ISAIA 43:21 - Khumi Common Language Bible

²¹ Huni khumichi ly kaimy i vui, kai i sa nai khumichi ne; nichi my py kai ai palo u ai.

ISAIA 43:21 ပူးပေါင်းရင်းမြစ်များ

SAM 102:18

Areng i sa nai saichi ai deung kangthauchi i vui tajiu pi u typ; hunai khala naini nichi ly nang ai palo u ai.

SAM 102:19

Theaungtla nai khumichi i tangam nai raawi tangai ai nai py, dei ai nai pa-rei tara chih naira avum nai khumichi ai lawi naira pei ai nai py,

SAM 4:3

Areng ly mymy i vui molam y khumi kahawi ai vawi takhra nai ly pany u ba. Kai palau nai khala y mymy ly tangai pi bo.

SAM 79:13

Huna nai khala y beram kanghu napi nai nang i khumi kaichi ly kawn naimy avawrei kang palo jojo ai; katu chanau deungrei kang palo u jojo ai.

LEU KACHENG 16:4

Areng i sa nai ati cheaungkhangchi i vui ly paran yb nai awm. Khumi hawi y naichi i vui malawn py, patang naira avum hai ai nai paran yb nai awm.

ISAIA 42:12

Pri kamlora i khumichi py Areng ai palo iy, nang parai nai sai amthang hai u sy!

ISAIA 43:1

Israela chengchi awi, nangchi ai sa nai keung Areng my, “Jei u moh, nangchi ai kaimy atleu ai. Kaimy nangchi ai amyn pathi iy kang palau bo; nangchi ai kaimy peang.

ISAIA 50:7

Na i py Areng ly kai ai sabawm nai deaungkho y, nichi i ana nai ly kai i tlang tleaung y patang naira tym hai y leang. Hunichi ai kham pajau ai nai, kai ly khamta bo.

ISAIA 60:21

Nang i khumi bawibawichi ly kateng sa u naimy, pri py peang ai nai nga u jojo ai. Khumi bawibawichi i mo y kai i nang parai nai amteng hai ai nai, kai ly nangchi ai kry iy kapalum ai.

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

JEREMIA 13:11

Israela hawi Juda khumi bawibawichi ly kai i khumi lawm iy, kai i amyn palo u thai ai nai, kai ly nichi ai khumi i akeng y akawm cheng nai akeng kawm nina kamta, kai i sahawi y abiri pa-rei awm ai nai ngai hai nai ne. Na i py nichi ly kai i leu tangai u y.

JEREMIA 33:9

Jerusalem mary ly kai i amo theu naira, tahm asang naira hawi amlyh naira lawm ai. Khaileaung pri i khumi cheng cheaungkhangchi ly huni mary ai kaimy peang nai hawi nairachi py, huni mary y kaimy tym hai nai nang chawn nairachi py, thai u nai khala ly kaso theu u ai,” napi.

MALAKHI 3:17

Ati cheaungkhang sa thai nai Areng my, “Hini khumichi ly kai i khumichi lawm ai. Nichi ly kaimy tara chih nai kani y kai i khumi kypkypchi lawm ai. Ampo ly my i miseaung kamta sa nai chapo tlang tleaung y pahen nai kamta, kai py nichi tlang tleaung y pahen ai.

I KORINTH 10:31

Hunaibaly nangchi cha i py nei i py, nangchi i sa nai ngierei y py Tameuh ai palo ai nai so u bebe.

EPHESI 3:21

deungtasarei kangthau bawibawi tym pa-rei, palau takhra kamkawm y hawi Krista Isu y py nang parainai awm sy. Amen.

KOLOSA 1:16

mymy i saho y ati cheaungkhang sa nai ne iy, kani mang y awm naichi hawi, khaileaung y awm naichi py, niu thai naichi hawi niu thai y naichi py, areng atehra py, peang naira py, areng naira py, aly peang naira py, ati cheaungkhang mymy i saho y sa nai ne i, mymy i vui y py sa nai ne teang.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

HEBRAI 13:15

Hunaibaly mymy i saho y palo naira ly apathyp naira lawn ai nai Tameuh teng y talam u reng sina, huni ly ni i amyn apha y nai labeaung athai ne.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;