ISAIA 43:26 - Khumi Common Language Bible

²⁶ “Tara jeung y achi chei u sina; nangchi i neng hai nai jeu hai u! Nangchi mang i teng, nanai pany hai naira patei pi ai nai, nangchi i ka-jo ka-thui amti pi u.

ISAIA 43:26 ပူးပေါင်းရင်းမြစ်များ

ATITI AWM ANGCHEI NAI 32:12

Nang i chei naira tleirei y kaimy kang pahawi ai, pangli spryh kamta nang i kangpreangchi kang peung hai ai, nanai nangmy adeu nai leu ai ly pany pi jo kyh ba,” nanai takeng bo.

JOBA 16:21

Amy i ahawi ka-dawi i vui y awm hai nai khumi kamta, kai i vui Tameuh teng y ama hai ai nai khumi awm hai i khyly, kangai parai.

SAM 141:2

Kai i chiu sa nai ly dym mang y kapathypra talam nai kamta kawn pi kyh ba.

SAM 74:22

Aw Tameuh, ang thau ly nang i sa thai naira tym hai ba; Tameuh ai pany y nai khumichi my, nang ai kani khengrei panui hai nai ly pany jo ba.

ISAIA 1:18

Areng my, “Vai, nangchi i sa nai sai adawn pasym u sina. Nangchi ly kamngo thi akau naimy awm. Na i py kai ly nangchi ai ji amai kamta kaleung pa-rei paju pachai pi ai. Nangchi ly kamngo thi hawi pasen na teu i py, palopi kamta kaleung hai ai.

ISAIA 41:1

Tameuh my, “Nangchi kamlo prichi awi, tyn kryh y naimy kai i leu tangai u! Nangchi i molam jeung y tym ai nai angvei u rym; Nangchi ly akhi nai leu thui ai nai nga u ai. Ami i teng mo, nanai chih pi ai nai achi angym u sina.

ISAIA 43:9

Khumi cheng cheaungkhangchi ai tara chih naira y palau u. Nichi i mani tameuhchi ly mo mang i satang thui pajau ai mo? Mani tameuhchi ly vai tym nai atitichi ai thui yb nai awm mo? Huni tameuhchi ly mychi i sa nai kateng ne, nanai ka-ma-ra patei pajau ai nai hawi, mychi i thui nai kamta teng khyp nai saichi ka-ma-ra patei pajau ai nai, pany hai pi nai keungchi ai hawi u na sy.

ISAIA 50:8

Tameuh ly kai i sahawi y awm iy, kai teng y kamngo by y nai sai ka-ma-ra patei pi ai nai deaungkho y, kai ly tahm anem ai ny y, nanai pany. Kai ai neng hai vam nai khumi leaungrei awm lawh baly, jeung y chei u sina! Huni khumi ly my i neng hai nai sai syn ryp sy!

Ezekiela 36:37

Sa thai naira angym nai Areng my, “Kai ly hini tleaung y malawn py sa ai. Israela chengchi ai kai teng y kasabawmra hnei bi ai nai pei ai. Beram kanghu kamta vuikanai peung hai ai.

LUKA 10:29

Na i py ni my ly eaung ai nai tau i Isu teng y, “Naibaly kai i saleaung khumi ly ami mo?” napi.

LUKA 16:15

Hunaibaly ni ly mymychi teng y, “Nangchi ly khumi i mei ka-niu y kahawi sa u nai teu; na i py Tameuh my nangchi i paleung ly pany veng; khumichi tengtawi apalo nai ly Tameuh i mei ka-niu y ly kamso awm parai.

ROM AVANGCHI TENG Y PAWLA I CHA PA NAI 10:3

Nichi ly Tameuh i hawi naira pany y naimy, mymychi i hawi naira khaw hai ai nai tau iy, Tameuh i hawi naira y apei u y lawh.

ROM AVANGCHI TENG Y PAWLA I CHA PA NAI 11:35

Mymy teng y heung teang ai nai py atiti ami pei man mo?

ROM AVANGCHI TENG Y PAWLA I CHA PA NAI 8:33

Tameuh i vawi nai khumi ai ly ami my ang seu ai mo? Eaung hai nai keung ly Tameuh ne khy veng;