ISAIA 43:27 - Khumi Common Language Bible

²⁷ Nangchi i jangni i amsi pajoly kamngo sa nai ne. Nangchi i lu sa naichi my kai i tlang tleaung y kamngo sa bo.

ISAIA 43:27 ပူးပေါင်းရင်းမြစ်များ

SAM 78:8

Nichi ly Tameuh i leu tangai y nai hawi, atiu reng nai amsi pajochi kamta lawn u y ai; huni amsi pajochi ly mana khala py, Tameuh ai ym khaw kalingie nai by y; mymy i tlang tleaung y py ka-ym by y jojo.

ISAIA 24:20

Khaileaung ly ali kamchai chawm nai tai kamta py, nei cha ala nai khumi kamta py, atlym khikha ai. Khaileaung pri ly kamngo mynji my tei nai deaungkho y, anawi vui ai; ang thau ali teang pajau ai ny y.

ISAIA 28:7

Amochi hawi pathyp pi nai keungchi malawn py nei cha ala nai deaungkho y atlym u khikha nai ne. Nichi ly kreip hang hawi mhm-rah nei ala nai deaungkho y, tapai taveang iy atlym u bo. Amochi ly pavui jojo nai deaungkho y, Tameuh my amteng hai naichira i awm nai sai pany thai u y. Pathyp pi nai keungchi py, mychi teng y tym nai atitichi ai tara chih pi thai y nai ne.

ISAIA 29:10

Areng ly nangchi ai rai y naimy i hai vui ai. Amochi ly khumichi i mei lawm ai nai avo teu i py, Tameuh ly nichi i mei tamym pi vui bo.

ISAIA 3:12

Tangka paseng nai khumichi ly kai i khumichi ai ana u bo. Paisa tangka ko nai khumichi my, nichi ai li-tapawp u bo. Kai i khumichi awi, nangchi ai lu sa naichi ly nangchi ai lam kateng patei y nai deaungkho y, nangchi ly mani lam mang y tako ai mo, nanai malawn py, pany u pajau y nai ne.

ISAIA 50:1

Areng my, “Aju akhai vui nai neampacho kamta kai ly kaimy i khumichi ai kapatheu pawn bo, nanai nangchi athang khai u a? Huna nai akhai lawh baly, akhai nai chachi ly ma mang y awm mo? Amy i cho chanauchi ai miseaung y jo vui nai kamta, kai ly nangchi ai langheng palawn iy jo vui bo, nanai nangchi athang khai u a? Nangchi ai patiu iy hawi pawn nai avum u nai ly nangmychi i kamngolai ne. Nangchi ly nangmychi hawi y sa nai molam y ang patheu nai ne.

ISAIA 51:2

Nangchi i amsi sangum Abraham hawi Sarah nini i satang dawn pany jo ba. Abraham ai kaimy palau nai thym khala y, ni ly cho chanau by y. Na i py kai ly ni ai cho chanau amtheaung hai iy, ni i kangpreangchi peung hai nai ne.

ISAIA 58:1

Areng my, “Baw katyn pajeng thai ryrei eng nai kamta aeu! Kai i khumichi teng y mychi i kamngo nai sai thui pi!

ISAIA 9:15

Lu, napi nai ly saneng kanaing len iy tahm awm nai khumichi ne; kalawi, napi nai ly ka-chawi thui reng nai amochi ne.

JEREMIA 3:25

kaichi ly kangjira y jawn tlawntlai nai y, tahm anem ai nai avo. Kaichi ly deaungdichy khala i ka-so vaini khrairei, kaichi hawi amsi pajochi ly achi i Areng Tameuh i tlang tleaung y kamngo kasa u. Mymy i leu py tangai u y bo,” napi.

JEREMIA 5:31

amochi ly leu kateng thui u y; pathyp pi nai keungchi ly amo my leu pei nai kamta peang u bo. Kai i khumichi my py hina nai sa naichi ai ei u y. Na i py nichi ly kangkhym kani y ati sa u ai mo?”

JEREMIA 8:8

Kai i reita pany iy nangchi ly khumi kacheng ne, nanai ati mana nai nangchi thui u thai ai mo? Leu meitang teaung y nai reita pany nai keungchi my, reita sa palai pawn nai ne.

JEREMIA 8:9

Nangchi i khumi kachengchi ly kangji nga u bo. Nichi ly paleung khrukhra naimy deaung y man u bo. Nichi ly kai i leu khai u su bo i, vai nichi ly ati cheng naira awm u jau mo?

Ezekiela 16:3

Huni Jerusalem mary ai sa thai naira angym nai Areng my leu pei nai nang ly thui pi; “Nang i kangpreangchi ly Kanan pri y tapen iy nang i ngampo ly Amori cheng, nang i ngamhm ly Hiti cheng ne.

HOSEA 4:6

Kai i khumichi ly kai ai pany u y nai deaungkho y, pajeng naira avum u ai. Nangchi pathyp pi nai keungchi ly kai ai pany y i, kai i thui pi nai leu ai py tangai u y nai deaungkho y, kai ly nangchi ai kang khai su bo. Nangchi i chapochi ai py, pathyp pi nai keungchi ne, nanai kang palawn pi ai ny y.

MIKHA 3:11

Mary y peang nai khumichi ly un tangka cha iy, peang u. Pathyp pi nai keungchi ly vang nga ai nai i vui y reita leuchi patiu pi. Amochi ly tangka la iy amteng hai nai leu thui pachai u. Nichi bawibawi my Areng ly nichi hawi vanrei awm, nanai thui u. Nichi my, “Kaichi teng y patang naira tym pajau y, Areng ly kaichi hawi vanrei awm nai ne,” nanai thui u bo.

MALAKHI 3:7

Nangchi ly nangmychi i amsi pajochi kamta, kai i reita leuchi ai tangai y naimy, amphri u vui bo. Nangchi ly kai teng y jeu u ali teang. Kai py nangchi teng y kang jeu teang ai. Na i py nangchi my, ‘Nang teng y kang jeu pajau ai nai kaichi ati kasa u ai mo?’ nanai deng u bo.

Kati Nai 32:14

Amsi pajochi i kamngolai y, vai nangchi py kamngo sa nai kangpreangchi lawm u bo. Hunai deaungkho y nangchi ly Areng i khri pa-rei kado theu naira ly Israela chengchi i tlang tleaung y tym hai bi ai nai sa u nai bo.

MATTHAI 15:14

Nichi ai paka u reng moh; lam patei nai keung mei kamju teu. Hunaibaly mei kamju ai mei kamju my lam patei baly angawm y tla mei ai,” napi. Naibaly Petera my niteng y,

MATTHAI 27:1

Naibaly khawn mang y ly pathyp pi nai keung kalenchi hawi khumi hum miteaung kehchi bawibawi ly Isu ai padei ai nai sai arum u bo;

MATTHAI 27:41

Hunai kamta khyp teang pathyp pi nai keung kalenchi ly Reita patiu nai keungchi hawi, miteaung kehchi hawi py,

AMTAW 7:51

“Nangchi paleung katang hawi, paleung hawi kano takip y naichi awi, nangchi ly mana khala py Phailo Kachai ai paka jojo; nangchi i amsi sangumchi i sa nai kamta nangchi py sa u jojo.

ROM AVANGCHI TENG Y PAWLA I CHA PA NAI 5:12

Hunaibaly khumi leaungrei nai deaungkho y kamngo khaileaung pri y kun i, kamngo nai deaungkho y deira py kun teang; hunai kamta khyp teang khumi bawibawi kamngo sa nai deaungkho y deira my ly khumi bawibawi ai num be bo.