ISAIA 43:19 - Khumi Common Language Bible

¹⁹ Kai i sa ai nai leaungsai kangthachi ai ajeng u. Hunichi ly ang tym dudu nai deaungkho y, huni ai vai nangchi niu u na a! Kai ly daichi ka-vym y lam sa pi prei iy, nangchi teng y tuino leaung hai ai.

ISAIA 43:19 ပူးပေါင်းရင်းမြစ်များ

SAM 105:41

Mymy ly lengseaung khawi nai khala, tui achawn hai i, khutaha daichi ka-vym y tavo kamta leaung bo.

SAM 126:4

Aw Areng, kanitui ly tui kang nai tavo micheaungchi ai tui kawi hai teang nai kamta, kaichi ai nang chawn ai nai pei ali teang kyh ba.

THEU NAI 17:6

Kai ly Sinai mawi i lengseaung saleung nang i mo y angdo ai. Nang ly lengseaung y pakhau; huni lengseaung mang khumichi nei ai nai tui theu ai,” napi. Naibaly Mosi ly Israela chengchi i luchi mo y leu pei nai kamta huni lengseaung y pakhau bo.

ISAIA 30:25

Nangchi ly paleung ka-echi i amtangrachi taphra vui iy, nichi ai padei pawn nai khala y, mawi hawi mawi aheung awm nai tleireira i micheaung tuichi ly leaung kathiu ai.

ISAIA 32:2

Nichi bawibawi py ali hawi alipui khupuira i nai abyh nai meingtym kamta lawm ai. Nichi ly khutaha meingtymra y leaung nai tavo micheaungchi hawi py, ati sai py prau y nai kani kabira y awm nai lengseaung pui ka-khui hawi py atawm ai.

ISAIA 33:21

Areng ly mymy i nang parai nai sai achi niu ai nai pei ai. Achi ly tavo pui, micheaung puichi sahawi y awm ai nai nga u ai. Na i py huni tavo puichi ra y paleung ka-echi i paleaung hawi samphochi, so kathiu, so kalau ai nai nga u ai ny y.

ISAIA 35:1

Daichi ka-vym ly amo theu ai; khaileaung khutachira y kaseaung pau ai.

ISAIA 41:18

Kai ly ati sai py prau y nai mawi aheungchira y tavochi lawm hai iy, leaunghawichi hawi tavo micheaungchi lawm hai ai. Kai ly khutaha daichi ka-vym y tuipumchi lawm ai nai py, khutaha khaileaungchi ai, tuikhochi lawm ai nai py, amtlau hai ai.

ISAIA 41:19

Kai ly khutaha daichi ka-vym y saitleang keung, thaneaung keung, preaungmui keung hawi olive keungchi prau hai ai. Dengkeaung keung prau y nai meingtym y, maicha keung amjyjychi hawi saitleang keungchi abawi nai thengreungchi lawm ai.

ISAIA 42:9

Kai i thui yb nai atitichi ly vai, tym dudu bo. Vai, kai ly nang teng y atiti kangthachi ai hunichi tym y rai khala my, kang pany hai pi ai.

ISAIA 48:5

Kai ly atitichi tym y rai khala my, nangchi i vui mo mang i satang kang thui pi yb veng bo. Huna nai sa nai ly hini atitichi ai nangchi i sa nai mynchi my sa hai nai ne, nanai nangchi thui pajau y ai nai ne.

ISAIA 48:6

“Kai i thui pi yb nai ngiereichi ly vai, tym dudu bo. Kai i thui naichi ly teng, nanai nangchi pany u ai. Vai, kai ly mo mang y tym ai nai sai kangthachi, jangni khala y kang thui pi vai y nai atitichi, kang thui pi ai.

ISAIA 49:10

Nichi ly mana khala py, teicha teinei avaw ai ny y. Nichi ly mymychi ai tamen nai keung i lam patei nai avum iy, kanito hawi speung kangngo molam y, patang naira avum ai ny y. Mymy ly nichi ai tui sampumchi awm naira mang y pahawi ai.

ISAIA 51:3

“Kai ly Jerusalem mary hawi huni mary i phra seaungkhrang nai yhm hlaura y awm nai khumichi ai kapahen ai. Jerusalem mary ly daichi ka-vym lawm teu i py, kai ly huni ai Eden akho kamta, Areng i akho lawm hai ai. Huni meingtym y awm nai khumichi ly amo theu naimy, palo nai khulym thui nai tarawi y, kai ai kawn nai leu thui u ai.

JEREMIA 23:7

Areng my, “Khumichi my kai ai ly Israela khumichi ai Aikupta pri i dengdairei pahawi nai keung Tameuh kangheng ne, nanai mana khala py vaineng abeu u y nai neng tym ai.

JEREMIA 31:22

Ka-ym by y nai khumichi awi, nangchi ly mana tanrei kakra aninaw u ai rai mo? Neampachy my neampacho ai ama hai pajau nai ly rengrang nai kamta, kai Areng ly atiti takhra kangmeng kangtha sa nai ne,” napi.

JEREMIA 31:9

Nichi ai kaimy kapahawi ali teang nai khala y, kai i khumichi ly chiu sa naimy vo tangam u iy ang vawi u ai. Kai ly nichi ai tuino leaung nai meingtymchi hawi, nichi athei y, avah y ai nai lam kahawi mang kapahawi ai. Kai ly Israela chengchi i ampo ne iy, Ephraim cheng theaung ly kai i chapo chalu ne.”

Kati Nai 20:11

cheaungvawi pheu iy lengseaung pui ai tlen nyhrei pakhau bo, naibaly lengseaung pui mang tui achawn thlauthlo na i, khumichi hawi tawnbawichi ly nei ai nai nga u bo.

II KORINTH 5:17

Huni deaungkho y ami py Krista y awm baly mymy ly kangtha lawn bo; atiti kangngymchi ly tama vui bo; khen u cham, nichi ly kangtha lawn veng bo.

Leu Thui Nai 8:15

Mymy ly nangchi ai pavui kangso hawi kani taaichi peung iy, kau parai nai hawi ka-jei awm nai daichi ka-vym jeungrei pahawi prei nai ne. Khaileaung jengha iy tui by y nai meingtym y, mymy ly lengseaung pui mang tui theu hai bo.

AMTENG HAI NAI 21:5

Naibaly areng atehra tleaung y ateh nai keung my ly, “Khen cham, ati cheaungkhang kangtha kasa,” napi. Naibaly mymy ly “Tajiu ly, hini leu bawibawi ly ka-ym awm nai py kateng ne lawh,” napi.