ISAIA 42:23 - Khumi Common Language Bible

²³ Nangchi theung i ami nai ly hini leu tangai na a? Nangchi ly vai i dengdairei, hawihai palai tangai u ai a?

ISAIA 42:23 ပူးပေါင်းရင်းမြစ်များ

ISAIA 42:22

Na i py vai, mymy i khumichi ly tiu lawm nai avum u bo. Nichi ai kaveng takunchira y, saw atleang iy heu vui bo. Atleu ai nai khumi leaungrei py by y i, nichi ly tiu lawm nai avum u nai ne.

ISAIA 42:24

Ami nai ly Israela chengchi ai, tiu lawm nai khumichi kiu y au lawh mo? Ni ly achi my tamang nai Areng ne na a! Achi ly mymy i ngai nai kamta awm u y. Mymy i leu pei naichi py tangai u y.

ISAIA 48:18

“Nangchi naini kai i leu pei naichi tangai u lawh teu i khyly, khri pa-rei hawi ai! Awmnem nai tavo tui kamta, nangchi i vui leaung ai! Eaung naira py tui peang y tui sampyh pachaw nai kamta, nangchi i vui tym ai nai ne.

JEREMIA 3:13

Nang ly nangmy i Areng Tameuh ai tiu lawh nai hawi, kamngo tla bo, nanai phai ahui. Apu parai nai dengkeaung tleirei anui y, nang ly cheng takhrachi i tameuhchi ai paleung apei lawh iy, kai i leu tangai y lawh, nanai py ahui ai nai tla. Hini ly kai, Areng i thui nai leu ne.

JEREMIA 9:12

Kaimy, “Aw Areng, “Ati mana nai y hini pri ly aki aleaung ai nai ngo y, phra seaungkhrang naimy tui by y nai daichi ka-vym kamta lawm lawh mo? Hina naichi pany thai nai khumi kacheng ly ami mo? Khumi takhrachi teng y thui pi pateang thai ai nai, ami hini satangchi ai ami teng y nangmy pany hai yb mo?,” nanai deng bo.

MIKHA 6:9

Areng ai jei kaji nai khumi ly khumi kacheng ne. Mymy ly mary y hina nai kamta thui pi bo. “Mary theung awm achu nai khumi bawibawichi awi, tangai u!

AMTAW 3:19

Hunai deaungkho y nangchi i kamngochi ly tama hai thai ai nai uikhei u ly, ali u teang jau,

Leu Thui Nai 32:29

Nichi ly ati mana nai y tavai sum u nai mo, nanai pany u y; ati mana nai deaungkho y mo, nanai py dawn pajau y.