ISAIA 43:1 - Khumi Common Language Bible

¹ Israela chengchi awi, nangchi ai sa nai keung Areng my, “Jei u moh, nangchi ai kaimy atleu ai. Kaimy nangchi ai amyn pathi iy kang palau bo; nangchi ai kaimy peang.

ISAIA 43:1 ပူးပေါင်းရင်းမြစ်များ

ATITI AWM ANGCHEI NAI 32:28

Huni khumi my, “Nang i amyn ly Jakob, nanai kang palau y ai. Nang ly khumi hawi py, Tameuh hawi py ani i nangmy pajau bo; hunai deaungkho y nang i amyn ly Israela ne sy,” napi.

SAM 100:3

Areng ly Tameuh ne, nanai pany u. Mymy ly achi ai sa iy, achi ly mymy i ne. Achi ly mymy i khumichi ne; mymy kry nai beram kanghuchi ne.

SAM 102:18

Areng i sa nai saichi ai deung kangthauchi i vui tajiu pi u typ; hunai khala naini nichi ly nang ai palo u ai.

THEU NAI 15:13

Nang i leu adeu nai ly ym ai nai hawi; nang ly nangmy i vawi takhra nai khumichi ai pahawi nai ne. Nang i sa thai naira hawi pri kachai mang y nichi ai lam patei bo.

THEU NAI 15:16

Huni khumi bawibawichi ly jei hyn u nai ne. Aw Areng, nichi ly nang i sa thai naira niu i, miseaung i nai nangmy alaw hai nai nang i khumichi tako prei nai thym khala, nichi ly jei hyn i khuma phau u na bo.

THEU NAI 33:17

Areng ly Mosi teng y, “Kai ly nang ai hawihai palai pany iy paleung kang no nai deaungkho y, nang i hnei nai kamta kang sa pi ai,” napi.

ISAIA 27:11

Dengkeaung changpichi ly aheng iy deirawm nai deaungkho y, neampachychi ly chei i, theng ei u nai ne. Khumichi ly pany thai naira by y nai deaungkho y, nichi ai sa nai keung Tameuh ly nichi ai pahen nai, tamen nai awm ai ny y.

ISAIA 41:14

Areng my, “Israela chengchi awi, nangchi i cheng ly theang, atho di teu i py jei u moh; nangchi ai kaimy kang sabawm ai. Nangchi ai atleu nai keung kai ly Israela chengchi i chai parai nai Tameuh ne.

ISAIA 42:6

“Kai, Areng ly nang ai palau iy, khaileaung pri y ka-dyh ka-dawi awm ai nai, sa thai naira pei bo. Nang deaungkho y kai ly khumi bawibawichi hawi leu maikawm asa iy, prichi salo y kangvang tym hai ai.

ISAIA 43:21

Huni khumichi ly kaimy i vui, kai i sa nai khumichi ne; nichi my py kai ai palo u ai.

ISAIA 43:5

Jei u moh, kai ly nangchi hawi vanrei awm! Kamlo parai nai nisi hawi nidym mang, kangtem keh meingtym dengdairei, nangchi ai nangmychi pri y, kaimy kang hawi ai.

ISAIA 43:7

Nichi ly kaimy peang nai khumichi, kai i nang parai nai amthang hai ai nai, kaimy sa nai khumichi ne,” napi.

ISAIA 44:2

Kai ly nangchi ai sa nai keung Areng ne. Nangchi tapen khyp khala i dengdairei, nangchi ai kang sabawm bo. Jei u moh, nangchi ly kai i miseaung, kai my kang tamen iy, vawi takhra nai khumichi ne.

ISAIA 45:11

Israela chengchi i chai parai nai Tameuh, mo mang i vui y sa nai Areng my, “Kai i cho chanauchi molam y nangchi my kai teng y deng ai nai aly by y. Kai ly ati sa ai nai avo mo, nanai nangchi my kai ai thui pi ai nai aly by y!

ISAIA 48:17

Israela chengchi i chai parai nai Tameuh, nangchi ai atleu nai Areng my, “Kai ly nangchi hawi ai nai i vui y patiu pi iy, nangchi tako ai nai lam patei pi nai nangchi i Areng Tameuh ne.

ISAIA 48:20

Babulon pri i dengdairei theu u; tlamsa naimy tako u! “Areng ly mymy i miseaung Israela chengchi ai atleu bo! nanai satang ai amo theu parai naimy aeu u; meingtym tleirei y amthang hai u.

ISAIA 49:1

Pri takhra i khumi cheng cheaungkhangchi awi, kamlora y awm nai khumichi awi, kai i thui nai leu nangchi tangai u! Kai ai tapen y rai khala my Areng ly kai ai vawi takhra iy, mymy i miseaung y ang khai bo.

ISAIA 49:26

Kai ly nang ai pahyp y naimy ana nai khumichi ai, mychi tengtawi atleh hai iy, kasa them hai ai. Huna nai khala kai ly nangchi ai atleu nai keung Areng ne, nanai khumi bawibawichi my pany u ai. Kai ly Israela chengchi i sa thai naira awm nai keung Tameuh ne, nanai nichi pany u ai,” napi.

ISAIA 51:13

Kani khusang ai khiu tapai iy, khaileaung y langdeng pala nai nangchi ai sa nai keung Areng ai nangchi ly tami veng bo sai a? Nangchi ai pahyp y naimy ana nai khumichi, nangchi ai tamyh pawn ai nai angveirym nai khumichi ai ati mana nai y nangchi ly jei u lyhlyh naimy awm u lawh mo? Nangchi i kado theu nai ly nangchi ai mana khala py, ka-jeira tym hai pajau y leang.

ISAIA 52:9

Jerusalem mary i phra seaungkhrang nai yhm hlauchi awi! Amotheu naimy aeu u. Areng ly mymy i khumichi ai awm hai nem bo. Mymy ly Jerusalem mary ai atleu bo.

ISAIA 62:12

Nangchi ly “Tameuh i chai parai nai khumichi,” “Areng i atleu nai khumichi,” nanai ang palau ai. Jerusalem mary ai, “Tameuh i tamen nai mary pui,” “Tameuh my khai su y nai mary pui,” nanai amyn palau nai avum ai.

ISAIA 63:16

Nang ly kaichi i ampo ne. Kaichi i amsi pajo Abraham hawi Jakob nini malawn py, kaichi ai bawi lo pi pajau y. Na i py Areng nang ly kaichi i ampo ne. Kaichi ai jangni khala i ka-so atleu pi jojo nai keung ly nang ne.

ISAIA 63:9

Nichi ai atleu nai keung ly kani pri amtaw thau ny y. Na i py Areng mymy kypkyp ne. Mymy ly tamen naira hawi pahen naira awm nai deaungkho y, nichi ai atleu nai ne. Jangni y mymy ly nichi ai kry jojo teu i py,

JEREMIA 31:3

kai ly nichi teng y kamlo mang dengdairei amteng pi nai ne. Aw Israela khumichi awi, kai ly nangchi ai kang tamen jojo nai deaungkho y, nangchi ai kai i tamen naira khaw parai nai kang patei pi bo.

JEREMIA 33:24

“Kai ly kaimy i vawi takhra nai Israela yhm dengtheungchi hawi Juda yhm dengtheungchi ai khai su bo, nanai khumichi my thui u nai ly nang pany a? Nichi ly hina nai kamta kai i khumichi ai mei aniu y nai sa iy, khumi cheng harei malawn py palawn u y bo.

JEREMIA 33:26

Huna nai kai i kateng sa nai kamta, Jakob i kangpreangchi hawi py, kai i miseaung Davida hawi py, asa nai Leu Maikawm khaw hai jo ai. Kai ly Abraham, Isaka hawi Jakobchi i kangpreangchi ai peang ai nai, Davida kangpreang theung i leaungrei ai vawi takhra ai. Kai i khumichi ai nang chawn hai teang ai. Kai ly nichi i tlang tleaung y kapahen ai,” napi.

JEREMIA 50:34

Na i py nichi ai atleu ai nai keung ly atho awm parai nai ne. Ni i amyn ly ati cheaungkhang sa thai nai keung Areng ne. Mymy kypkyp ly nichi ai ama hai iy, huni pri y tlamsa naira tym hai ai. Na i py Babulon khumichi ai ly khrukhra naira tym hai ai,” napi.

TANGAM NAI LEU 3:57

Kai ai jei moh, nanai pathang pi bo.

Ezekiela 16:8

“Kai ly nang i sahawi mang aleaung bi bo. Huna nai khala nang ly khrei nai paleung mang y tleaungri aveang nai neng tym bo, nanai kang niu nai deaungkho y, kai ly tlang ka-keu naimy awm nai nang ai kai i ateaung hawi kang khiu iy, nang ai kang khrei mang, nanai adeu chum baly, nang hawi leu maikawm asa i, nang ly kai i aju lawm bo,” napi. Hini ly sa thai naira angym nai Areng i thui nai leu ne.

DANIELA 10:19

Ni my, “Tameuh ly nang ai tamen nai ne. Hunai deaungkho y paleung mawn moh, jei moh,” ang napi. Hini leu thai nai khala kai ly atho awm teang chum baly ni teng y, “Areng awi, nang i thui ai awm nai ly thui ba. Nang ly kai ai awm hai nem ba,” napi.

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.

MALAKHI 3:17

Ati cheaungkhang sa thai nai Areng my, “Hini khumichi ly kai i khumichi lawm ai. Nichi ly kaimy tara chih nai kani y kai i khumi kypkypchi lawm ai. Ampo ly my i miseaung kamta sa nai chapo tlang tleaung y pahen nai kamta, kai py nichi tlang tleaung y pahen ai.

AMTAW 27:20

Naibaly kani py ka-sichi py kra parai pa-rei kaichi ai ang y i, ali khu my py khri pa-rei hm na i, heng ai nai athang khai naira ha py by y bo.

AMTAW 27:25

Hunai deaungkho y arengchi awi, awmnem naimy awm u; kai ai ang thui pi nai kamta awm thlethle ai, nanai kai ly Tameuh ai kaym.

EPHESI 2:10

Achi ly mymy i kiu i theu nai ne i, achi ai atiti kahawi sa ai nai vui Krista Isu y ly sa nai ne, huni atiti sa naira y achi i tako ai nai Tameuh my sa rym nai ne. nai

Leu Thui Nai 32:15

“Areng i khumichi ly nang ra nang ra nai ne, na i py tiu u lawh; nichi ly veung tlang hawi u, teicha teinei kajeu kawi pa-rei cha ai nai nga; mychi ai sa nai keung Tameuh ai khai su iy, sa thai naira awm nai keung ai hi u vui bo.

Leu Thui Nai 32:6

Cheng naira by y iy khumi ka-khumchi awi, Areng ai hina nai kamta sa ai tla nai a? Mymy ly nangchi ai sa nai keung, nangchi i ampo, mymy ly nangchi ai khumi cheng harei ang lawn hai bo.

Leu Thui Nai 32:9

Na i py Jakob i kangpreangchi ai, mymy i vui y vawi takhra bo.

II TIMOTHEI 2:19

Na i py Tameuh i lengseaung leng nai kakhaw my ly awm jojo iy, hini pajawp typ nai ka-ma-ra ne i, “Areng ly mymy i khumichi ai ly ang pany,” nanai hawi, “Areng i amyn palau nai ngiereichi ly hawi y sa naira aheng u sy,” nanai py ne.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

AMTENG HAI NAI 5:9

Naibaly nichi ly khulym kangtha thui iy, “Nang ly huni cha-iu aeang la ai nai hawi, huni i pajawp typ naira ka-ma-ra su ai nai py ataing: Ati mana nai mo nabaly nang tleh nai amteng i, cheng cheaungkhangchi hawi, leu cheaungkhangchi hawi, khumi cheaungkhangchi hawi, theaung cheaungkhangchi theung i nai Tameuh i vui y nang i thi hawi van bo;