ISAIA 42:16 - Khumi Common Language Bible

¹⁶ “Kai ly kaimy i mei kamjuchi ai nichi tako vai y nai lam mang kapahawi ai. Kai ly nichi i mo y, kaveng ai kangvang lawm hai iy, khuleaung lam hawi y nai ai thleaungthlang hai ai. Hinichi kai sa ai; kaso y naimy awm ai ny y.

ISAIA 42:16 ပူးပေါင်းရင်းမြစ်များ

SAM 94:14

Areng ly mymy i khumichi ai aphi su ai ny y; mymy i peang nai khumichi ai ly khai su ai ny y.

Parip nai leu 1:15

Nang ly ka-kawi ai kataw lawm hai thai y leang; amny amcha y nai atitichi ai py nang kati pajau y leang.

Parip nai leu 7:13

Tameuh i sa nai ai adawn pasym cham; Tameuh my akawi hai nai ly ami my pataw vui pajau ai mo?

ISAIA 26:7

Aw Areng, nang ly khumi kahawichi i lam taw hai bo; nichi i tako nai khuleaung lam py, adyh parai nai ne.

ISAIA 29:18

Huni neng kani tym nai khala y, kano kapangchi ly cha phain nai katyn thai ai. Kaveng theung y awm nai mei kamjuchi ly mei angvang iy niu u ai

ISAIA 29:24

Khumi ka-khumchi ly pany thai naira nga u ai. Tangam nai khumichi hawi paleung kyhchaw nai khumichi py, thui parip nai ai amo theu parai naimy tangai u ai.

ISAIA 30:18

Na i py Areng ly nangchi ai pahen iy sabawm ai nai ajeng nai ne. Mymy ly ka-dyh ka-dawi sa pi jojo nai ne i, nangchi ai pahen pi ai nai ajeng rym bo. Areng ai ym nai khumichi ly taham hawi nai ne.

ISAIA 30:21

Langvawi mang y, ti y baly lamtang mang y nangchi lam tamang u nai khala y, “Lam kateng ly hini ne; hini lam kataw tako u,” nanai nangchi nithun mang mymy i leu pei nai raawi thai u ai.

ISAIA 32:3

Nichi ly mipuichi i avaw naichi pany ai nai, mei karang, kano ha naimy awm ai.

ISAIA 35:5

Mei kamjuchi ly mei angvang u ai. Kano kapangchi py kano ha u ai.

ISAIA 35:8

Huni meingtym y, “Meingtym kachai mang y chei nai lam,” nanai amyn pathi nai lam manglai pui amteng ai. Kamngo sa nai khumi ngiereichi ly huni lam tako ai nai nga u ai ny y. Khumi ka-khum ngiereichi ly huni lam tako nai khumichi ai lam tamang hai pajau ai ny y.

ISAIA 40:4

Kathiu kacheaung ngiereichi padyh iy, mawi katheang kalen bawibawichi panawi u. Mawi aheungchi ly padyh vui iy, adyh acho y nai meingtym ly padyh pawn veng ai.

ISAIA 41:17

Kai i khumichi tui ngai nai hau nai khala py, nichi tui kanghai tao phui nai khala py, kai, Areng ly nichi i hnei takeng nai pathang pi ai. Israela chengchi i Tameuh, napi nai kai ly nichi ai mana khala py khai su ai ny y.

ISAIA 41:3

Ni my paleung ka-echi ai pareng nai ly chymme naimy amsa i, rang parai nai deaungkho y, ni i kheu ly khaileaung y abi y na ly!

ISAIA 45:2

“Kaimy kypkyp my mawi katheang kalenchi padyh iy, nang i vui lam sa pi rym ai. Kai ly mary i kheupaja katheuchi taphra iy, hunichira i tamo lengteaungchi khei piupa pawn ai.

ISAIA 45:7

Kai ly kangvang hawi kaveng ai sa. Amtheaung naira hawi ka-jeira ai py sa. Kai, Areng ly hini bawibawichi ai sa nai ne.

ISAIA 48:17

Israela chengchi i chai parai nai Tameuh, nangchi ai atleu nai Areng my, “Kai ly nangchi hawi ai nai i vui y patiu pi iy, nangchi tako ai nai lam patei pi nai nangchi i Areng Tameuh ne.

ISAIA 52:12

Hini tlenrei ly nangchi theu awn ai nai, aly ngai ai ny y. Nangchi ly preang ai nai atho sa u ai nai aly ngai y. Israela chengchi i Areng Tameuh ly nangchi ai pahawi iy, ati cheaungkhangra ama hai ai.

ISAIA 54:13

“Nang i khumichi ai kaimy thui parip ai. Nang i cho chanauchi ai nang chawn nai hawi tlamsa naira pei ai.

ISAIA 58:10

kajeu alam nai khumichi ai teicha teinei pacho iy, avaw nai khumichi i kangai pei u ai nabaly, nang i kangvang ly nangmy tengpang sahawi i kaveng ai angvang hai ai. Nang i vum kaveng ly kanithun kangvang kamta lawm ai.

ISAIA 62:12

Nangchi ly “Tameuh i chai parai nai khumichi,” “Areng i atleu nai khumichi,” nanai ang palau ai. Jerusalem mary ai, “Tameuh i tamen nai mary pui,” “Tameuh my khai su y nai mary pui,” nanai amyn palau nai avum ai.

Ezekiela 14:23

nang ly nichi i amhi amtlau nai saichi niu nai khala, kai ly ati mo ra py so atyhtyh y leang, nanai hawihai pany ai,” napi. Hini ly sa thai naira angym nai Areng i thui nai leu ne.

HOSEA 2:14

Hunai deaungkho y kai ly ni ai daichi ka-vym mang y hawi ali teang iy, huni meingtym y kai teng y ali teang ai nai, tamen nai leu hawi kapahawi ai.

HOSEA 2:6

Hunai deaungkho y kai ly ni theu thai y ai nai cheaungmei apai sa iy, lam niu pajau y ai nai lengseaung apai akawm khyp ai.

AMOS 5:8

Areng ly ka-si taukichi ai sa. Mymy ly ka-si niprawn hawi eupui eulo ka-jeaung ka-si ai py sa nai ne. Mymy ly kaveng ai kangvang lawm hai iy, kanithun ai py vum lawm hai bo. Mymy ly pangli tui bawibawichi ai palau iy, khaileaung salo y leih nai ne. Mymy i amyn ly Areng ne.

LUKA 3:5

Mawi kathiu kacheaung padeng padyh pawn ai, Mawi ka-sang tleirei hawi aheung tleirei py panem teang ai: Akawi naira py pataw ai i, Lam adyh y naichi py padyh ai,

AMTAW 26:18

mymychi i mei pali hai ai nai, hunaibaly kaveng dengdairei kangvang mang y hi vui thai ai nai hawi, Setan i aly peang naira i nai ly Tameuh mang y hi vui thai ai nai hawi, kamngo pahen naira nga thai ai nai hawi, kai ai ym nai deaungkho y chai chum naichi theung y yhmtheaung kamtym nga thai ai nai py, mymychi teng y kang pato nai he,’ napi.

EPHESI 5:8

ati mana nai mo nabaly nangchi ly jangni y kaveng ne, na i py vai ly Areng y ly kangvang lawn u bo:

HEBRAI 13:5

Nangchi i paleung awm nai sai ly tangka ai paleung no nai abawi y nai awm sy; nangchi i awm nai ryrei my paleung hawi u; mymy kypkyp my ly, “mana khala y py kang patlaw y ai i, khai py kang khai su y leang mang” napi.

JOSUA 3:4

Nangchi ly hini lam y tlenrei py tako u vai y nai deaungkho y, nichi my lam ang patei pi ai. Na i py nangchi ly Leu Maikawm Pawm sahawi y chei u moh. Pawm nithun mang miu sangnyhrei ka-khan y abang u ai nai tla,” nanai thui pi bo.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;