang amtym u bo. Dei kamthumchi py di tleaung dira nai ne.

ISAIA 34:5

Areng ly kani pri mang y haisau pa yb iy, taphra ai nai angchi yb nai Edom khumichi tlang tleaung y tym hai ai.

ISAIA 47:6

Kai ly kaimy i khumichi ai kado theu hai nai deaungkho y, kai i khumichi ny y nai kamta kapalawn nai ne. Nang i sa thai naira anui y khai bo. Na i py nang ly huni khumichi tlang tleaung y, pahen nai paleung khai y; miteaung kehchi ai malawn py, pahyp y nai ana u nai ne.

ISAIA 65:15

Kai i vawi takhra nai khumichi ly nangchi i amyn ai, amsawira y teaung u ai. Kai, Areng my py nangchi ai kang padei ai. Na i py kai i leu tangai nai khumichi ai, kai ly amyn kangtha pei ai.

JEREMIA 24:9

Kai ly khaileaung pri y awm nai khumi cheng cheaungkhangchi kaso tahyn theu na pa-rei ka-jei awm parai nai, nichi i tlang tleaung y tym hai ai. Nichi i satang ai ly amnui tabu lawm hai ai. Nichi ai ahei hai nai meingtym ngiereichira y py, nichi i amyn y teaung iy, pasawi patau u ai.

JEREMIA 52:27

samrang ly Hamath khu ka-peang Riblah mary y, nichi ai khyh pakhau iy padei hai bo. Hunai deaungkho y Juda khumichi ai ly langheng y palawn iy mymychi pri i nai hawi vui nai ne.

TANGAM NAI LEU 2:2

Areng ly pahen y naimy Juda avang bawibawichi ai taphra pawn iy, Juda pri ai khaw hai nai amtangrachi py, panawi seaungkhrang vui bo. Mymy ly hu y peang nai keungchi hawi, pri ai py tahm anem hai vui bo.

TANGAM NAI LEU 4:20

Nichi ly Areng my vawi takhra nai samrang, achi ai hengra pei nai keung, paleung ka-e bawibawichi kiu tleaung i, ama hai ai nai kaichi i ym nai keung ai patiu u vui bo.

Ezekiela 5:15

“Kai ly nang i tlang tleaung y khri pa-rei kado theu hai iy, no-ei pa-rei kang pajeng nai khala, tengpang sahawi i khumi cheng cheaungkhangchi ly jei athengra naimy, nang i amso ngai nai niu iy ang panui hai ai.

DANIELA 9:11

Israela cheng verei malawn py nang i reitachi ai tangai y i, leu pei naichi khai u su bo. Kaichi ly nang i tlang tleaung y kamngo sa u nai ne i, nang i miseaung Mosi i reita theung y tajiu nai vainengchi ly kaichi teng y lawi hai bo.

DANIELA 9:12

Nang ly nangmy i leu pei nai kamta, kaichi hawi kaichi ai peang nai khumichi ai kamngo pajeng bo. Jerusalem mary ai khaileaung pri i takhra marychi tleaung y, khri pa-rei kamngo pajeng nai ne.

DANIELA 9:14

Kaichi i Areng Tameuh awi, nang ly kaichi ai pajeng ai nai angveirym nai kamta pajeng ba. Ati mana nai mo na baly nang ly kahawi sa jojo nai ne teu i py, kaichi ly nang i leu tangai u y nai deaungkho y ne.

ZEKHARIAH 5:3

Naibaly kani pri amtaw thau naimy kai teng y, “Pri vereira y amki ai nai amsawi leu ly huni cha aeangra y tajiu nai ne. Cha aeang pheirei mang y ly kangviu khumi ngiereichi ly hini pri i dengdairei, paheng vui naira avum u ai nanai py, takhra pheirei mang y ly vaineng abeu atyhtyh iy ka-chawi thui nai khumi bawibawichi ly tamyh pawn naira avum u ai nanai py, tajiu nai ne.

ZEKHARIAH 8:13

Aw Juda hawi Israela khumichi awi! Jangni y cheng takhra khumichi ly mychi tengtawi apasawi apatau u nai khala y, ‘Nangchi ly Juda hawi Israela chengchi tlang tleaung y tym nai ka-jeirachi kamta, nangchi i tlang tleaung y tym teang sy!’ nanai thui u reng nai ne. Na i py kai ly nangchi ai atleu ai i, huni cheng takhra khumichi ly mychi tengtawi, ‘Nangchi ly Juda hawi Israela chengchi teng y tym nai amtheaung nairachi kamta, nangchi py ngo u teang sy!’ nanai thui u ai. Hunai deaungkho y sorai paleung awm u; jei u moh,” napi.

I THESALONIKA 2:16

Cheng Takhrachi ly hengra nga u thai ai nai nichi teng y leu thui ai nai ang paka lawh veng; huni ly mymychi i kamngo ne naira kawi hai jojo ai nai chy bo; na i py kado theu naira ly angym pa-rei mymychi i tlang tleaung y tym bo.