ISAIA 42:11 - Khumi Common Language Bible

¹¹ Daichi ka-vym hawi hunichira y awm nai marychi ly Tameuh ai palo u sy; Keda kangpreang bawibawichi ly mymy ai palo u sy! Selah mary i khumichi ly mawi saleung mang dengdairei, amo theu nai aeu u sy!

ISAIA 42:11 ပူးပေါင်းရင်းမြစ်များ

ATITI AWM ANGCHEI NAI 25:23

Areng my neampachy teng y, “Nang i kajeu theung y khumi cheng nyhrei awm; nang ly atiu nai khumi cheng nyhrei ai tapen ai. Leaungrei nai ly leaungrei tleaung y atho awm ai; kalen nai ly katheang teng y miseaung achei ai,” nanai thui pi

SAM 120:5

Kai, nangchi hawi awm nai ly Mesheka pri y awm nai kamta py, Kedarkhumichi hawi vanrei awm nai kamta py, hawi y keh nai ne.

ISAIA 12:5

Mymy i sa nai nang parai naichi molam y, Areng nang parai nai ai palo u. Khaileaung pri i khumi bawibawichi teng y, huni satang thui pi u.

ISAIA 16:1

Tui by y nai daichi ka-vymra y awm nai Selah mary i Moba chengchi ly Zion mawi i chaniu teng y beram harei langseaung pei pi u.

ISAIA 21:16

Huni bo y Areng my kai teng y, “Sanengrei awm nai bo khala y Keda cheng theaungchi i phum-ang ly tama pyn vui ai.

ISAIA 32:16

Pri theung i meingtym tleirei y khumi kahawichi i kahawi lam hawi, leu meitang adyh adawi nai teaung u ai.

ISAIA 35:1

Daichi ka-vym ly amo theu ai; khaileaung khutachira y kaseaung pau ai.

ISAIA 35:6

Kheu kangbaichi ly achaw u ai; leu ka-achi py amo theu naimy aeu u ai. Daichi ka-vymra y tuino achawn iy, micheaung tui leaung ai.

ISAIA 40:3

Raawi harei my, “Daichi ka-vymra y Areng jeu ai nai lam so u rym! Achi i Tameuh jeu ai nai lam pachai u!

ISAIA 43:19

Kai i sa ai nai leaungsai kangthachi ai ajeng u. Hunichi ly ang tym dudu nai deaungkho y, huni ai vai nangchi niu u na a! Kai ly daichi ka-vym y lam sa pi prei iy, nangchi teng y tuino leaung hai ai.

ISAIA 52:7

Aly nai satang kahawi syn pi nai keung, savai leaungrei mawi aheung tako prei nai ai niu nai ly khri pa-rei apu parai na ly! Huni savai ly atleu nai satang thai hai iy Zion mary ai, “Nang i Tameuh ly samrang ne!,” napi.

ISAIA 60:7

Kedar pri hawi Nebaioth pri i beram ngiereichi ai kapathypra tawnbawichi lawm ai nai nang teng y ang syn pi iy, Areng my kawn ai nai, maicham salo y apathyp u ai. Areng ly mymy i Achura yhm y mani hawi py atawm y pa-rei, phum-ang nang parai hai ai.

JEREMIA 21:13

Aw Jerusalem mary, nang ly adymra i lengseaung pui kamta, leaunghawichi salo y asang hawp naimy awm bo. Na i py kai, Areng ly nang ai kang tiu ai. Nang ly nangmy ai ami my py tiu pajau y, nang i amtangrachi ai py panawi pajau y, nanai thui nai ne.

JEREMIA 48:28

“Moba khumichi awi, nangchi ly nangmychi mary i nai theu u! Tahi tangam mang y chei ly awm u! Amkeu sala y tabu sa reng nai apryn buhuchi kamta so u.

JEREMIA 49:16

Nangchi i amlyh am-e naira my, nangchi ai ang tapawp bo. Nangchi i athang khai nai kamta, ami py nangchi ai jei u y leang. Nangchi ly mawi saleungra i lengseaung ka-sang salo y awm u nai ne. Na i py hunai kamta ahmtlau tanrei ka-sang y awm u teu i py, Areng ly nangchi ai pala kathiu ai. Hini ly Areng i thui nai leu ne.

JEREMIA 49:31

‘Jeu u! achi ly chymme naira awm bo, nanai dawn nai huni khumichi ai tiu u sina! Huni khumichi i mary ly apai katheu hawi atleangra py by y; chymme naira py by y nai mary ne,’ napi.

Ezekiela 27:21

Arab khumichi hawi Kedar pri i samrangchi ly nang i vawnsaichi ai beramcho, beramchi, mi-ichi hawi katheung u.

OBADIA 1:3

Nang i paleung len nai ly nangmy ai ang tapawp bo. Nang i mary pui ly lengseaung hawi sa nai khaw parai nai mary ne i, nang i awm naira ly asang parai nai mawi salo y ne nai deaungkho y, ‘kai ai ami my atheu kathiu pajau ai mo?’ nanai nangmy tlairei katheu reng nai ne.

NAHUM 1:15

Khen cham, satang kahawi syn nai khumi savai ly mawichi tako prei bo. Ni ly eaung nai satang thai hai ai nai jeu nai ne. Aw Juda khumichi awi, nangmychi i reita pawi so u. Tameuh teng y talam u. Khumi hawi y naichi ly nangchi i pri y ang jeu u bi ai ny y. Nichi ly angchi khyp, tama u pawn veng bo.