ISAIA 43:25 - Khumi Common Language Bible

²⁵ Na i py kai ly kaimy i tahm awm nai molam y, nangchi ai kamngo pahen pi nai keung Tameuh ne.

ISAIA 43:25 ပူးပေါင်းရင်းမြစ်များ

2 NENG SATANG 6:21

Kai i chiu sa naichi py, hini meingtym mang y motha iy nang i khumichi chiu sa nai py tangai pi kyh ba. Nang i awm nai kani pri mang dengdairei, kaichi i hnei takeng naichi tangai pi iy, kaichi i kamngochi pahen pi kyh ba.

SAM 103:12

Nisi kangtem ly nidym kangtem hawi palo nai kamta, mymy ly achi i kamngochi ai py, achi hawi palo hai veng bo.

SAM 103:3

Mymy ly kai i kamngo bawibawichi palawi pi iy, kai i no-na bawibawichi py, hawi ang sa pi nai ne.

SAM 25:11

Aw Areng, kai i kamngochi ly nawi parai. Hunai deaungkho y nangmy i adeu nai khaw hai iy, kai i kamngochi pahen pi kyh ba.

SAM 25:7

Hawi thym hawisai thym khala y kai i sa tamang nai kamngochi hawi, kateng so y naichi ai pahen kyh ba. Nang ly khaw parai nai tamen naira awm iy, neaung hawi nai sai molam y, kai ai pany jo kyh ba.

SAM 51:3

Kai ly kaimy i tamang naichi ahui bo; kaimy i kamngochi py kapany jo nai ne.

SAM 51:4

Kai ly nang i tlang tleaung y kamngo sa bo, nang ai naini kamngo sa nai ne. Nang i mei ka-niu y sa tamang bo. Hunai deaungkho y kai ai nangmy tara chih nai ly avo khyp nai ne. Kai i tlang tleaung y kamngo pajeng nai ly teng khyp bo.

SAM 51:9

Kai i kamngochira i nai meimai hi vui iy, kai i sa tamang nai ngiereichi ai taphra pi pyn kyh ba.

ISAIA 1:18

Areng my, “Vai, nangchi i sa nai sai adawn pasym u sina. Nangchi ly kamngo thi akau naimy awm. Na i py kai ly nangchi ai ji amai kamta kaleung pa-rei paju pachai pi ai. Nangchi ly kamngo thi hawi pasen na teu i py, palopi kamta kaleung hai ai.

ISAIA 37:35

Kai ly kaimy i tahm awm nai ai py, kai i miseaung Davida teng y pei nai leu ka-deu molam py, hini mary ai ama hai ai,” napi.

ISAIA 38:17

Kai i paleung bi naira ly paleung savairu nai mang y amtlau vui ai. Nang ly kai i tlang ai ka-jeira cheaungkhangra i nai atleupi bo. Kai i kamngo ngierei py pahen pi bo.

ISAIA 43:11

“Kai leaungrei naini Areng ne. Kai leaungrei naini nangchi ai atleu pajau khyh.

ISAIA 44:22

Kai ly nangchi i kamngochi ai khupanym kamta, akheang hai pawn bo. Kai teng y jeu u ali teang; nangchi ai atleu nai keung ly kai ne.

ISAIA 48:11

Kai ly ati mo sa i py, kaimy i tahm anem y ai nai sa. Kaimy i amyn phra ai nai kasa ai ny y. Kaimy leaungrei naini nga ai ataing nai nang parai nai py, takhra amimi ai py nga hai ai ny y,” napi.

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

ISAIA 64:8

Na i py aw Areng, nang ly kaichi i ampo ne. Kaichi ly khaileaung laikan hawi atawm iy, nang ly laawm beu nai keung hawi atawm. Nang ly kaichi ai sa nai keung ne nai deaungkho y,

ISAIA 64:9

kaichi i tlang tleaung y kado theu hai ala moh, ti y i py, kaichi i kamngochi ai pany pi jo moh kyh ba. Kaichi ly nang i khumichi ne i, kaichi ai pahen kyh ba.

JEREMIA 31:34

Areng ai pany ai nai mary i khumichi tengtawi, pri i khumichi tengtawi apachei leungtang ai nai aly ngai y ai. Ati mana nai mo nabaly katheang keh i dengdairei kalen keh y khrairei, kai ai pany u ai; kai ly nichi i kamngo pahen pi ai. Nichi i sa tamang naichi py kaimy pany pi ali ai ny y. Hini ly kai, Areng i thui nai leu ne,” napi.

JEREMIA 50:20

Huni neng tym nai khala kai ly kaimy heng ai pei nai khumichi i kamngochi kapahen pi ai i, Israela pri y sa tamang nai kamngo ati sai py avum ai ny y. Juda pri y py tamang nai ati sai py niu ai ny y. Hini ly kai, Areng i thui nai leu ne,” napi.

Ezekiela 18:22

Ni ly kateng sa nai deaungkho y ni i kamngo bawibawichi pahen ai i, ni ly heng ai.

Ezekiela 20:14

Na i py huna nai tamyh pawn lawh baly, pri cheaungkhangchi i mo y kai i amyn phra ai. Ati mana nai mo na baly nichi ai Aikupta pri i dengdairei kaimy pahawi nai ly khumi cheng cheaungkhangchi my niu nai deaungkho y ne.

Ezekiela 20:22

Na i py avum hai y; huna nai avum hai lawh baly Israela chengchi ai Aikupta pri i dengdairei kapahawi nai ai niu nai khumichi i mo y, kai i amyn phra ai nai deaungkho y ne.

Ezekiela 20:9

Na i py kai i amyn y nichi hawi vanrei awm u nai prichi teng y tahm anem y ai nai, huna nai kaso pi vai y. Ati mana nai mo na baly Israela chengchi ai Aikupta pri i dengdairei kapahawi ai nanai, nichi hawi vanrei awm u nai cheng takhrachi i mo y, kai ly adeu pi nai deaungkho y ne.

Ezekiela 33:16

Ni i sa tamang nai kamngochi py kaimy pahen pi ai. Kataw kateng sa nai molam y ni ly heng ai.

Ezekiela 36:22

Huna nai y Israela chengchi teng y sa thai naira angym nai kai, Areng my leu pei nai ly vai, kai i sa ai tau nai ly nang Israela chengchi i vui ny y; nangchi tym nai pri tleirei y kai i amyn kachai taphra nai molam y sa ai nai teu.

Ezekiela 36:32

Israela chengchi awi, kai ly nangchi ai kang dawn hai nai molam y hinichi sa nai ny y, nanai nangchi ai pany hai ai nai ngai. Vai, nangchi i sa nai molam y kangji nga hai ai nai ngai. Hini ly sa thai naira angym nai kai, Areng i pei nai leu ne.”

MARKA 2:7

Tameuh ai thui tamawn nai na a hi ly; Tameuh my ny y baly kamngo ami pahen thai mo?” nanai nichi i paleung y dawn u bo.

LUKA 5:21

Naibaly Reita patiu nai keungchi hawi, Pharisaichi my ly, “Tameuh ai thui tamawn nai ly ami kha? Tameuh my ny y baly kamngo ami pahen thai mo? nanai dawn u pasym.

AMTAW 3:19

Hunai deaungkho y nangchi i kamngochi ly tama hai thai ai nai uikhei u ly, ali u teang jau,

ROM AVANGCHI TENG Y PAWLA I CHA PA NAI 5:20

Naibaly kamngo ly amny ra thai ai nai, Reita py awm bi bo;

EPHESI 1:6

Huni pahenra ly Ngai Parai Nai y jawm my ang pei;

EPHESI 1:8

Huni pahenra ly mymy i cheng naira hawi ka-vo pany naira bawibawi y ang bawn nai tleaung y bawnra iy,

HEBRAI 10:17

“Nichi i kamngo nairachi hawi nichi i taphra nairachi py kapany pi ali y ai bo,” napi bi.

HEBRAI 8:12

Nichi i taphra naira y kapahen ai, Naibaly nichi i kamngochi py tlen py kapany pi jo y leang bo,” ang napi.