ISAIA 43:20 - Khumi Common Language Bible

²⁰ Daichi mawichi malawn py, kai ai tahm khai iy palo u ai. Kai ly kaimy vawi takhra nai khumichi tui nga ai nai molam tui by y nai daichi ka-vymra y tavo tuichi leaung hai nai khala y khivachi hawi kula-iu tavochi ly kai ai palo u ai.

ISAIA 43:20 ပူးပေါင်းရင်းမြစ်များ

SAM 104:21

Khrangsi tanglochi ly teicha hau nai thym khala y hang u; nichi ly Tameuh my khai pi nai teichachi hau u.

SAM 148:10

amso mawi kamrawi hawi amso mawi kasichi awi, ava thai nai heng nai amjy hawi tavochi awi, mymy ai palo u.

SAM 33:12

Areng ai Tameuh palawn iy chiu nai khumi cheng ly taham hawi; Mymy i khumi lawm ai nai vawi takhra nai khumichi ly taham hawi.

ISAIA 13:22

Angdeangrachi hawi samrang yhmchi ly kasui hawi khivachi a-u nai katyn hawimy amsau na ai. Babulon mary y kamngo pajeng nai neng kani ly ang tym bo! Huna nai awm nai neng kani py dym ai nai kasa bo.

ISAIA 30:25

Nangchi ly paleung ka-echi i amtangrachi taphra vui iy, nichi ai padei pawn nai khala y, mawi hawi mawi aheung awm nai tleireira i micheaung tuichi ly leaung kathiu ai.

ISAIA 32:2

Nichi bawibawi py ali hawi alipui khupuira i nai abyh nai meingtym kamta lawm ai. Nichi ly khutaha meingtymra y leaung nai tavo micheaungchi hawi py, ati sai py prau y nai kani kabira y awm nai lengseaung pui ka-khui hawi py atawm ai.

ISAIA 33:21

Areng ly mymy i nang parai nai sai achi niu ai nai pei ai. Achi ly tavo pui, micheaung puichi sahawi y awm ai nai nga u ai. Na i py huni tavo puichi ra y paleung ka-echi i paleaung hawi samphochi, so kathiu, so kalau ai nai nga u ai ny y.

ISAIA 35:7

Kabi ango parai nai speungchi ly tui sampum lawm iy, khutaha khaileaung py tuikhochi kawi mang naimy awm ai. Khivachi tlai reng nai meingtym y speung samji keung hawi japang uipo keungchi prau ai.

ISAIA 41:17

Kai i khumichi tui ngai nai hau nai khala py, nichi tui kanghai tao phui nai khala py, kai, Areng ly nichi i hnei takeng nai pathang pi ai. Israela chengchi i Tameuh, napi nai kai ly nichi ai mana khala py khai su ai ny y.

ISAIA 41:18

Kai ly ati sai py prau y nai mawi aheungchira y tavochi lawm hai iy, leaunghawichi hawi tavo micheaungchi lawm hai ai. Kai ly khutaha daichi ka-vym y tuipumchi lawm ai nai py, khutaha khaileaungchi ai, tuikhochi lawm ai nai py, amtlau hai ai.

ISAIA 43:19

Kai i sa ai nai leaungsai kangthachi ai ajeng u. Hunichi ly ang tym dudu nai deaungkho y, huni ai vai nangchi niu u na a! Kai ly daichi ka-vym y lam sa pi prei iy, nangchi teng y tuino leaung hai ai.

ISAIA 48:21

Areng ly mymy i khumichi ai, bi parai iy tui by y nai daichi ka-vymra y pahawi prei nai khala, nichi ly tui ahai u y. Mymy ly nichi i vui lengseaung dengdairei, tui theu hai bo. Lengseaung ako hai nai deaungkho y, tui leaung nai ne.

ISAIA 49:10

Nichi ly mana khala py, teicha teinei avaw ai ny y. Nichi ly mymychi ai tamen nai keung i lam patei nai avum iy, kanito hawi speung kangngo molam y, patang naira avum ai ny y. Mymy ly nichi ai tui sampumchi awm naira mang y pahawi ai.

ISAIA 65:15

Kai i vawi takhra nai khumichi ly nangchi i amyn ai, amsawira y teaung u ai. Kai, Areng my py nangchi ai kang padei ai. Na i py kai i leu tangai nai khumichi ai, kai ly amyn kangtha pei ai.

JEREMIA 31:9

Nichi ai kaimy kapahawi ali teang nai khala y, kai i khumichi ly chiu sa naimy vo tangam u iy ang vawi u ai. Kai ly nichi ai tuino leaung nai meingtymchi hawi, nichi athei y, avah y ai nai lam kahawi mang kapahawi ai. Kai ly Israela chengchi i ampo ne iy, Ephraim cheng theaung ly kai i chapo chalu ne.”

JOELA 3:18

Huni neng khala mawichi ly kreip akhochi hawi kawi na ai. Mawi aheungchira py sichi tlai nai niu ai. Juda pri verei y tui hawihai palai nga u ai. Tavo micheaung tui ly Areng i Achura yhm mang dengdairei leaung ai i, Akasia leaunghawi ai am-i hai ai.

MARKA 13:20

Naibaly Areng my phai huni neng ai ly dawi hai moh khyly khumi nanai kangheng ha py awm ai ny y: na i py mymy i vawi takhra nai khai rym naichi deaungkho y neng ai ly ang dawi hai ai.

JOHAN 4:10

Isu my ni teng y, “Tameuh i atiti pei nai hawi, nang teng y Kai nei ai nai pei ba’ napi nai keung ai nang pany i khyly, nangmy ni teng y hnei lawh ai i, ni my ly tui kangheng ang pei ai bo,” nanai pathang.

JOHAN 4:14

ami py kai i pei ai nai tui nei nai ngierei ly tlen py tui ahai y ai; kai i ni teng y pei ai nai tui ly my i taku theung y tuino awm ai i, deungtasarei hengra tym pa-rei achawn ai,” nanai pathang.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

AMTENG HAI NAI 17:14

Hunichi ly Beram Cho ai tiu ai i, Beram Cho ly arengchi i Areng, samrangchi i Samrang ne nai deaungkho y nichi ai pajau ai: mymy teng y awm naichi py, palau nai, vawi takhra nai, ka-ym awm naichi ly pajau u teang ai,” napi.

AMTENG HAI NAI 21:6

Naibaly ni ly kai teng y, “Hunichi ly angym be bo. Alpha hawi Omeka, pakeung hawi katem kai ne. Tui ahai nai keung ngierei teng y heng naira tuino i tui jawm my kapei ai.

AMTENG HAI NAI 22:17

Naibaly Phailo hawi deaung vawi nai anglo my, “Jeu ly,” ang napi. Thai nai khumi py, “Jeu ly,” tapi sy. Tui ahai nai khumi ly jeu sy: ngai nai khumi ly heng naira tui jawm my lo sy.